Hagkaup - þar sem Íslendingum finnst leiðinlegast að versla?

Ósköp er þetta asnalegt framtak og niðurlægjandi fyrir karla. Er þetta við hliðina á barnahorninu?

Ég ætla svo sem ekki að reyna að halda fram að ég hafi sérstaklega gaman að verslunarferðum. Ég reyni yfirleitt að hafa þær stuttar. Sérstaklega leiðist mér að ganga um völundarhúsið IKEA sem er einstaklega sálardrepandi staður - einkum vegna hönnunarinnar.

Þessi hugmynd Hagkaupa er í skásta falli einfeldningsleg. Er "Hagkaup - þar sem Íslendingum finnst skemmtilegast að versla" svo leiðinleg verslun að það þarf að bjóða helmingi þjóðarinnar upp á sérstakt athvarf frá leiðindunum. Hvers á hinn helmingurinn þá að gjalda?

Halda Hagkaup að konum finnist brjálæðislega gaman að kaupa í matinn hjá þeim? Staðreyndin er sú að það finnst trúlega ekki einum einasta manni eða konu skemmtilegast að versla í Hagkaupum. Slagorðið er jafn fáránlegt og þessi lágkúrulega hugmynd með pabbahornið.

Hagkaup ættu kannski að semja við bíó eða nuddstofu um að bjóða upp á almennilegar myndir og dekurstund á meðan starfsfólk Hagkaupa týnir saman það sem fólk vantar í matinn skv innkaupamiða. Það gæti orðið skemmtilegt. 

Ég er að hugsa um að setja Hagkaup í viðskiptabann þangað til. 

Pabbar í pössun í Hagkaupum

Athugasemdir

[Linda, 29.11.2007 kl. 10:33]

mér datt einmitt það sama í hug og ég er svo glöð að sjá karlmann skrifa það sem mig dauðlangaði að segja en gat hugsanlega verið misskilið sem fordómar gegn hinu veika kyni, þ.a.s. karlmanninum

[Didda, 29.11.2007 kl. 10:55]

Innilega sammála þetta er niðurlægjandi og hallærislegt og engan veginn í samræmi við kröfur þjóðfélagsins. 

Og ég bara spyr hvaða forpokaða nefnd eða manneskja átti hugmyndina að þessu

Þar sem ég vinn jafnlangan vinnudag og maðurinn minn, þá hef ég litla ánægju af ráfa um Hagkaup eða örðum verslunum eftir vinnu og finna það sem á að vera í matinn o.fl til heimilisins EIN á meðan eiginmaðurinn væri settur í "pössun" það er jú jafnrétti og þetta er stórt skref aftur á bak, ég sé ekki tilganginn í þessu "framtaki" hjá þeim!!

[Jenný Anna Baldursdóttir, 29.11.2007 kl. 11:37]

"Pabbahornið" er í herradeildinni Dofri.  Hvar annarsstaðar.  Er komin með Hagkaup á bannlistann, sem er töluverð fórn frá mínum bæjardyrum séð, þar sem ég er sökker fyrir stórmökuðum

[Lára Hanna Einarsdóttir, 29.11.2007 kl. 11:46]

Vel mælt, Dofri. Bendi á stórskemmtilega umræðu um þetta mál á bloggsíðu Jennýjar Önnu hér. Mér heyrist að hópurinn verði stór sem sniðgengur Hagkaup fyrir þessi jól og er það nema von...

[Didda, 29.11.2007 kl. 11:47]

Ef ég er á þeim buxunum að versla mér annað en matvöru, þá geri ég það annarsstaðar en í Hagkaup, honum er alveg frjálst að koma með mér eða ekki í það, reyndar hef ég oft notið nærveru hans í þannig leiðangrum.

Ég myndi heldur aldrei gera honum það að senda hann í "pössun" enda er hann sjálfstæður karlmaður .....

