Það sem sannara reynist

Athugasemdir við síðustu færslu, um Hag Alcan, hafa verið afar fjörlegar en ekki allar málefnalegar. Skoði maður efnislega hvað sagt er hafa stuðningsmenn stækkunar einkum reynt að telja lesendum trú um að niðurstaða Hagfræðistofnunar HÍ um hag Hafnfirðinga af stækkun hafi eitthvað breyst.

Ég vil hafa það sem sannara reynist og hringdi því í höfund hennar sem staðfestir allt sem í henni stendur. Samkvæmt Hagfræðistofnun HÍ er núvirtur hagnaður af stækkun álversins umfram aðra starfsemi 6-8 þúsund krónur á ári á hvern Hafnfirðing. Þá var umhverfiskostnður, eða verðfall fasteigna í Vallarhverfi, ekki tekinn með í reikninginn.

Það virðist vera mikill tilfinningahiti í stuðningsmönnum Alcan og þeir taka því afar illa þegar hinn meinti 250 þúsund króna hagnaður hverrar fjögurra manna fjölskyldu af stækkun er slegin niður af Hagfræðistofnun HÍ. Það finnst mér vitna um slæma málefnastöðu.

Sama má segja um framgöngu Rannveigar Rist í Kastljósi í gær þar sem hún herti enn á hræðsluáróðri með því að spá fyrir um lokun álversins á næstu árum. Það var athyglisverður spádómur í ljósi þess að 28. febrúar mátti lesa þetta á heimasíðu Alcan:

Engar áætlanir eru uppi um lokun álversins ef ekki kemur til stækkunar, enda gengur verksmiðjan vel og árangurinn er góður

Þetta hélt maður líka - enda skrýtið ef fyrirtæki sem er rekið með 3-4 milljarða hagnaði pakkar bara saman si svona. Líka undarlegt að önnur álfyrirtæki telji hagkvæmt að reisa álver af núverndi Straumsvíkurstærð frá grunni en Alcan í Hafnarfirði telji ómögulegt að endurnýja sitt.

Þetta er jafn ósannfærandi og að úthrópa Hagfræðistofnun HÍ.

Það er líka annar vinkill á þessu. Kannski tóku fáir eftir þessu en Sveinn Hannesson hjá Samtökum Iðnaðarins, sem hefur ítrekað beitt embætti sínu til að styðja stækkun, sagði það hreint út í fréttum Stöðvar 2 að það væri ekki hægt að fara bæði í stækkun í Straumsvík og í gerð Sundabrautar.

Þessu hefur Samfylkingin reyndar lengi haldið fram, stórátak í samgöngumálum verður ekki á dagskrá ef það á að halda áfram í stóriðjugírnum. Meðal annars þess vegna viljum við fresta stækkun ef svo fer að Hafnfirðingar samþykkja hana fyrir sitt leyti.

Hafnfirðingar eru lentir í þeirri aðstöðu að margt veltur á ákvörðun þeirra. Náttúran við Þjórsá, hið einstaka hverasvæði á Ölkelduhálsi, línumannvirki þvers og kruss um Reykjanes, vextir og verðbólga og nú síðast hvort hægt er að fara í Sundabraut, samgöngubætur sem öll þjóðin bíður eftir.

Það er nú alveg spurning hvað miklu er fórnandi fyrir 6-8 þúsund kr. á ári.

Athugasemdir

[Páll Jóhannesson, 27.3.2007 kl. 14:20]

Góður pistill Dofri. Sumum (Dharma) er lagið að snúa hlutunum á hvolf og lesa jafnvel aftur á bak ef það gæti hentað þeirra málflutningi.

[Helgi Bárðarson (IP-tala skráð) 27.3.2007 kl. 14:30]

Er ekki fyrsta setningin hjá þér Dharma aðeins vitlaus??? - Ætti hún ekki frekar að vera á þessa leið

Og af því að Dharma segir það, þá hlýtur það að vera þannig? 

[Hlynur Bárðarson (IP-tala skráð) 27.3.2007 kl. 14:30]

Dharma:

Ærna mælir /sá er æva þegir /staðlausu stafi.

Hraðmælt tunga, / nema haldendur eigi, / oft sér ógott um gelur.

Ósnotur maður

er með aldir kemur,

það er best að hann þegi.

Engi það veit

að hann ekki kann,

nema hann mæli til margt.

Veit-a maður

hinn er vætki veit,

þótt hann mæli til margt.

           Hávamál.

