Hvað vill formaður Vg?

Vill formaður Vg örugglega fara í ríkisstjórn? Vill hann ekki í raun halda við ástandinu eins og það er núna og láta búsáhaldabyltinguna um kosningabaráttuna? Þegar úrslit kosninganna 2007 lágu fyrir og hann vildi gera sig kostbæran vafðist ekki fyrir honum að gera málamiðlanir gagnvart Sjálfstæðisflokknum, t.d. varðandi Helguvík.

Nú þegar landið logar í mótmælum og skýr skilaboð koma frá grasrót Samfylkingarinnar lætur formaður Vg sér sæma að mæta í sjónvarpið og tala þvert á það sem gæti orðið til þess að samkomulag næðist á milli þessara flokka. Framganga formanns Vg er heldur köld kveðja til þeirra sem undanfarna daga og nætur hafa mótmælt og krafist breytinga.

„Allt kemur til greina"

Athugasemdir

[Óli Gneisti (IP-tala skráð) 23.1.2009 kl. 08:40]

Það er svoltið merkilegt þegar málflutningur Samfylkingarinnar er slíkur að maður vonar helst að VG geti myndað stjórn með Framsókn.

[Guðmundur Brynjólfsson (IP-tala skráð) 23.1.2009 kl. 08:41]

Er þetta þín leið til að hjálpa sjálfum þér við að sætta þig við það hvernig Samfylkingin hefur hraunað yfir þau stefnumál sem þér eru kærust - landverndina?

VG er ekki í ríkisstjórn, grasrót Samfylkingarinnar virðist því miður ekki ná eyrum valdhafa í flokknum - SJS á varla að haga orðum sínum sérstaklega með það fyrir augum að þóknast valdalausri grasrót Samfylkingarinnar.

Um afslátt á stóriðjustefnu ætti Samfylkningarfólk, sem vill láta taka sig alvarlega, sem minnst að tala. Ellegar ræða blóðrautt í framan af skömm - sem væri jú betra.

Bestu kveðjur,

[María Kristjánsdóttir, 23.1.2009 kl. 08:42]

Vísaðu orðrétt í Steingrím, Dofri. Veriði þið ekki að búa til eitthvað.

[Aron (IP-tala skráð) 23.1.2009 kl. 09:07]

Sæll Dofri

Það verður að kjósa eins fljótt og aðstæður leyfa. En það sem mér finnst ógnvænlegt í málflutningi Vg er að krafan virðist ein vera að kjósa - helst Vg - en ekkert er rætt um framkvæmd lýðræðisins. Raunveruleg þrískipting valds er ekki á vörum málsvara Vg né annarra pólitíkusa. Verður lýðræðið áfram í boði flokkanna. Ekki heyrist annað nema þá nokkrar raddir fólks sem ekki hefur atvinnu af stjórnmálum s.s. N.P.N í Silfri. Ég þori að fullyrða að jafnaðarmönnum þyki vænna um hugmyndafræðin en flokkinn - því er reyndar ekki farið svo á öllum bæjum.

 Stefán Jón Hafstein ritaði að "lýðræðisvæðing er hið sögulega hlutverk jafnaðarmanna". Lýðræðismálin hefur S tekið upp á sína arma í orði en nú - og ekki seinna - verður það að fara lengra. Orðum eins og "siðbót í stjórmálum" verður nú - ekki seinna - finna stað í verki með því að menn innan S axli pólitíska ábyrgð og að öllum sé ljóst að forystan mun ekki una sér hvíldar þar til sama hefur gerst í stjórnsýslunni þar sem það á við. Það er ekki eðlilegt að almenningur,sem að stærstum hluta er saklaus,horfi upp á kjara- og eignarýrnun haldi lög þessa lands meðan stjórnvöld sýna fullt skilningsleysi á sinni ábyrgð.

Það verður að koma jákvæð niðurstaða úr þessum hörmungum. Það sem ég óttast mest er að það sama haldi áfram - við afrekum að læra ekki neitt.

bk A

[Sævar Helgason, 23.1.2009 kl. 09:44]

VG skorar alltaf hátt í skoðanakönnunum. 

Fólk sem er stuðningsfólk annarra flokka, en er ósátt við þá- notar gjarnan VG , þegar spurt er í skoðanakönnunum- til að veita sínum flokki ráðningu.