[nafe (IP-tala skráð) 29.11.2007 kl. 13:04]

Sniðgöngum Hagkaup! Smáralindin er þegar á bannlistanum mínum vegna bæklinganna, Kringlan reyndar líka. Ég hætti við að panta Toyota lyftarann sem mig langaði svooo mikið að fá í jólagjöf og Landkrúserinn er seldur. Ég vona bara að Melabúðin og Spöngin haldi sig á mottunni, svo ég geti verslað fyrir jólin.

[Ingvar (IP-tala skráð) 29.11.2007 kl. 14:01]

Ótrúlegt þetta fár undanfarið og eiginlega þeim kvenmönnum (karlmönnum) til skammar hvernig þau láta.  

Fer oft með konunni að versla og þá aðallega í matinn, en stundum vill hún skoða meira eða spá meira í föt og annað sem mér persónulega leiðist.   Þá hefur maður oft óskað sér að væri nú stóll þarna einhverstaðar til að geta hvílt botninn á.   Og einmitt ekki skilið þær verslanir sem bjóða ekki upp á slíkt.   Því að maður hefði einmitt haldið að það að sá aðili (kona eða karl) sem væri ekki í sérstökum verslunarhugleiðingum gæti á meðan slakað á einhverstaðar.

Þetta hef ég oft velt fyrir mér að verslanirnar myndu græða meir á því.  Því sá aðili sem vildi sleppa því að skoða og versla ákveðna hluti, þyrfti ekki að ýta á eftir því að verslunarferðinni væri lokið.  Báðir aðilar sáttir!  

En greinilega eru margir ósáttir við hvernig aðrir vilja hafa það og vilja stjórna þeim að ofan frá eins og væru í spotta.  

Ég spy? hvern fjandann kemur fólki það við þótt verslunin bjóði upp á svona flotta þjónustu...hvað á það að þýða að blása í lúðra og berja á skildi og krefjast "jafnréttis" og að þetta sé skot á karlmenn og guð má vita hvað....

Það sendir mig enginn í pössun, en það eru meiri líkur á að ef konan eða ég viljum skoða eitthvað nánar í búðinni og hinn aðilinn vill ekki hanga yfir því, þá þætti mér td bara gott ef konan gæti sest og hvílt lúin bein á meðan ég væri að skoða nýjustu rakspírana.

Þessi firra sem hefur verið undanfarið í fjölmiðlum og þessi læti í liði sem heldur hvað öðrum sé fyrir bestu er fáranlegt.    Hættið að setja ykkur á háan hest og komið af baki og fáið ykkur sæti í rólega horninu í Hagkaup. 

[Ingólfur Ásgeir Jóhannesson, 29.11.2007 kl. 14:42]

Þetta er ein af þessum óhemjuleiðinlegu staðalmyndum sem eru á ferðinni um karla: að þeim finnist leiðinlegt að versla - og afskaplega góður punktur hjá þér, Dofri, að setja þetta í samhengi við auglýsinguna hjá þeim ...

[Dofri Hermannsson, 29.11.2007 kl. 15:16]

Dharma. Ertu karlkyns?

[Óskar Þorkelsson, 29.11.2007 kl. 15:34]

Iss.. Þeir bjóða ekki einu sinni upp á bjór og bolta í þessu horni..  Ef svo væri þá er þetta besta hugmynd aldarinnar í verslunarrekstri á íslandi.

[Jóna Jóns (IP-tala skráð) 29.11.2007 kl. 18:38]

Þegar karlar fara nú að tala eins og kerlingar, hneykslaðir og móðgunargjarnir hvað er eiginlega að verða um karlpeninginn í þessu þjóðfélagi? Er ekki bara í lagi að Hagkaup setji upp einhverja kompu fyrir kalla.........hvað er eiginlega að því.?? Hvernig er hægt að vera á móti slíku....? Ég er alveg hætt að botna í þessu.

