Möguleiki á flýtitengingu við evru

Þetta eru orð í tíma töluð hjá Ingibjörgu Sólrúnu. Nú eru þeir tímar að það verður að hugsa margt upp á nýtt. Nú er ekki afsakanlegt að þagga niður umræðu um lausnir sem gætu skipt sköpum fyrir framtíð þjóðarinnar. Það er heldur ekki afsakanlegt að bjóða fólki upp á einangrunarstefnu eða norska krónu til að forðast að ræða það sem blasir við.

Þessi frétt Rúv finnst mér einnig verulega áhugaverð en þar segir:

Eiríkur Bergmann Einarsson, forstöðumaður Evrópufræðaseturs Háskólans á Bifröst, segir að Evrópusambandið sé tilbúið að koma á hraðleið fyrir Íslendinga inn í sambandið í ljósi erfiðra aðstæðna. Hún fæli m.a. í sér að gengi krónunnar yrði fest við gengi evrunnar með þröngum vikmörkum.

Raddir hafa verið sífellt háværari um að taka upp evru hér á landi. Hefðbundin leið til þess, sem fæli í sér inngöngu í Evrópusambandið og evrópska myntbandalagið, tæki hins vegar fjögur ár. Eiríkur Bergmann segir að hægt sé að festa krónuna við evruna á mun skemmri tíma, eða fjórum mánuðum.

Eiríkur segist hafa heyrt það frá fulltrúum ESB að þeir væru tilbúnir að koma á hraðleið fyrir Ísland inn í sambandið ef stjórnvöld taka þá ákvörðun að sækja um aðild. Ef það yrði gert væri hægt að semja um að Ísland gengi í myntkerfið ERM II, líkt og Danir hafa gert. Það er í raun stökkpallur að upptöku evrunnar.

Ef þetta er rétt hjá Eiríki Bergmann eigum við raunhæfan möguleika á tengingu við evruna innan hálfs árs. Slík tenging fæli í sér lausn á mörgum alvarlegustu gjaldeyrisvandamálum þjóðarinnar.

Vill endurskoða ESB og Seðlabanka

Athugasemdir

[Guðrún (IP-tala skráð) 30.10.2008 kl. 14:27]

Það var mikið að hún talaði af viti

[Sigurður Haukur Gíslason, 30.10.2008 kl. 14:35]

Á meðan Sjálfstæðisflokkurinn streitist á móti gerist ekkert. Samfylkingin verður að stilla þeim upp við vegg ef eitthvað á að gerast.

[Fannar frá Rifi, 30.10.2008 kl. 14:38]

Eiríkur Bergmann er áróðursmeistari Samfylkingarinnar í Evrópumálum. auðvitað segja esb sinnar allt fallegt með svo fögrum orðum að hungið hreynlegur lekur af þeim.

ef við viljum borga Bretum allt upp í topp, þá ættum við að skella okkur inn. haldiði virkilega að Bretar beiti ekki ESB fyrir sig þar sem þeir hafa fjórðungsvald (á móti frökkum, þjóðverjum og ítölum) eins og þeir hafa reynt að beita IMF fyrir sig þar sem þeir hafa rétt um 5% vald? 

eða er þetta en ein reddingin að selja land, þjóð og auðlindir til þess að sleppa að borga reikninga á mánaðarmótum? 

[Arnþór Úlfar Jóhannesson (IP-tala skráð) 30.10.2008 kl. 14:52]

Sammála Fannari frá Rifi.  Áróðursmeistarar Samfylkingarinnar sem koma m.a. frá Samfylkingarbælinu á Bifröst, hafa verið duglegir við að dásama Evru og ESB.  Samkvæmt fagnaðarerindinu um ESB og Evru lofa þeir því að verðlag muni lækka mjög hér á landi og að hér muni ríkja efnahagsleg sæla um alla eilífð.

Einnig hefur Guðmundur Ólafsson hagfræðingur (sem mest minnir mig á Georg Bjarnfreðarson á Dagvaktinni) sagt að allt muni lagast hér á landi taki við upp Evru og göngum í ESB.  Það vantar bara að segja að við fáum hér Suður-Evróskt veðurfar!

