Sjálfsögð krafa að Davíð taki pokann sinn

Enginn ber ríkari ábyrgð á því ástandi sem nú er komið upp en Davíð Oddsson en þó svo það væri ekki týnt til eru fjölmargar ástæður sem gera hann vanhæfan sem aðalbankastjóra Seðlabankans.

Meira að segja dyggir sjálfstæðismenn segjast ekki skilja af hverju maðurinn var ekki rekinn á staðnum þegar hann sem embættismaður var kallaður á fund ríkisstjórnarinnar og notaði tækifærið til að segja ríkisstjórninni þá skoðun sína að hún væri ekki starfi sínu vaxinn og að skipa ætti þjóðstjórn.

Með yfirlýstri andúð sinni í garð ákveðinna aðila í viðskiptalífinu hefur hann að auki gert sig vanhæfan til að hlutast til um mál bankanna. Rökstuddar efasemdir um að hann starfi að heilindum eru nægt tilefni til að skipta Davíð út fyrir einstakling sem sátt gæti ríkt um og fullt traust væri borið til.

Það er alvarlegt mál að svo sé ekki við þær aðstæður sem nú eru uppi.

Bendi áhugasömum á að skoða þetta viðtal við Richard Porters, prófessor við The London Business School, í Viðskiptablaðinu en þar segir hann m.a.

Sú ákvörðun að neyða Glitni í þjóðnýtingu var slæm og ónauðsynleg. Hið raunverulega neyðarástand íslenska hagkerfisins hófst með þjóðnýtingunni. Sá verknaður, og hin fráleitu ummæli Davíðs Oddssonar um að aðrir bankar kynnu að hljóta sömu örlög, ættu ekki að heyrast frá neinum seðlabankastjóra

Þau orð Davíðs Oddsonar um að ef bankar gætu ekki fjármagnað sig, yrðu þeir gjaldþrota var allt annað en hjálpleg, og beinlínis heimskuleg.

Sjá einnig á www.eyjan.is

Krefjast þess að Davíð víki

Athugasemdir

[Gestur Guðjónsson, 4.10.2008 kl. 15:33]

Þegar þú færð hjartaáfall þarf fyrst að koma hjartanu í gang, áður en farið er í aðgerðir til að koma í veg fyrir endurtekningu.

Þessa umræðu á því að taka þegar búið er að bjarga gjaldeyrismálum þjóðarinnar, ekki núna meðan neyðaraðgerðirnar eru í gangi.

[Óskar Þorkelsson, 4.10.2008 kl. 15:34]

já nú væri gaman að sjá Samfylkinguna gera þetta að opinberri kröfu í ríkistjórn.. 

[Hrúturinn (IP-tala skráð) 4.10.2008 kl. 15:53]

Vill ekki spekingurinn leggja orð í belg um þetta:

Hollensk stjórnvöld þjóðnýta bankastarfsemi Fortis

Fleiri

Hollensk stjórnvöld staðfestu í dag, að hollenska ríkið væri að yfirtaka starfsemi bankans Fortis í Hollandi og muni reiða fram 16,8 milljarða evra, jafnvirði rúmlega 2600 milljarða króna. Um síðustu helgi tilkynntu ríkisstjórnir Hollands, Belgíu og Lúxemborgar að þær myndu leggja bankanum til samtals 11,2 milljarða evra en það reyndist ekki duga til. 

Meðal þess, sem hollenska ríkið yfirtekur er starfsemi ABN Amro bankans í Hollandi, sem Fortis keypti ásamt tveimur öðrum bönkum fyrir 71 milljarð evra fyrir réttu ári. Þau kaup reyndust vera Fortis um megn.

Fortis er með höfuðstöðvar í Benelux-löndunum þremur en í dag tilkynnt að bankanum yrði skipt upp og hollenska ríkið myndi þjóðnýta eigur bankans þar í landi. 

[Sigurjón Þórðarson, 4.10.2008 kl. 16:16]

Dofri ef þetta væri svona einfalt þá væri þetta lítið mál og auðleyst.

[Óskar Þorkelsson, 4.10.2008 kl. 16:33]

en þetta er góð byrjun Sigurjón.. eða er það ekki ?