Á kjördag er gamli flokkurinn síðan kosinn og raunfylgi VG birtist uppúr kjörkössunum 14-16 % .

Nú er ólga og margir ósáttir , einkum í stjórnarflokkunum- VG fær þann skell með sýndarfylgi.   Nú er ljóst að samkomulag milli stjórnarflokkanna er í molum og samstarfið hangir í lausu lofti. 

Bráðavandi er framundan á næstu dögum vegna fjárhagsmála- atvinnulífs og heimila.

Gríðarlegir erfiðleikar eru við lánsfjárútvegun erlendis frá vegna þess vantrausts sem ríkir í garð Íslendinga vegna forystu í Seðlabanka,fjármálaeftirliti og fjármálaráðuneyti. Þessar stofnanir eru öllu trausti rúnar.

Sjálfstæðisflokkur er alls ófær um að leysa vanda þessarar fjármálastofnana en þær heyra undir forsætisráðherra.  Vegna þessa er stjórnakreppa og brýnt að þessi ríkisstjórn verði leyst upp nú þegar. 

Best væri að VG og Samfylkingin , með hlutleysi Framsóknar, myndi ríkisstjórn fram að kosningum í vor.

Nú reynir á VG bæði í bráð og lengd- eru þeir yfirhöfuð ábyrgur stjórnmálaflokkur sem getur tekið á  erfiðum málum , en lífsnauðsynlegum fyrir þjóðina-  eða er hann óábyrgur ?   Fram að þessu hefur þjóðin metið hans trúverðugleika á 16 % 

Við bíðum spennt...

[Lilja (IP-tala skráð) 23.1.2009 kl. 09:50]

Hvernig væri fyrir Samfylkinguna að láta af spunanum Dofri? Þvílík endalaus steypa sem vellur frá þessum flokki, það er með hreinum ólíkindum. Og aldrei skal forystan og spunadrengir hennar firrast við að segja rangt frá.

[Guðjón Sigþór Jensson, 23.1.2009 kl. 10:00]

Nokkurs misskilnings virðist gæta í túlkun á orðum Steingríms J. í Kastljósi í gær. Hann kvaðst fyrst og fremst vera með vissar efasemdir um ágæti láns frá AG m.a. vegna skilyrða þeirra sem liggja fyrir. Beita þarf ísköldu mati á þetta mál og kannski væri betra að taka þessar lánsaðstoð ekki ef skilmálarnir eru þvílíkir að við verðum að rífa heilmikið niður í okkar samfélagsþjónustu sem ekki á að koma til greina.

Mér finnst að allt of margt sé litið tortryggnari augum það sem Steingrímur lætur frá sér fara.  hann hefur gríðarlega reynslu sem einn þeirra þingmanna sem einna lengstan starfsaldur hefur. Hann er mjög varkár og tortrygginn að eðlisfari gagnvart einhverjum óljósum leiðum og vill því ekki fara út í hvaða ævintýri sem er nema að vel ígrunduðu máli.

Mosi

[Úrsúla Jünemann, 23.1.2009 kl. 10:07]

Mér finnst leitt hvað VG og Samfylkingin eru stundum með ósanngjarnt gagnrýni í garð hvors annað. Þessir flokkar ættu að stefna að heiðarlegri samvinnu enda liggja stefnur þeirra í mörgum málum í sama átt.

[Dofri Hermannsson, 23.1.2009 kl. 10:10]

María frænka. Þú stendur þétt með formanni þínum og það er vel. Mestu finnst mér þó skipta að við ræðum málefnin og þær aðgerðir sem stjórnmálamenn leggja til. Ummæli formanns Vg í Kastljósi á miðvikudagskvöldið hafa vakið spurningar hjá mörgum um það hvort tillögur hans séu það sem þjóðin þarf á að halda en hann sagði m.a:

Það er enginn vafi að í hugum okkar þingflokks Vinstri grænna að best væri æskilegast að komast út úr því aftur, skila lánunum ef við getum, til að losna undan þvingunarskilmálunum sem á okkur eru settir, til dæmis um þennan sársaukafulla niðurskurð í heilbrigðisgeiranum.