Svo eru stóru spurningunni ósvarað: Á hvaða gengi á að taka krónuna upp í Evru?  Á að taka hana upp í á núverandi gengi, ca. 150 kr. eða á meðalgengi síðusta 5 ára sem er ca. 85?  Þetta getur skipt sköpu um það hvort að við verðum C-ríki innan ESB eða ekki. 

Ef krónan verður tekin upp í Evru á genginu 150, þá mun Ísland verða ódýrt láglaunaríki innan ESB um alla framtíð!  Takið eftir, um alla framtíð.  ESB eru nefnilega engin góðgerðarsamtök.

Þetta er eitthvað sem ekki er hægt að leiðrétta nema með stórkostlegum launahækkunum hér á landi, og það munu atvinnurekendur aldrei samþykkja.  Þú tryggir ekki eftir á þegar þú ert á annað borð komin í ESB.

Auðvitað vilja Samtök atvinnulífsins og Samtök iðnaðarins hafa þetta svona.  Þá er nefnilega hægt að nota vinnumarkaðinn sem hagstjórnartæki þegar illa árar.

[kristin (IP-tala skráð) 30.10.2008 kl. 15:19]

Áróðursmeistarar Samfylkingarinnar ... ? Þessir áróðursmeistarar samfylkingarinnar hafa alla tíð bent á vankosti þess peningamálakerfis sem hefur verið við lýði á Íslandi undanfarin ár og hafa spáð fyrir um þetta hrun í langan tíma sbr. Guðmund Ólafsson. Kannski það sé bara eitthvað að marka það sem þessi áróðursmeistarar hafa að segja? Við ættum kannski bara að prófa að fara eftir þessu fólki sem staðið hefur í andstöðu við fyrri öfl sem leiddu okkur á botnin. Þetta fólk kann kannski bara andsvarið og leiðina upp?

[Skaz, 30.10.2008 kl. 18:31]

Vá hvað sumir eru heilaþvegnir um að ESB sé slæmur kostur...Enda engin furða eftir 20 ár af þessu bulli.

ESB er ekki skyndilausn. EN, þetta er skuldbinding sem aðrar þjóðir taka mark á og taka eftir. (Það eru nebbla ótrúlegt en satt fólk til sem telur Davíð ekki til guðs eða satans, eru kallaðir útlendingar ;))  Það þýðir ekki að segja að við getum sjálf bara miðað við viðmið evrunnar með krónunni. Það tekur enginn mark á svoleiðis tali eftir þetta hrun, það er hægt að lofa öllu fögru um að ætla að halda verðbólgu svo og svo en svo lengi sem það er ekki skuldbindandi þá tekur enginn mark á því. 

Og helvítis bull er það að við verðum eitthvað undirmálsland peningalegaséð útaf genginu! sko matarverð og laun eru BÆÐI þá miðuð til samans við önnur lönd, þannig að kaupmáttur á að vera sá sami. Fyrstu árin verður þetta ruglingslegt en eftir 3-4 ár líkt og í Finnlandi þá leiðréttist þetta.

ESB er spurning um það hvort við viljum stöðugleika eða blússandi rússíbana ferð bæði upp í "góðæri" og þenslu og niður í rústir og gengistap.

Og ESB andstæðingar komið með eitthvað annað en sömu gömlu misskilningana um ESB, rök og dæmi þeim til stuðnings jafnvel?

[Haraldur H. (IP-tala skráð) 30.10.2008 kl. 19:26]

Skaz, hérna er dæmi um það hvernig við getum orðið undirmálsríki innan ESB ef við fáum ekki rétt verð fyrir krónuna í skiptum fyrir töframeðalið EVRU.

Dæmi:

• Meðallaun í stóru Evrulöndunum eru ca. 55.000 Evrur á ári.
• Þetta eru ca. 4.785.000 krónur á genginu 87 kr. pr. Evru sem var meðalgengi á síðasta ári.
• Þetta eru ca. 8.305.000 krónur á núverandi skráðu gengi Evru sem er 151 kr.