[Frelsisson (IP-tala skráð) 4.10.2008 kl. 17:18]

Það er ótrúlegt hvað ungir jafnaðarmenn og raunar flest ungt fólk á vinstri kanti stjórnmálanna þolir ekki Davíð Oddsson. Það er auðvitað þannig að börnin í þessum flokkum hafa verið alin upp við það að Davíð sé pestin og allt sem maðurinn komi nálægt sé af illsku eða einhverskonar vanhæfni. Það sem þessir krakkar skilja hinsvegar illa er að Davíð Oddsson er eini maðurinn eða einn af fáum mönnum sem hefur þorað og þorir að taka erfiðar ákvarðanir og láta sínar skoðanir í ljós. Hann er með hag þjóðarinnar allrar í öngvegi og hefur alltaf verið. Ég efast samt um að rassblautar bleyjustelpur eins og Anna Pála formaður ungra Jafnaðarmanna eigi eftir að ná því í nánustu framtíð hversu mikill leiðtogi Davíð er og hefur verið fyrir þessa þjóð.

 

Öfgarnar í ummælum vinstrimanna í garð Davíð eru oftast þannig að fólk hristir hausinn og tekur ekkert mark á þeim. Allavega þeir sem hafa örlítið vit á pólitík og láta ekki öfgaríkt uppeldi ráða sínum pólitísku skoðunum fram á fullorðins ár. Það sjá allir hatrið sem birtist í þessum orðum í garð Davíðs og það geta allir lagt saman tvo og tvo í tengslum við ummæli þessara barnalegu samtaka og annarra á vinstri kantinum undanfarin ár. Til skammar og sýna mikla þröngsýni þessara krakka.

[Gunnar Níelsson, 4.10.2008 kl. 17:44]

Er Davíð Oddsson virkilega það sem málið snýst um núna ?  Ég ásamt öllum öðrum venjulegum löndum mínum erum að fara á hausinn Dofri.

Það hélt ég að væri málið í dag, ekki hvort DO sé hæfur eður ei ?  Við höfum ekki tíma til þess að vera að pæla í honum í núna !

[Dofri Hermannsson, 4.10.2008 kl. 17:46]

Tek undir þetta:

"Hann er með hag þjóðarinnar allrar í öngvegi og hefur alltaf verið"

[Frelsisson (IP-tala skráð) 4.10.2008 kl. 17:49]

hehe sá þetta ekki, öndvegi átti þetta að sjálfsögðu að vera... hehe

[Birgitta (IP-tala skráð) 4.10.2008 kl. 20:09]

Frelsisson:

Nú fékk ég ekki öfgaríkt uppeldi né var DO níddur í mín eyru, samt sem áður vil ég ekki sjá hann. Gott og vel að vera skörungur og láta sínar skoðanir í ljós en þegar menn láta eigin hagsmuni ganga fyrir hagsmunum almennings ALLS (sem hann á að gæta), þá leyfi ég mér að efast um hæfi þeirra. Sérstaklega þegar ganga fram af frekju eins og hann gerir en það er munur á því að vera ákveðinn og frekur -stór munur. Hann vill stjórna öllu og verður brjálaður ef menn gera ekki eins og hann vill og ætlast til.

Hann hefur auðvitað gert ýmislegt gott líka en persónulega finnst mér að þegar menn ganga fram með þeim hætti sem Davíð Oddsson hefur gert, þá bresti þá einfaldlega hæfi til að möndla með fjárhag og hagsmuni almennings.

Ég ætla ekki að leggja dóm á það hvað er satt og logið í þessari umræðu allri, en sé það staðreynd að Davíð hafi einn hafnað beiðni Glitnis um fjárveitingu, þegar ekki var tilefni til og stofnað með því hagkerfi landsins hættu, þá er það auðvitað brottrekstrarsök. Auk þess er ég því sammála að best sé að hann víki úr starfi til þess að stuðla að ró í samfélaginu.

[Óskar Þorkelsson, 4.10.2008 kl. 21:00]

amma og afi af báðum foreldrum voru sjallar.. og það gangrýnislausir sjallar.. allt var ömurlegt nema að sjallarnir voru við stjórn.. svona var ég nú alinn upp.. greinilegt að uppeldið' hefur klikkað nema að því leiti að föðurafi minn hann Óskar Þórðarson husasmíðameistari vestur á melum þreittist seint að útskýra fyrir mér mikilvægi heiðarlaiekans og fjálsar hugsunar.. slíkir sjálfstæðismenn finnast ekki lengur. Það get ég fullyrt.. en þessi fyrirlestur sjálfstæða hugsun fékk mig til að efast um allt.. því það voru alltaf amk tvær hliðar á hverju máli.. 