[Ingólfur Ásgeir Jóhannesson, 29.11.2007 kl. 19:23]

Út af því sem Dharma gefur í skyn hér að ofan, þá gaf ég það ekki einu sinni í skyn að ég talaði fyrir nokkurn annan en sjálfan mig; gagnrýndi einmitt staðalímyndina af körlum sem Hagkaup styrkir með þessu karlahorni. (Það vantaði reyndar í-ið í staðalímynd hjá mér sem hér með er úr bætt.) Nú kann að vera að það sé meiri munur milli einstaklinga en kynja, eins og þú telur; kannski það sé þess vegna sem það þykir hallærislegt að ætla körlum einhverja sérstaka iðju? (eða iðjuleysi)

[Gísli Baldvinsson (IP-tala skráð) 29.11.2007 kl. 20:25]

Miklar umræður hafa farið fram um kynferði Dharma!  Spurðist fyrir um pabbahornið hér f. norðan..."tökum ekki upp svona andskota...var svarað á norðlensku. Held áfram að versla við Hagkaup.

[Óskar Þorkelsson, 29.11.2007 kl. 21:23]

Dharma hefur alltaf virkað á mig sem karl.. ef hann er kerling þá verður bara að hafa það

[Benedikt Halldórsson, 29.11.2007 kl. 21:33]

Þessi auglýsing um pabbahorn er bara húmor og skilaboð til þeirra karla sem finnst leiðinlegt að versla en fara með konunni sinni. Við þurfum ekkert að gera lítið úr slíkum mönnum eða draga of miklar ályktanir. Sjálfur vann ég í verslun mörg ár og þar kom allt litróf mannlífsins til að versla. Sumar konur áttu til að staldra mjög lengi inni og þá urðu sumir eiginmenn, sérstaklega þeir eldri, himinlifandi að geta tyllt sér niður og fengið kaffi og piparkökur.

Það var í fréttum í dag að kona hefði verið dæmd í fangelsi fyrir að skýra bangsa Múhameð. Það var talin vera móðgun við spámanninn. Mér sýnist að Hagkaup hafi móðgað áratugalanga réttindabaráttu kvenna með ósmekklegri auglýsingu sem vanhelgaði allt sem áunnist hefur!

Þannig eru að verða til ákveðnar helgimyndir sem samsvara ágætlega helgimyndum trúarbragða. Auglýsingar sem falla ekki að guðspjalli Jafnréttis eru umsvifalaust fordæmdar og fólk segist alls ekki ætla að versla hjá slíku fyrirtæki sem leggur nafn Jafnréttis við hégóma.

Það er komið nýtt Guðlast.

[Ómar Ragnarsson, 29.11.2007 kl. 21:43]

Ég er sammála Dofra um að athvarfið á ekki að vera kynbundið og vona að þetta sé nú bara nefnt þetta í glensi. 

Hins vegar er ég ósammála um þörfina á svona horni í stórum verslunarmiðstöðvum. Þar tel ég þörf á þessu og bendi á frétt frá Spáni þess efnis. Þegar fleiri en einn fara saman að versla geta þarfirnar verið mismunandi og ég hef undrast hve lítið hefur verið hugsað fyrir þessu í verslunarmiðstöðvum heims.

Ætla að blogga betur um þetta af gefnu tilefni.  

[Sæþór Helgi Jensson, 29.11.2007 kl. 21:44]

mér finnst nú asnalegt að maður sem er í stjórnmálum tali svona um fyrirtæki ?

ég vinn nú í hagkaup og veit ekki betur enn að við finnum allt sem þig vantar ef þú spyrð.

við finnum það ef það er til og erum með landsins mesta úrval af vörum.

og það er fullt af fólki sem verslar reglulega hja okkur og efast að þeim finnist leiðinlegt að versla þarna. 

