Ekkert mannlegt óviðkomandi

Það er enginn sauðsháttur á þeim í Borgarbyggðinni. Þar er búskapur með fjölbreyttasta móti og gulrætur, laxar, hestar, heilasellur og ferðamenn eru þeirra ær og kýr.

Ég á margar góðar minningar úr Borgarfirði og veit að þar geta oft orðið miklir sumarhitar. Eins hitnar bæði körlum og konum þar í hamsi á sveitaböllum, einkum þegar heitt er í veðri.

Þar sem Borgfirðingar eru einnig með eindæmum léttlyndir og miklir fjörkálfar þegar þeir sletta úr klaufunum gæti verið hyggilegt af landbúnaðarnefndinni að takmarka bannið við nektardans í atvinnuskyni.

Landbúnaðarnefnd leggst gegn nektardansi

Athugasemdir

[Guðmundur Hall Ólafsson, 17.10.2007 kl. 17:45]

Sæll Dofri,alveg stórkostlegt,ég hefði viljað vera á þessum fundi þegar leikar stóðu sem hæðst,hvað gera bændur nú,ætla þeir að klæða kusurnar sínar í júgurmussur þegar þær taka vordansinn naktar þegar þeim er hleypt út með hækkandi sól. kv. Gúndi Glans