 

• Meðallaun hér á landi árið árið 2007 voru ca. 4.975.000 kr.
• Þetta eru ca. 57.184 Evrur á ári miðað við meðalgengi Evru árið 2007 sem var 87 kr.
• Þetta eru ekki nema ca. 32.947 Evrur á ári núverandi gengi sem er 151 kr.!

Við að taka upp Evruna nú þegar sem gjaldmiðil hér á landi miðað við núverandi gegni Evru sem er 151, erum við að búa til kjaraskerðingu fyrir okkur gagnvart öðrum Evrulöndum.  Þessi kjaraskerðing nemur ca. 22.053 Evrur á árslaunabasis.  Þetta kallast raungengislækkun.  Við yrðum því með öðrum orðum næstum helmingi lengur en meðal Þjóðverjinn að vinna okkur inn fyrir einu bjórglasi.

Þetta er ekki bara tímabundin kjaraskerðing, heldur varanleg kjaraskerðing, ákveðum við á annað borð að taka upp Evru sem gjaldmiðil hér á landi strax í dag eins og margir vilja, og telja að við svo búið muni ríkja hér eilíf efnahagsleg sæla. Frá þessari kjaraskerðingu verður ekki aftur snúið, ákveðum við á annað borð að taka upp Evru núna í dag eða á morgun.

Þetta þýðir að við þyrftum að vinna næstum helmingi lengur en borgarar í öðrum Evrulöndum til að geta keypt okkur sömu hluti og þeir, jafnvel þó að verðlag í Evrulöndunum eigi að vera hagstæðara eins og þú segir, Skaz.  

7-8% atvinnuleysi í mörg ár eins og er í mögum Evrulöndum er það sem má kallast stöðugleiki, Skaz. 

Auðlindin okkar, fiskimiðin, fara í einu púlju hjá ESB sem síðan skammtar úr hnefa veiðiheimildum til aðildarríkja, þannig að íslensk skip gætu endað með að fá litlar veiðiheimildir í sinn hlut, jafnvel enn minna en nú í dag.

 

Þess vegna er mikilvægt að þessi mál yrðu skoðuð vel til að við munum ekki verða undirmálsfólk og láglaunaríki í Evrópusambandinu.  Með öðrum orðum yrði að taka krónuna upp í Evruna á sanngjörnu verði, en ekki á einhverju afsláttargengi eins og það gengi sem gildir í dag.  

 Þetta litla dæmi sýnir bara, að það eitt að taka upp Evru sem gjaldmiðil hér, er ekki svo einfalt mál. 

[Salvör Kristjana Gissurardóttir, 30.10.2008 kl. 19:29]

Þetta er alveg ga-ga fréttaflutningur hjá Rúv. Eiríkur Bergmann Einarsson er háskólakennari á Bifröst og sem slíkur þá passar hann sig örugglega á því að lofa engu fyrir hönd EBE enda er hann að ég best veit enginn milligöngumaður eða trúnaðarmaður Evrópusambandsins. Eiríkur getur engu lofað fyrir hönd EBE og trúverðugleiki hans sem fræðimanns er afar lítill ef hann væri að varpa slíku fram og blekkja fólk.

þetta er bara einhver leikur þeirra sem vilja draga athyglina frá því hvað þeir voru að gera síðustu ár og hvers vegna þeir stóðu sig ekki á vaktinni að fara í þennan Evruhasar. Það er langt ferli að taka upp evru og það eru engir sjáanlegir hagsmunir EBE að veita Íslendingum nein skilyrði sem aðrar þjóðir fá ekki. Það eru hins vegar mjög sjáanlegir hagsmunir hjá Norðmönnum að veita Íslendingum liðsinni í myntmálum. 

[Evra (IP-tala skráð) 30.10.2008 kl. 21:23]

Eða á að taka evruna inn á því gengi sem hún hefur í evrulöndunum núna, 1 evra ca 220kr .

Nei takk, þjóðin sem lét leiðasig áfram sofandi í mesta skuldafen sögunar, er  alls ekki líkleg til að hafa skoðað málið til hlýtar.