Ég gerðist alþýðuflokksmaður af hugsjón..  

En ég sá að DO var ekki heiðarlegur maður mjög snemma.. óbilgirnin, hefnigirnin, langdrægnin var of augljós nema fyrir fólk sem kýs sjálfstæðisflokkinn enda kann það fólk ekki að meta sjálfstæða hugsun..

DO verður ða víkja svo ró færist yfir málin hér á landi, með hann í Svörtuloftum mun vera efast um allar gerðir Geirs Haarde.. með réttu kannski.  Og ríkisstjórnin öll og þar með Samfylkinin verður dreginn niður í svað sjalla... 

[Víðir Benediktsson, 4.10.2008 kl. 21:11]

Er ekki og hef aldrei verið aðdándi DO Hitt veit ég þó að þetta er ekki tíminn til að vera með svona fabúleringar. Það er jafnvitlaust og tala um stjórnarskipti. Það skal ekki standa á mér að fara nett yfir þetta þegar það versta er afstaðið. 

[Ásgeir (IP-tala skráð) 4.10.2008 kl. 21:19]

Það var einhver að hvísla því að mér að það væru illa haldnir Sjálfstæðismenn í mikilli tilvistarkreppu væri að commenta við þessa færslu og að þessir sömu einstaklingar eru í meirihluti þeirra commenta við fréttina á mbl sem er linkað á hér.

Það mætti bara halda að varnarliðið væri komið aftur til landsins.. var Davíð ekki besti vinur Bush og studdi hann með ráðum og dáðum til að hafa varnarliðið á landinu. Er varnarliðið að launa greiðann?

[Bjarni Kjartansson, 4.10.2008 kl. 22:08]

Þ+u et ekki í lagi og munt sjálfsagt ekki verð það um langt skeið.

Þú settir inn svona bull áður og uppskarst ekkert annað en góðlátlegt grín í þinn garð.

Æ láttu af barnaskap þínum og farðu að mannast.

Gott ráð er, að leggjast í góða stærðfræði, það lagar oft félagslegt ofur bull.

Miðbæjaríhaldið

Stærðfræðilega sinnað

[Óskar Þorkelsson, 4.10.2008 kl. 22:12]

geturur þýtt þetta á venjulega íslensku bjarni.. þetta sem þú skrifar kl 22.08.. ég skil þig ekki nefnilega

[Hrúturinn (IP-tala skráð) 4.10.2008 kl. 22:50]

Nýjustu fréttir fyrir Dofra Do do  

Einleikur Frakklandsforseta gagnrýndur

Jyrki Katainen, fjármálaráðherra Finnlands, hefur gagnrýnt það harkalega að leiðtogar fjögurra stærstu iðnríkja Evrópu  (G-4) hafi fundað sín á milli um aðgerðir Evrópusambandsins vegna bankakreppunnar í Frakklandi í dag og útilokað þannig önnur aðildarríki ESB. Þetta kemur fram á fréttavef finnska blaðsins Hufvudstadsbladet.

„Mér líkar ekki að það land sem fer með forystu innan Evrópusambandsins taki upp á því að leika einleik með þessum hætti," sagði Katainen og vísaði þar til Frakka en Nicolas Sarkozy Frakklandsforseti bauð í dag fulltrúum Þjóðverja, Breta og Ítala til fundar um stöðuna á fjármálamörkuðum heimsins og aðgerðir Evrópusambandsins.

Á fundinum voru lagðar línur að aðgerðum sem verða ræddar nánar á fundi fjármálaráðherra allra aðildarríkjanna í Luxemburg á þriðjudag.

[Guðrún María Óskarsdóttir., 5.10.2008 kl. 02:55]

Hvílíkt bull Dofri.

kv.gmaria.