Nú er það svo að í AGS planinu er ekkert sérstaklega kveðið á um niðurskurð í heilbrigðisgeiranum (og undarlegt að segja það þá). Það er hins vegar ljóst að það þarf að skera niður alls staðar þar sem það er hægt og það verður ekki sársaukalaust. Fjárlagagerðin nú er þó aðeins eins og léttur seiðingur við hliðina á því hvernig niðurskurðurinn mun þurfa að verða við næstu fjárlagagerð. Ef formanni Vg er svona mikið í nöp við að hafa opnar lánalínur (sem ekki það sama og að nota lánið) vegna vaxtakostnaðar hvernig stendur þá á því að hann vildi taka lán fyrir mun meiri hallarekstri ríkissjóðs við síðustu fjárlagagerð? Hvernig verður þetta við gerð næstu fjárlaga?

 

Það er óþarfi að skammast yfir því að fólk geri athugasemd við svona útspil. Þó ástandið sé slæmt er manni ekki alveg sama hvað verður gert. Ef það er "enginn vafi í hugum þingflokks Vg" um að það eigi að hætta samstarfinu við AGS og afþakka lánalínurnar - en hvort tvegga er forsenda stuðnings annarra þjóða við endurreisn landsins - þá held ég að það þurfi að skipta um þingflokk Vg áður en þau taka að sér að stýra landinu. Sorrý!

[Óli Gneisti (IP-tala skráð) 23.1.2009 kl. 10:30]

Þannig að þú ert í raun ósáttur við að skoðað verði hvort aðrar leiðir séu færar?

[Gunnlaugur Ingvarsson (IP-tala skráð) 23.1.2009 kl. 10:51]

Hvað eruð þið í örvilnaðri Samfylkingunni alltaf að velta ykkur uppúr því hvað forysta annarra flokka vill og ætlar að gera. Þið þykist enn bíða  eftir því hvaða samþykktir Landsfundur Sjálfstæðisflokksins muni gera og nú segiði að allt velti á hvað forysta VG muni segja.

Ég held að þið ættuð nú frekar að líta í eigin barm og forystan þyrfti svo sannarlega líka að líta í spegil og horfast í augu við eigin sakir og aðgerðarleysi og hætta hrokanum og botnlausri afneituninni.

En það er sko ekki að gerast neitt hjá forystuni nema áfram sami hrokinn og sama afneitunin.

Forystan ætlar greinilega ekki á að hlusta á fólkið í FLOKKNUM því þó að formaðurinn bakki nú eitt hænufet og gefi eftir með það að eflaust megi leyfa kosningar í vor ef samkomulag náist um það við háæruverðugan Sjálfstæðisflokkinn.

En að formaðurinn ætli sér að fara  eftir einróma samþykktum FÓLKSINS í flokknum um það að slíta þegar í stað þessu stjórnarsamstarfi við Sjálfstæðisflokkinn.

NEI það kemur sko ekki til greina, segir hún að slíta þessu ástkæra Ríkisstjórnarsamstarfi.

Ef ég væri þú Dofri minn og fólkið í flokknum ykkar þá myndi nú fara að spyrja mig mjög alvarlegra samviskuspurninga um sjálft lýðræðið og tilverugrundvöll þessa flokks með slíka endemis forystu.

ERUÐ ÞIÐ KANSKI EKKI FÓLKIÐ og þess vegna er bara hægt að hundsa ykkur ! 

Ekki frekar en mótmælendur voru og eru EKKI ÞJÓÐIN í augum sumra. 

HVAÐA FÓLK ER ÞAÐ ÞÁ SEM ÞESSI ENDEMIS FLOKKSFORYSTA YKKAR ÆTLAR AÐ HLUSTA Á,

HVAR ERU SAMRÆÐUSTJÓRNMÁLIN NÚNA ! 

Þessum spurningum myndi ég velta alvarlega fyrir mér núna Dofri minn, til að ráða þér heilt

[Gísli Árnason (IP-tala skráð) 23.1.2009 kl. 11:05]

Sæll Dofri.

Varðandi þessa færslu þína, þá hef ég undanfarið verið að velta því fyrir mér hvað þið í Samfylkingunni komið til með að leggja áherslu á í komandi ksningum´.

Verður það kannski;

Fagra Ísland??

Eftirlaun æðstu ráðamanna??

Afturköllun stuðnings við Íraksstríðið??

Sturlaðar samgöngur??

Rétlátara skattkerfi, ekki táknrænt??

Eða kannski eitthvað allt, allt annað

Kveðjur, Gísli Árnason