[Tryggvi L. Skjaldarson (IP-tala skráð) 27.3.2007 kl. 16:06]

Sæll Dofri

  Á bls.17 í Skýrslu Hagfræðistofnunar segir:”Þegar horft er á skatta og gjöld af stækkuðu álveri verður að skoða hvað önnur hugsanleg starfssemi sem hér um ræðir myndi gefa af sér”.  Hér er um að ræða 52 hektara eignarlóð Alcan sem Hafnarfjarðarbær seldi fyrirtækinu. 

Þegar það er gert kemur í ljós mismunur upp á 170-230 milljónir á ári þar sem stækkun er hagkvæmari en önnur nýting.  Þetta er sjónhverfing.

 

Þar sem enginn lóðaskortur er fyrir iðnaðarfyrirtæki í Hafnarfirði og Alcan er ekkert að fara að selja lóðina á næstunni er ekki óeðlilegt að það sé skoðað hver hagur Hafnarfjarðar verði af stækkun í Straumsvík án þess að draga stöðugt frá ímyndaðan hag af ímynduðum fyrirtækjum.

 

Þá kemur í ljós að beinar tekjur verða yfir 800 milljónir á ári og þá eru eftir óbeinar tekjur sem Skýrsla Hagfræðistofnunar sem gerð var fyrir Alcan tók ekki á.  Bara útsvör af nýjun starfsmönnum er áætluð um 120 milljónir á ári.  Þá er eftir að taka tillit til fyrirtækjanna en tekjuaukinn hjá þeim mun vaxa um 3000 milljónir á ári.  Þaðan kæmu miklar upphæðir í kassann.  Það er um mikla peninga að ræða ef stækkað verður í Straumsvík þvert á  það sem þú heldur fram.

  Kveðja Tryggvi L. Skjaldarson

Starfsmaður Alcan

[Ólafur Als, 27.3.2007 kl. 16:26]

hmmm...það sem sannara reynist. Er ekki komið að því að þekkjast sitt eigið fólk, viðurkenna staðreyndir um hag af stækkun álversins og segja sem er: ég er á móti hvað sem öllu öðru líður. Það er afstaða sem ekki er falin á bakvið óskyld rök eða hagræðingu staðreynda. Forvitnilegt að rýna í svör Helga og Páls hér að framan. Er þetta allt og sumt sem mennirnir hafa upp á að bjóða? Skárra hefði verið að mennirnir hefðu falið málefnaþurrð sína á bakvið Hávamál, líkt og Hlynur.

[Dofri Hermannsson, 27.3.2007 kl. 16:59]

Tryggvi - lestu kaflann um útsvarstekjurnar aftur

Þar stendur (og fyrir því eru færð góð rök) líklega verði "tekjuauki Hafnarfjarðarbæjar af auknu útsvari við stækkun álversins um 45 milljónir króna á ári"

Þar er líka bent á - sem ævinlega gleymist í umræðu um auknar tekjur vegna fasteignagjalda af álverinu - að fasteignamatið á kerskálunum lækkar mjög hratt vegna mikilla afskrifta eða um 4% á ári. Það er ein megin ástæðan fyrir því að auknar tekjur af fasteignagjöldum vegna stækkunar eru aðeins 1.200 milljónir - ekki á ári heldur samtals öll árin sem reiknað er með að álverið verði í rekstri.

Það er svo margt sem mælir á móti þessari stækkun. Það mætti nefna lækkun fasteignaverðs í Vallahverfi, það mætti tala um áhrif stækkunar á þensluna í efnahagslífinu, áhrif á vexti og verðbólgu. Ástandið er þannig núna að að hver meðafjölskylda er að tapa tugum þúsunda á mánuði vegna verðbólgu og of hárra vaxta. Er það hagur Hafnarfjarðar?

[Hlynur Bárðarson (IP-tala skráð) 27.3.2007 kl. 17:03]

Þetta er nú ekki málefnaþurrð.

Málefnalegri umræðu skal svara með málefnalegri umræðu.

Málið er bara þannig á veg komið, að Dharma, vinur okkar allra, heldur fram því sama sí ofan í æ. Það er marg búið að svara honum, en samt heldur hann áfram. 

Ég meina hann segir þetta sjálfur  lestu bara eftirfarandi:

"Jújú, þú skrifar ALLTAF um hið sama.  Alltaf.  Og alltaf hefurðu jafn rangt fyrir þér.  Og þar af leiðandi leiðrétti ég þig í hvert einasta skipti.  Það kominn tími til að þið vinstrimenn fattið að það er ekki nóg að tönnlast á sömu vitleysunni nógu lengi og vona að fólk hætti að hlusta, og skilgreina svo vitleysuna sem sannleika."