[alfreð (IP-tala skráð) 5.10.2008 kl. 11:25]

Sammála þér Dofri. Öngvegi er góð lýsing á hans gerðum. Það er með ólíkindum hvað fólk getur mært DO og því furðulegra að maðurinn skuli ekki þekkja sinn vitunartíma. Þjóðin situr uppi með hann og enginn virðist geta tekið af skarið gagnvart honum. DO er ekki sjálfrátt í heift og hefnigirni. Við þurfum ekki á honum að halda! Bráðum verður hann eins og gamall maður, sitjandi út í horni og tuldrar fyrir munni sér af heift, heitingar gagnvart mönnum og málefnum. Það er hans stíll og breytist ekki. Tími DO er liðinn. Vonandi að maðurinn skilji það sem fyrst. Það væri farsælast fyrir þjóð íslendinga.

Kv,

Alfreð

[Brynjar Jóhannsson, 5.10.2008 kl. 11:43]

Ekki skil ég alveg þessa óstjórnlegu andúð á þér Dofri. Eina sem þú gerðir var að vísa í grein og benda á að sumir diggir sjálfstæðismenn hafi furðað sig yfir háttarlagi Davíðs Oddssonar.

Vera má að seðlabankastjóri að seðlabankastjóri hafi gert einhver gríðarleg mistök með því að láta út sér betur ósögð orð en ég trúi því ekki með nokkru móti að nokkur einstaklingur geri svona að ástæðulausu eða þá til þess að ná sér niður erkifjendum.

[Sigríður Hulda Richardsdóttir, 5.10.2008 kl. 17:28]

 Auðvitað er það sjálfsögð krafa, að DO taki pokann sinn.

Hans tími er liðinn, og hann gerir fullt af mistökum. Til dæmis var yfirtaka Glitnis hermdarverk.

Nú er þörf á því að þakka DO fyrir hans störf, og fá nýjan mann í starfið. Framtíð Íslands veltur á því.

Mér finnst það undarlegt, að sumir fara í fýlu, ef það er hallað á DO. Hann er jú bara mannlegur, og alls ekki án galla. Hann hefur gert fullt af mistökum og er afar hefnigjarn. Þjóðin hefur orðið vitni að þessu æ ofan í æ, því mun hann aldrei ná sáttum við þjóðina.

[Úrsúla Jünemann, 5.10.2008 kl. 18:31]

Burt með Davíð. Frekar í gær heldur í dag.

[Hvítur á leik, 5.10.2008 kl. 21:50]

Bull í þér ungi maður. Væri ekki réttast að stjórnin tæki pokans sinn. Ríkisstjórn Íslands. Held ég það frekar að svo sé betra.

[Óskar Þorkelsson, 6.10.2008 kl. 09:18]

Dyggur sjálfstæðismaður, eru það þeir sem aldrei gagnrýna og hafa engar skoðanir nema skoðanir "Flokksins". ??

[Dofri Hermannsson, 6.10.2008 kl. 21:34]

Eitt komment svona að lokum - nú þegar búið er að tilkynna um aðgerðir.

Það er dálítið undarlegt að öll umræða um athafnir og yfirlýsingar D.O. skuli alltaf snúast upp umræðu um persónu hans. Um leið og orðinu er hallað á verk hans koma varðhundar hans gjammandi og hafa sjaldnast nokkuð efnislegt um málið sjálft að segja. Þetta hefur verið óhollt um langa hríð en hugsanlega er skýringin sú að persóna D.O. hefur iðulega verið litríkari og borið ofurliði stjórnmálamanninn D.O.

Það má auðvitað skrifa langt mál um gerræðislega stjórnarhætti og hatursherferðir DO í garð ýmissa aðila, stórra og smárra. Ég nenni því hins vegar ekki en tel víst að það muni freista margra góðra sagnfræðinga. Þar eru margar djúsí sögur.

Það sem máli skiptir núna er að DO ber stærsta ábyrgð íslenskra stjórnmálamanna á efnahagsstjórn undanfarinna ára pg á þeirri peningamálastefnu sem skrúfaði gengi krónunnar upp úr öllu valdi, veitti hundruðum milljarða króna í jöklabréfum inn í hagkerfið, orsakaði hvert heimsmetið á fætur öðru í viðskiptahalla og frysti íslensku krónuna með vaxtastigi sem ekki einu sinni ítalska mafían telur að sé hægt að innheimta af glæpamönnum.

Þess vegna á maðurinn tafarlaust að víkja úr starfi sínu sem seðlabankastjóri.

Eins og Guðfaðirinn sagði "it´s nothing personal"