[Sæþór Helgi Jensson, 29.11.2007 kl. 21:49]

og þessi pabbahorn bara húmor sem þarf ekki að taka svona rosalega alvarlega

[Ingunn Valgerður Henriksen (IP-tala skráð) 29.11.2007 kl. 22:02]

 Oj það er eitt það leiðinlegasta sem ég geri. Það er að versla. Ég væri til í svona fullorðins ævintýraland, Með svona video og diskó og bolalandii meðan kallarnir eru að skoða tæki :) Takk fyrir innlitið :)

[Anna Karlsdóttir, 30.11.2007 kl. 00:20]

Ég er kona sem finnst leiðinlegt að versla. Hvers á ég að gjalda? En helst vildi ég bara hafa úrvalið sem einfaldast og geta skotist inn án þess að þurfa að dvelja of lengi - innréttingar svona staða eru til þess fallnar að maður eyðir allt of miklum tíma í einskis verða skoðun. Berjumst fyrir minni verslunum sem eru vinalegar og auðveldar yfirferðar.

[Emma Vilhjálmsdóttir (IP-tala skráð) 30.11.2007 kl. 09:36]

Sammála, þetta er auðvitað mjög niðurlægjandi fyrir karlmenn og er engan veginn í samræmi við kröfurnar í þjóðfélagi okkar.  Þarna er greinilega gert ráð fyrir því að konan beri ábyrgð á innkaupunum fyrir heimilið.  Ef karlpeningurinn á heimilinu getur ekki tekið þátt í innkaupunum finnst mér hann geti bara sleppt því að koma með í verslunina.  Hver lætur sjá sig í einhverju afþreyingarhorni í verslun?  Skil það með börnin en með karlmenn... hallló

[Ingvar (IP-tala skráð) 30.11.2007 kl. 13:32]

Þetta er bara spurning um þjónustu sem mér finnst gott framtak og fínt. Sá aðili sem vill ekki spígspora meira um búðina og vill setjast niður, fá sér kaffibolla eða horfa á sjónvarp, má það. Ég er alveg til í að versla með konunni í matinn og það sem þarf á börnin, en stundum vill hún skoða meira og ég hef kannski hvorki löngun né vilja til að fara í aðrar verslanir á meðan. Þá get ég sest og fengið mér kaffi eða sest í þægilegan stól og horft á sjónvarpið.

Ef aðilinn vill það ekki, þá þarf hann þess ekki með. Eina sem er kjánalegt í umræðunni er hjá Hagkaup að kalla þetta Pabbahorn, ef það voru þeir en ekki fjölmiðlar.

Þetta ætti að kallast afþreyingar/hvíldarhorn fyrir alla aðila. Þeir sem vilja þá ekki nota það, gera það ekki, fyrir hina gæti þetta verið kærkomið og þægilegt.

Þannig að mér finnst nóg komið af þessari helgislepju og að móðgast fyrir hönd karlmanna.

Þeir sem það ekki vilja, sleppið að nota þessa aðstöðu! Hinum er það frjálst og guðvelkomið, sé ekki fyrir mér að ég eigi eftir að nota hana, en þeir sem það gera "njótið vel"

[Steinn Hafliðason, 2.12.2007 kl. 15:17]

Ég held Dofri að þú hafir fallið í þá gildru að kynna þér ekki málið sem þú skrifar um heldur apa skoðun þína upp eftir upphrópunum ákveðinna einstaklinga.

Það sem ég skil ekki í þessari umræðu er að það apa allir eftir fréttamanni moggans að þetta horn sé sérstaklega fyrir karlmenn gert. Ég fór þarna tvisvar til að kanna þetta mál sérsaklega og komst að þeirri niðurstöðu að konur máta ekki karlmannsföt, það er fleira í sjónvarpinu en fótbolti og það sitja bæði konur og karlar í þessum stólum. Sérstaklega er það þó ungt fólk meðan ég var þar.

Í herradeildinni eru herraföt og þar máta herrar en ekki konur. Hver er þá líklegur til að sitja í stólnum meðan karlinn mátar?

Það er ekki góður pólitíkus sem lætur blaðamenn æsa sig upp í vitleysur og spangóla upp í loftið en öll þessi umræða virðist byggja á broslegri æsifyrirsögn fréttamanns og kemur körlum og konum ekkert við og hvað þá jafnréttisbaráttu.