Við svona menn er náttúrulega ekki hægt að rökræða, bar því miður Ólafur minn, það er bara ekki sjéns, svona svipað eins og að telja liverpool manni trú um það að Cristiano Ronaldo sjé besti leikmaður úrvalsdeildarinnar á englandi þessa leiktíð. Bara ekki sjéns

[Guðmundur Valur Viðarsson (IP-tala skráð) 27.3.2007 kl. 17:50]

Ég er sammála Hlyn Bárðarsyni. Það er ekki eigandi við svona fólk. Þessi lýsing "...kominn tími til að þið vinstrimenn fattið að það er ekki nóg að tönnlast á sömu vitleysunni nógu lengi og vona að fólk hætti að hlusta, og skilgreina svo vitleysuna sem sannleika..." er einmitt sú hugmynd sem ég hef af nokkrum hægrimönnum og Dharma virðist falla beint í þennan flokk.

Það sem ég vil benda á er að málið snertir ekki aðeins Hafnfirðinga. Sjálfur er ég fæddur og uppalinn við bakka Þjórsár og tel að gífurlega miklu yrði fórnað ef virkjanir í Þjórsá yrðu að veruleika til þess eins að standa undir umræddri stækkun. Ég hreinlega græt innra með mér við tilhugsunina.

[Hlynur Bárðarson (IP-tala skráð) 27.3.2007 kl. 18:50]

Sko.

Það sem þú ert að gera er að svara okkur með tillfinningum. Þú heldur því fram að Samfylkingin sé mesti stóriðjuflokkur landsins, þú heldur því fram að samfylkingin standi á bak við þrjár virkjanir og tvö álver, sem hægt væri í raun að halda fram að aðrir flokkar ættu jafn mikin þátt í. Þú heldur því fram að Samfylkingin þori ekki að taka ákvarðanir og að þeir setji allt saman bara í nefndir. Við viljum meina að íbúakosning sé mikið þrekvirki og hið besta framtak og að allir flokkar skipa nefndir. Nú síðast sjálfstæðisflokkur í borginni sem skipar nefnd til að skoða spilakassa í reykjavík því að borgarstjóri hefur ekki tíma til að eltast við alla spilakassa. Þú heldur því fram að samfylkingin stjórnist af skoðanakönnunum og hlaupi upp til handa og fóta eftir hverja könnun, meðan við höldum því fram að mikil málefnavinna hafi skilað sér í málefnaskrá flokksins sem endurspeglist t.d. í fagra íslandi.

Svona gæti ég haldið áfram að telja upp þetta sem þú hefur sett fram í sífellu. Allt saman byggt á þínum tillfinningum.

Það er bara málið minn kæri Dharma, að það er ekki hægt að rökræða um tillfinningar, þegar ég segi að Vestfirðir séu fallegasti staður á Íslandi og að kærasta mín sé sú fallegasta kona í heimi, getur bara enginn sagt að ég hafi rangt fyrir mér.

Sama skapi get ég ekki svarað liverpool manni sem heldur því fram að Jon Arne Risse sé betri en Gary Neville. Það er bara einfaldlega ekki hægt vegna þess að báðir aðilar eru blindaðir af heitum tillfinningum í garð þessara leikmanna. 

[Hlynur Bárðarson (IP-tala skráð) 27.3.2007 kl. 18:53]

afsakið stafsetningarvillur í textanum hér að ofan.

Tillfinningarnar báru mig ofurliði og ég gáði ekki að mér. 

[Guðmundur Guðmundsson (IP-tala skráð) 27.3.2007 kl. 19:11]

Hræðsluáróður Rannveigar Rist ber að skoða í ljósi þess að yfirmenn hennar hjá Alcan mun gera hana ábyrga ef fyrirtækið tapar kosningunum. Stækkunin í Straumsvík er sennilega eina tækifærið sem fyrirtækið hefur til þess að komast í ódýra vatnsorku, ekki bara á Íslandi, heldur á öllu evrópska efnahagssvæðinu.

[Hlynur Bárðarson (IP-tala skráð) 27.3.2007 kl. 19:22]

Jæja, ok ég get svarað þessu.

Þeir sem eru fylgjandi slíkum íbúakosningum í veigamiklum málum nota eftirfarandi rökstuðning.

Hægt er halda því fram að kosningar á fjögurra ára fresti, eins og sveitstjórnar og alþingiskosningar eru, séu að vissu leyti ekki fullnægjandi lýðræðislegri hugsun. Þegar fólk kýs á þessum fjögurra ára fresti getur fólk ekki séð fyrirfram hvaða ákvarðanir þurfi að taka og hvort að atkvæði þeirra skili sér í þeim niðurstöðum sem það vill sjá. 

