Áhugaleysið og Sundurlyndið

Nú liggur það ljóst fyrir hverjir hafa í raun og veru áhuga á að auðlindir hafsins verði skilgreindar sem þjóðareign. Það er stjórnarandstaðan. Framsókn var aldrei alvara með því að berjast fyrir þessu og Sjálfstæðisflokknum var aldrei alvara með því að setja ákvæðið inn í stjórnarsáttmálann. Það var allt í plati.

Nú er hins vegar allt í pati. Framsókn sem ætlaði að reka rýtinginn á kaf í bak samstarfsflokksins í ríkisstjórn missti gjörsamlega marks og endaði á að reka rýtinginn í kaf í eigið bak. Í Sjálfstæðisflokknum er ástandið ekki skárra, sundurlyndið algjört.

Sumir þingmenn Sjálfstæðisflokksins vilja gjarna gera þjóðina aftur að löglegum eiganda fiskjarins í sjónum. Aðrir þingmenn hans, s.s. frjálshyggjumenn eins og Sigurður Kári, vilja miklu frekar að óveiddur fiskurinn í kringum landið, um ókomin ár, sé þinglýst eign einhverra (vel valinna) einstaklinga. Einkavæðing fiskimiðanna.

Flokkar áhugaleysis og sundurlyndis um þjóðareignina fiskinn í sjónum hefur siglt málinu í strand - og sjálfum sér um leið.

Nú verður áhugavert að sjá hvað þeir taka til bragðs þegar stjórnarandstaðan hefur boðið þeim liðsstyrk til að klára málið.

Stjórnarandstaðan býðst til að styðja stjórnarskrárbreytingu

Athugasemdir

[Jón Steinar Ragnarsson, 5.3.2007 kl. 18:40]

Verð að taka ofan fyrir stjórnaranstöðunni fyrir þessa herkænsku.  Nú þurfa menn kannski að standa við stóru orðin.

[Ágúst Dalkvist, 5.3.2007 kl. 18:45]

spennandi að sjá hvað framsókn gerir nú

Er satt sem sagt er fjallað um hér Dofri, á bágt með að trúa að svo sé. Veit að þú ert meira fyrir rökræður en svo

[Anna Benkovic Mikaelsdóttir, 5.3.2007 kl. 20:43]

frábær færsla!

[Fannar frá Rifi, 5.3.2007 kl. 23:31]

"gera þjóðina aftur að löglegum eiganda fiskjarins í sjónum". Hérna áður fyrr átti enginn eitt né neitt. Menn áttu ekki til hnífs né skeiðar og allir bátar komu til landsins með tilstöðlan kjördæmapots. Viljum við það aftur? Ríkisstyrktan sjávarútveg? Kvótakerfið þó það sé gallað er einfaldlega langbesta kerfið sem er til. Kvóti er eign sem fyrirtæki geta notað til að endurnýja sig. Fjárfest, tekið lán. 

Allt annað en kvótakerfið er bull og lýðskrum. 

[Ágúst Dalkvist, 6.3.2007 kl. 11:00]

"Sumir þingmenn Sjálfstæðisflokksins vilja gjarna gera þjóðina aftur að löglegum eiganda fiskjarins í sjónum."

Þú ert eitthvað að misskilja þetta illa frændi. Fiskurinn ER eign þjóðarinnar allrar en til að hagræðing náist í fiskiðnaðinum svo hann sé samkeppnisfær og þjóðin græði sem mest á honum hafa nokkrir einstaklingar fengið nýtingarrétt á honum. Það að setja í stjórnarskrána að auðlindir hafsins séu í eigu þjóðarinnar er ekki til þess gert að leggja niður kvótakerfið.

[Óskar , 6.3.2007 kl. 14:32]

Og hvað vill stjórnarandstaðan gera?