Áhugavert eins og flest frá Samorku

Samorka hefur mjög blandað sér í umræðu um orkumál undanfarin misseri og ekkert út á það að setja. Af framlagi Samorku til umræðunnar dreg ég þó þá ályktun að þar ráði miklu svokallaðir "aukaaðilar".

Ekki á það síst við núna þegar Samorka - þar sem hitaveitur og orkufyrirtæki í samfélagslegri eigu eru aðalfélagar - er farin að bregða fæti fyrir ákvæði í stjórnarskrá um sameiginlegt eignarhald á auðlindum.

Dæmi hver fyrir sig - hér er listinn yfir aðal- og aukaaðila Samorku.

Leggst gegn ákvæði um auðlindir

Athugasemdir

[Anna Karlsdóttir, 31.3.2009 kl. 15:21]

mjög glögglega athugað Dofri!

[Gústaf Adolf Skúlason (IP-tala skráð) 31.3.2009 kl. 16:03]

Dofri. Þessi umsögn er í nafni stjórnar Samorku. Aukaaðilarnir eiga ekki aðild að henni. Orku- og veitufyrirtæki í samfélagslegri eigu eiga hagsmuna að gæta og vilja að vandað sé til verka þegar sýslað er með þessa hagsmuni.

[JR (IP-tala skráð) 31.3.2009 kl. 21:24]

Skiptir einhverju máli hvort menn eru A eða B eða C í þessu samabndi ?

Eru ákvarðanir ekki allar teknar hjá samtökum atvinnulífsins hvort sem er ?

Þetta er allt sama klíkan !

[Sævar Finnbogason, 31.3.2009 kl. 23:08]

SVONA er greinin sem bætist við:

1. gr.

    Við lögin bætist ný grein, 79. gr., svohljóðandi:
    Náttúruauðlindir sem ekki eru háðar einkaeignarrétti eru þjóðareign. Ríkið fer með forsjá þeirra, vörslu og ráðstöfunarrétt og hefur eftirlit með nýtingu þeirra í umboði þjóðarinnar eftir því sem nánar er ákveðið í lögum.
    Allar náttúruauðlindir ber að nýta á sem hagkvæmastan hátt á grundvelli sjálfbærrar þróunar til hagsældar fyrir þjóðina og komandi kynslóðir. Náttúruauðlindir í þjóðareign má ekki selja eða láta varanlega af hendi.
     Allir eiga rétt til umhverfis sem stuðlar að heilbrigði og þar sem líffræðilegri fjölbreytni er viðhaldið eftir því sem nánar er ákveðið í lögum. Réttur almennings til upplýsinga um ástand umhverfis og áhrif framkvæmda á það, svo og kostur á þátttöku í undirbúningi ákvarðana sem áhrif hafa á umhverfið, skal tryggður með lögum.

Hvenær er náttúruauðlind háð einkaeignarrétti?

Þetta er stór spurning. Átt þú allar auðlindir í jörðu undir því landi sem forfeður þínir slógu eign sinni á eða keyptu í fyrndinni? Ef svo er má þá "selja eða láta varanlega af hendi."

Hvernig er það þá samræmanlegt  "Allar náttúruauðlindir ber að nýta á sem hagkvæmastan hátt á grundvelli sjálfbærrar þróunar til hagsældar fyrir þjóðina og komandi kynslóðir."

Ekki það að ég held að þú hafir nokkuð til þíns máls um Samorku, mér finnst þetta frumvarp bara ekki ganga nógu langt og ekki vera nógu skýrt. (þá er ég að tala fyrir hönd almennings sem ekki "á" náttúruauðlindir) Hvað með rétt komandi kynslóða til þessarra auðlinda ef við horfum fram í tímann.

Það er afskaplega hátíðlegt að tala um sjálfbærni og rétt til umhverfis sem stuðlar að heilbrigði og allt það en það má sín lítil gegn einkaeignarréttinum á auðlindum sem þessi grein virðist festa enn frekar í sessi.

Mig grunar að þetta bjóði heim nokkurri óvissu í túlkun.