Sáttmáli um Fagra Ísland

Ég fagna áskorun Framtíðarlandins til stjórnmálaflokka og -manna um að skrifa undir sáttmála um framtíð Íslands. Það er virkilegt fagnaðarefni að þverpólitísk samtök skuli setja fram áskorun um að undirrita þennan sáttmála þó í raun megi segja að Samfylkingin hafi skrifað undir hann fyrir 7 mánuðum, í september þegar þingflokkurinn kynnti Fagra Ísland.

Innihaldið er það sama fyrir utan að Fagra Ísland Samfylkingarinnar gerir meiri kröfur til þess að náttúran verði rannsökuð á forsendum verndunar. Samfylkingin leggur til að farið verði í Rammaáætlun um náttúruvernd en ekki látið duga að klára Rammaáætlun um nýtingu vatnsafls og jarðvarma.

Sú síðari er á forsendum virkjana og gefur okkur ekki verkfæri í hendur til að takast á við fyrirhugaðan Kjalveg, byggingu hálendishótela eða annarra óafturkræfra framkvæmda annarra en virkjana. Það er ekki nóg - við þurfum að byrja á að rannsaka náttúruna alla á forsendum náttúruverndar og tryggja verndun verðmætra svæða áður en frekar er hugað að framkvæmdum.

Það má kannski furðu sæta að enginn flokkur eða samtök hafi verið búin að setja fram þessa tillögu að lausn fyrr en Samfylkingin með Fagra Íslandi í september. Ég held að skýringin sé einföld, lausnin hlaut að koma fram í flokki með ólík sjónarmið en vilja til að ræða málin og komast að niðurstöðu sem sátt væri um.

Lausnir koma miklu síður fram í flokkum þar sem allir eru á sömu skoðun eða þar sem ólíkar skoðanir eru uppi en menning flokksins kemur í veg fyrir að það sé viðurkennt og málin rædd.

Það er vinsælt að átelja Samfylkinguna fyrir að hafa ólík sjónarmið. Ég held hins vegar að það sé styrkur Samfylkingarinnar að þar eru ekki allir á sömu skoðun í öllum málum. Það breikkar sjónarhornið og EF fólk þorir og vill skiptast á skoðunum og leita lausna þá skilar það betri niðurstöðu. Það skilar lausn sem margir geta skrifað undir.

Ég vona sannarlega að margir geti skrifað undir sáttmála Framtíðarlandsins og ég vona líka að sömu aðilar sjái hvaða flokkur það er sem hefur rætt sig að sömu niðurstöðu og gert sér tímasetta áætlun um það hvernig það ætlar að takast á við málið og leiða það til lykta.

Samfylkingin hefur líka sett fram mjög framsýnar tillögur um eflingu hátækni- þekkingar- og skapandi iðnaðar sem nú þegar hefur skapað þúsundir starfa og skilar mörgum sinnum meiri verðmætasköpun til þjóðfélagsins en öll stóriðja til samans.

Tillögur Samfylkingarinnar, Nýja Atvinnulífið, unnu m.a. 1. 2. og 3. verðlaun á Sprotaþingi um daginn en þá stóðu Samtök Iðnaðarins og Samtök Sprotafyrirtækja fyrir keppni á meðal þingflokkanna um tillögur sem skilað gætu skjótum og góðum árangri fyrir þennan hluta atvinnulífisins.

Við höfum fengið frábærar viðtökur frá atvinnulífinu og erum staðráðin í að hrinda þessum tillögum í framkvæmd um leið og við komumst í aðstöðu til.

Virkjum hausinn, verndum náttúruna.

Framtíðarlandið kynnir sáttmála um framtíð Íslands

Athugasemdir

[Haukur Kristinsson (IP-tala skráð) 19.3.2007 kl. 01:02]

er hjartanlega sammála dharma, eigum við að vera einhverjir siðapostular alheimmsins,eigum möguleika að tryggja hafnfyrðingum vinnu fram á næstu öld, er það einskis virði?

[Hlynur (IP-tala skráð) 19.3.2007 kl. 09:27]

Þessar athugasemdir hér að ofan eru ekkert annað en yfirborðskennt klór.

Dofri bendir á að innan samfylkingarinnar rúmist sjónarmið bæði virkjunarsinna, stóriðjusinna, náttúruverndarsinna og þeirra sem eru á móti stóriðju. Og hvað gerir Dharma, jú hann bendir á þá sem eru innan samfylkingarinnar og eru "hugsanlega" stóriðjusinnar og við það á málflutningur dofra að líta illa út.  Já grunnt er það klórið hjá Dharma, nokkurs konar LOST case.

Samfylkingin hefur áttað sig á því að, löngu á undan framtíðarlandinu að hér á Íslandi eru skiptar skoðanir, takk dharma fyrir að átta þig á því líka, batnandi mönnum er best að lifa. Þessum mismunandi sjónarmiðum þarf að finna sameiginlega sátt, sameiginlega leið, þessa leið hafa samfylkingarmenn hannað undir nafninu fagra ísland.

En ég skil vel afhverju Sjálfstæðismaðurinn dharma skuli góla hér eins og særður tuddi, ástæðan er einföld. Það virkar nefnilega þannig hjá sjálfstæðisflokknum að þar eru settar fram sameinlegar línur, nema hvað að þar eru ákveðnir menn sem ráða þessum línum og allir aðrir skulu fylgja þeirri línu, jafnvel þó að þeir séu ekki sammála henni. Dharma er náttúruverndarsinni innan Sjálfstæðisflokksin, hann er á móti þeirri virkjunarsinnarstefnu sem sjálfstæðisflokkurinn hefur ákveðið að fylgja, en vegna þess að hann má ekki tjá sig um það ákveður hann að væla yfir því hversu vel hefur tekist til hjá samfylkingunni að sameina sjónarmið náttúruverndar og nýtingar, en auðvitað gerir hann það undir fölsku nafni, því annars fær hann að heyra það hjá flokknum sínum.

[Óðinn (IP-tala skráð) 19.3.2007 kl. 18:16]

Hvað skoðun hafa menn á nýrri auglýsingu framtíðarlandsins þar sem barn er notað í auglýsingunni.

[Dofri Hermannsson, 20.3.2007 kl. 22:17]

Lúðvík Geirsson er ekki í framboði til Alþingis svo EF þú hefur rétt fyrir þér varðandi afstöðu hans breytir það engu um Fagra Ísland eins og þjóðin hefur séð af orðum formanns Samfylkingarinnar.

Örlygur Hnefill barðist fyrir álveri á Húsavík í prófkjöri sínu en hlaut ekki góða kosningu. Fyrsti maður Vinstri grænna á Akureyri í bæjarstjórnarkosningum mælti eindregið með álveri annað hvort við Eyjafjörð eða á Húsavík. Ég hef engan heyrt tala um að það dagi úr trúverðugleika Vg. Ekki heldur sú staðreynd að sveitastjórnarmenn þeirra á Akranesi hafa jafnan tekið stóriðju fagnandi. Steingrímur J hefur aldrei sagt að hann muni stöðva stækkun í Straumsvík ef Hafnfirðingar kjósa stækkun. Hann var auk þess hlynntur virkjunum í Þjórsá fyrir ári.