Lýst er eftir þremur borgarfulltrúum Sjálfstæðisflokksins

Í frétt á visi.is er lýst eftir þremur borgarfulltrúum Sjálfstæðisflokksins. Þar segir:

Vísir lýsir eftir borgarfulltrúunum Vilhjálmi Þórmundi Vilhjálmssyni, Hönnu Birnu Kristjánsdóttur og Ólafi Friðriki Magnússyni.

Síðast sást til þeirra í fundarherbergi í Ráðhúsi Reykjavíkur um hálfeittleytið í dag. Blaðamenn Vísis og Fréttablaðsins höfðu beðið í tvo tíma eftir að ná tali af þeim eftir borgarráðsfund í morgun en þau fóru út bakdyramegin.

Síðan þá hefur Vísir reynt að ná sambandi við þau en án árangurs. Aðrir borgarfulltrúar sem sæti eiga í borgarráði svöruðu spurningum blaðamanna eftir að þeir yfirgáfu borgarráðsfund.

Þeir sem hafa upplýsingar um ferðir þremenninganna eru beðnir um að hafa samband við Vísi á netfangið [e-mail] eða í síma 512-5203.

Þeim sem búa yfir upplýsingum sem gætu leitt til viðtals við þau er heitið fundarlaunum.

Lesendur þessarar síðu er beðnir um að láta ekki sitt eftir liggja og hafa augun opin ef þeir skyldu rekast á borgarfulltrúana fyrir tilviljun.

Athugasemdir

[Tiger, 21.2.2008 kl. 17:26]

  Hjálpi mér. Ég er hræddur um að ef þessi vinnubrögð borgarstjórnameirihlutans væru tekin til fyrirmyndar - þá myndu höfuð fá að fjúka. Engin kæmist upp með að láta ekki ná í sig á vinnutíma, ekki einu sinni svo mikið sem heyra í sér. Ég er handviss um að ef þetta ágæta fólk væri heiðarlegt og með hreint mjöl í pokanum - þá væru þau ekki í þessum sandkassaleik. Þetta eru eins og smákrakkar í feluleik, ein króna fyrir Villa! Eða verða það kannski bara 3 millur fyrir Villa ef hann lætur ekki sjá sig og heyra opinberlega?... Skyldi Davíð vita af þessu?

[Jens (IP-tala skráð) 21.2.2008 kl. 17:32]

Er Ólafur F. genginn aftur í sinn gamla flokk?

[Gísli Baldvinsson (IP-tala skráð) 21.2.2008 kl. 19:15]

Þau eru örugglega ekki hér á Akureyri. Lét leita í ráðhúsinu. Kv. gb

[Gísli Hjálmar , 21.2.2008 kl. 20:30]

Hafa menn leitað í húsnæði Actavis?

[Lára Hanna Einarsdóttir, 21.2.2008 kl. 20:33]

Mikið lifandis skelfing er þetta aumt, en ekki við öðru að búast kannski.

[Óskar Þorkelsson, 21.2.2008 kl. 22:26]

snilld :D

[Theódór Norðkvist, 21.2.2008 kl. 23:05]

Eru þau ekki bara gengin til liðs við Árna Johnsen og eru að hjálpa honum að grafa göngin til Vestmannaeyja (ágætt að flýja þangað?)

Árni gæti síðan stofnað sjálfshjálparhóp handa sjálfstæðismönnum, sem gera of mörg tæknileg mistök. Þarna sýnist mér vera gott tækifæri fyrir Johnseninn.

[Valsól (IP-tala skráð) 21.2.2008 kl. 23:41]

Vá hvað Ólafi F finnst gaman að fá loksins að vera memm í Sjálfstæðisflokknum, hann er farinn að fara í feluleik með liðinu. Hugsið ykkur gott fólk, svo sitja þessir þrír borgarfulltrúar og víla og díla með borgarstjórastólinn. Þetta er sick!

[Ísleifur Egill Hjaltason, 21.2.2008 kl. 23:53]

Hefurðu tjékkað Valhöll? Myndi samt gæta mín, sá staður er fullur af flóttaleiðum fyrir litla borgarfulltrúapúka 

[Lilja Guðrún Þorvaldsdóttir, 22.2.2008 kl. 00:25]

Á ég að klukka þau ef ég finn þau,  eða er það "sá á fund sem finnur".  Vil bara fá að vita það áður en ég fer að leita.

[Hlynur Hallsson, 22.2.2008 kl. 00:35]

Hvað er málið með Sjálftökuflokkinn og bakdyraútganga:) Ég nenni ekki að leita. Bestu kveðjur,

[Garún, 22.2.2008 kl. 02:09]

Ég sá þau!  Óli var á american style.  Hanna var í Ikea að skoða skrifborð og Gísli var í búðinni veiðvon að gera ég veit ekki hvað....Annars er allt gott að frétta frá mér og svona...en ykkur?

p.s ég er drukkin þegar ég skrifa þetta eins og Össur....en bara gaman 

[Gísli Baldvinsson (IP-tala skráð) 22.2.2008 kl. 09:57]

Frjálslyndir hafa ekki húmor fyrir þessu. Skil það ekki.