Þess vegna er þessi leið farin í veigamiklum atvikum þar sem líklegt þykir að vilji kjósenda hafi ekki endurspeglast í hinum almennu kosningum.

Ég veit ekki betur en að Samfylkingin í Hafnafirði hafi boðað það í kosningabarráttu sinni að íbúakosningar yrðu meira stundaðar við ákvarðanatöku. Getur ekki hugsanlega verið að sú áhersla hafi skilað þeim þessum stóra sigri.

En eins og ég segi þá eru þetta mismunandi skoðanir, þínar skoðanir eru öðruvísi en mínar, en ég ætla alls ekki að halda því fram að þínar séu þar með vitlausar, heimskulegar og illa ígrundaðar. Ég ætla bara að halda því fram að mín skoðun sé þessi og að þín skoðun sé önnur og þar við situr. 

Punktur pasta. 

[Árni Gunnarsson (IP-tala skráð) 27.3.2007 kl. 22:48]

Eigum við ekki að bíða með þetta gott fólk? Hver veit nema ný tækifæri bíð handan við hornið. Valgerður Sverris sagði í fréttunum á Stöð 2 að með vaxandi bráðnun jökla á Íslandi sköpuðust stórkostleg tækifæri fyrir þessa þjóð!

Er ekki stórkostlegt til þess að vita að ein best upplýsta þjóð vesturlanda eigi svona fulltrúa að tala hennar máli á alþjóðavettvangi? Eða, var mig kannski að dreyma? 

[Björg F (IP-tala skráð) 28.3.2007 kl. 00:34]

Dharma... ef þú heldur að álverið fari.. svona eins og forstýran... hvert ætti það þá að fara? Hvar í heiminum í dag gæti það rekið álver sem er 3 stærra og með jafngóðum orkusamningi og þeir hafa hér?

Það væri gaman ef Alcan menn gætu bara svarað fyrir það. Hvert ætla þeir að fara?

Annars.. heyrst hefur;  Hjá Landsvirkjun eru menn víst þegar farnir að skoða aðra möguleika sem lofa góðu ef álverið fer.. Smá kjaftasaga sem ég hef frá innanbúðarmanni.. sel hana ekki dýrari en ég keypti...

[Kormakur Hermannsson (IP-tala skráð) 28.3.2007 kl. 07:55]

Datt nú umhverfisverndarstefna Alcan niður í gíslatöku? Ef við fáum ekki að stækka hér þá brennum við bara kolum í Kína?

Er ekki kominn tími á að þú takir þér rithlé?

Góðar hvíldarstundir

Kormákur

[Tryggvi L. Skjaldarson (IP-tala skráð) 28.3.2007 kl. 10:59]

Sæll Dofri

Ef tekjuauki Hafnarfjarðar yrði aðeins 45 milljónir af stækkun þá  er það útsvar af 82-83 starfsmönnum.  Hvert fer þá útsvarið af öllum hinum starfsmönnunum?  Og hvert fer útsvarið af öðrum sem búa í Hafnarfirði og starfa hjá þeim fyrirtækjum sem munu fá tekjuauka upp á 3000 milljónir á ári?

Þú átt að sjá, ef þú bregður þér úr kosningaham, að  fjárhagslegur ávinningur Hafnafjarðarbæjar af stækkun er gífurlegur. 

Kveðja Tryggvi L. Skjaldarson

Starfsmaður Alcan

[Björg F (IP-tala skráð) 28.3.2007 kl. 11:00]

Reynda veit ég frá sérfræðingi orkumála Landsvirkjunar (hæg eru heimatökin) að álverið í Hvalfirði ákvað að byggja frekar hér en í Brasilíu þar sem það gat fengið helmingi lægra orkuverð vegna þess að Ísland býður upp á stöðugleika og getur staðið við sína orkusamninga. Sem er mjög  mikilvægt.

Eins er líka hægt að benda á að í orkusamningi á milli Alcoa og Landsvirkjunar er samningsákvæði. Ef Alcoa menn vilja ekki endurnýja orkusamninginn eftir 6 ár þá getur Landsvirkjun með kvöð framlengt honum um 10 ár. Þetta samningsákvæði gengur á báða bóga. Þannig að lokun í Straumsvik kæmi aldrei til greina fyrr en eftir í fyrsta lagi 16 ár.

Eftir 20 ár eru meira að segja sérfræðingar í orkumálum sem eru fylgjandi álverum farnir að tala um að þá þurfa Íslendingar að fara að draga úr álframleiðslu. Norðmenn eru til dæmis þegar byrjaðir á því og Kanadamenn hafa sett stopparan.

[Björg F (IP-tala skráð) 28.3.2007 kl. 11:42]

ég ætlaði auðvitað að segja Alcan