"Ætti að hafa vit á því að halda kjafti!"

Þessi frétt er á www.dv.is

Agnes Bragadóttir fór ekki fögrum orðum um Árna Johnsen, þingmann Sjálfstæðisflokksins, í viðtali á Bylgjunni í morgun.

Þegar Agnes var spurð um grein Árna, sem birtist í Morgunblaðinu, svaraði hún: „Mér fannst þessi grein hans Árna náttúrulega algjört regin hneyksli enda finnst mér maðurinn vera regin hneyksli, hann er eiginlega stórslys þessi maður.“ Hún heldur svo áfram að ausa úr skálum reiði sinnar og segir: „Ég held að þessi maður ætti að hafa vit á því að halda kjafti“

Það er jafnan skemmtilegt þegar stóryrt fólk viðhefur gífuryrði um aðra sem eiga svona ljómandi vel við það sjálft!

Athugasemdir

[Óskar Þorkelsson, 9.7.2008 kl. 16:59]

he he já, þetta var grjótkast úr viðkvæmu glerhúsi :)

[Anna Karlsdóttir, 9.7.2008 kl. 17:07]

Já maður gat eiginlega ekki varist því að glotta yfir þessum óguryrðum

[Andrea, 9.7.2008 kl. 19:28]

Í ljósi þess að annar er blaðamaður og hinn þingmaður finnst mér ekki spurning hvort þeirra eigi að halda kjafti

[Alfreð Símonarson, 9.7.2008 kl. 20:00]

Maður hefur séð álíka málefnaleg andsvör frá þingsleikmönnum áður enda ekki mikil hjálp frá fótboltaliðinnu  / stjórnmálaflokki hennar. Árni er kannski ekki besta fyrirmynd liðs síns en mér þykir hann hafa verið skotskífa og ásættanleg fórn flokkssystkina í einhverri valdabaráttu. Ég tel að sjálfstæðismenn viti sjálfir hver hoppaði í hans sæti og hvaða fylking innan alþingisdeildarinnar. Metur það hver fyrir sig og eins og er halda síðan flestir kjafti yfir því. Ég viðurkenni það að hafa ekki lesið greinina hans Árna en þar þarf maður að gera bragabót á.

Kær kveðja og lifi byltingin!
Alli

[Sigurður Þórðarson, 9.7.2008 kl. 22:43]

Árni hótaði í viðtali við Bylgjuna að fletta ofan af spillingaröflunum.

Ætli einhverjir skilji sendinguna og skjálfi nú á beinunum? 

[Guðrún Þóra Hjaltadóttir, 9.7.2008 kl. 23:10]

Greinin hans Árna var honum ekki til framdráttar.

Það kom í ljós þegar Árni var í Kastljósinu að hann virðist vita mikið um spillinguna innan kerfisins. Vantar Haraldi Jóh. flokksbróður hans ekki aðstoðarmann ?

[Kjartan Pétur Sigurðsson, 10.7.2008 kl. 07:21]

Það er greinilegt að Árni er að reyna að koma til skila einhverju sem "margir" vilja helst ekki ræða. Hvernig væri nú að skoða það nánar án þess að banda Árna sjálfum of mikið inn í þá umræðu. Árni hefur hótað áður og það virkaði svo vel að hann er komin inn á þing aftur. Hvað veit hann sem við vitum ekki :)