Reynslusaga úr Hjólað í vinnuna

Á heimasíðu "Hjólað í vinnuna" er óskað eftir reynslusögum úr átakinu. Hér er ein frá Betri helmingnum. 

Oddviti Samfylkingarinnar, Dagur B Eggertsson, átti erindi upp í Vegagerð ríkisins í morgun og fór að sjálfsögðu þangað á hjólhesti sínum. Þegar þangað kom áttaði hann sig á því að hjá Vegagerð ríkisins er engin hjólagrind! Segir það okkur eitthvað?!

Þess má geta í framhjáhlaupi að samkvæmt lögum ber samgönguyfirvöldum ekki að leggja hjólastíga meðfram stofnbrautum. Ef borgarbúar vildu gera hross að samgöngutæki sínu myndi þetta horfa öðru vísi við.

Samgönguyfirvöldum er nefnilega skylt að leggja reiðvegi meðfram þjóðbrautum!

Athugasemdir

[Gísli Baldvinsson (IP-tala skráð) 7.5.2008 kl. 23:41]

Eitt stykki hjólagrind í vegagerð... skilaðu því til KLM kv gb

[Haraldur Bjarnason, 7.5.2008 kl. 23:47]

....eða hestastein....

[Snorri Sigurjónsson (IP-tala skráð) 8.5.2008 kl. 10:28]

Ég sá ekki betur í fyrradag en að hross séu enn til brúks í borgarumferðinni og jafnvel innan veggja opinberra stofnanna.  Mér varð þá hugsað til ákvæðis í lögreglusamþykkt Reykjavíkur sem á greinilega fullan rétt á sér en því miður verið tekið þar út. þar stóð orðrétt, að mig minnir svona:  "Í þéttbýli má eigi aka eða ríða hraðar en á hægu brokki og lögreglan getur ákveðið að aðeins skuli farið fet fyrir fet."