Upp úr skotgröfunum

Ég hef lengi haldið því fram að ESB málin þyrfti að hefja upp úr skotgröfum flokkapólitíkur. Þeir flokkar sem nú eru að mynda ríkisstjórn hafi áttað sig á þessu og ætla að leggja málið fyrir kjörna fulltrúa þjóðarinnar á Alþingi.

Vonandi munu aðrir flokkar veita þingmönnum sínum fullt frelsi til að greiða atkvæði sannfæringu sinni samkvæmt. Spennandi verður að sjá hvernig formaður Sjálfstæðisflokks mun greiða atkvæði.

ESB-málið til Alþingis

Athugasemdir

[Gísli Baldvinsson (IP-tala skráð) 5.5.2009 kl. 08:42]

Þetta er bara ekki ásættanleg leið Dorfri. Það er ekki útséð hvernig þetta fer.

[Gunnlaugur Ingvarsson (IP-tala skráð) 5.5.2009 kl. 08:50]

Já upp úr skotgröfunum Dofri.

En afhverju þá ekki að leyfa þjóðinni að kjósa um það hvort yfirleitt eigi að leyfa stjórnvöldum að fara í ESB aðildarviðræður - Eða EKKI !

Það virðist vera meirihluti meðal þjóðarinnar fyrir því að hafna því að leyfa stjórnvöldum að fara í ESB aðildarviðræður.

Afhverju ekki að leyfa milliliðalausu lýðræðinu að ráða !

En lýðræði ykkar ESB rétttrúnaðarsinna nær því miður aðeins í eina átt og það er til Brussel !

Við sem erum algerlega á móti ESB þurfum ekkert að láta þvæla þjóðinni í ESB viðræður og fá svo einhvern samning til þess að vita að ESB er handónýtt apparat og hefur ekkert með hagsmuni íslensku þjóðarinnar að gera.

Við treystum ekki stjórnvöldum og allra síst Samfylkingunni og ESB launuðum Evrópusérfræðingum hennar til þess að fara í samningaviðræður við ESB og gæta þar hagsmuna þjóðarinnar !

Þessi ESB - landráð ykkar í Samfylkingunni eiga eftir að reynast ykkur dýru verði keypt ! 

[Halldór Halldórsson, 5.5.2009 kl. 08:55]

Og svo verður þessi "meirihluti" Alþingis sammála um ÖLL samningsmarkmiðin; eða á Alþingi bara að senda Samfylkinguna með "carte blanché" til Brüssel og engar fyrirfram kröfur?  Hvað segir Framsókn þá, sem hefur í "frjálslyndri" stefnuskrá sinni sett fram ótal "fokkjú"-skilyrði sem ESB samþykkir um leið og frýs í helvíti?!

[Héðinn Björnsson, 5.5.2009 kl. 09:47]

Það þýðir að það verður væntanlega sendinefnd Alþingis sem mun semja fyrir Íslands hönd og ekki Utanríkisráðuneytið.

[Pétur Henry Petersen, 5.5.2009 kl. 09:54]

Tja... það er eins og þingmenn hafi ekki áttað sig á því að það voru þeir sem að sviku þjóðina, reyndar af gáleysi, uppteknir af því að vinna sig upp í flokkunum og bukta sig fyrir flokksforrystunni (VG undanskilið). Og hve stór hluti þjóðarinnar treystir Alþingi, minnir að það séu 20%. Krafan er að þessu verði breytt með stjórnlagaþingi og þingræðið verði endurreist. Þetta er svo grútaumt kerfi, nú t.d. ef að hver þingmaður á að kjósa með og á móti aðildarVIÐRÆÐUM, þá hefði nú verið gott að vita það fyrir kosningar og geta strikað út.

[Árni Gunnarsson, 5.5.2009 kl. 10:38]

Það er mín skoðun að þessa ákvörðun um viðræður eigi að afgreiða fyrst í þjóðaratkvæðagreiðslu. Þessi skoðun mín er afdráttarlaus og ég skil ekki hvernig þessum pólitíkusum dettur í hug að bjóða upp á nokkuð annað.

Og ég spyr: Hvernig getur fólki dottið í hug að þjóðin vilji sækja um aðild að þessu sökkvandi fleyi sem ESB er í dag? Hafandi verið flokksmaður í Frjálsl. fl. þekki ég vel þær afleiðingar sem innbyrðis sundrung og átök draga með sér.

"Djarfur er hver um deildan verð." Og þegar alheimskreppa er skollin á þá skerpast línur milli þjóða og allir fara að beina sjónum að eigin vanda. Slíkt ástand hlýtur að skapa deilur og hörð átök. Að leysa sameiginlega vandamál af svo ólíkum toga og í ólíku menningarumhverfi sé ég ekki að muni verða gerlegt. Og þá horfi ég til þess ástands sem nú þegar er orðið fréttaefni.

Okkar brýna verkefni er að finna leið til nothæfs gjaldmiðils og nú sé ég ekki aðra leið skárri en þá að breyta lögunum um lífeyrissjóðina. Þá eigum við að afhenda ríkissjóði og ávaxta þar með ríkisábyrgð. Þetta er nærtæk leið og breytir allri stöðu okkar verði hún valin. Það bjargar þessari þjóð enginn nema fólkið sjálft.

En að þessari lausn verða allir stjórnmálaflokkar að koma og það tafarlaust. 

[Gestur Guðjónsson, 5.5.2009 kl. 11:19]

Aðildarviðræðurnar yrðu svo keyrðar áfram af framkvæmdavaldinu, þar sem ráðherrar sem eru andvígir ESB aðild sitja. Það getur aldrei leitt til neins góðs.

Þvílík vanvirða!

[Sigurður Þórðarson, 5.5.2009 kl. 12:17]

Rétt hjá þér Dofri þetta mál á ekki að reka í skotgrafahernaði. Meirihluti þjóðarinnar er andvígur aðild að  ESB og sjálfur tilheyri ég þeim meirihluta. Mér finnst líka makalaust að lesa skrif jafn skynsams manns og Gestur er að útiloka eigi alla þá sem skeptískir eru á aðild að ESB frá viðræðunum. Telur þú Gestur að hagsmunum Íslands yrði betur borgið ef samninganefndin yrði eingöngu skipuð mönnum sem vilja fórna hverju sem er til að komast í Sambandið? Þetta er furðulegt sjónarmið frá manni sem tilheyrir flokki sem vill setja mjög ströng skilyrði fyrir inngöngu, svo ströng að kunnugir telja það jafngilda höfnun á aðild.

[Jón Valur Jensson, 5.5.2009 kl. 14:44]

Tek undir innlegg Sigurðar Þórðarsonar hér á undan, ennfremur sérstaklega Gunnlaugs Ingvarssonar o.fl. góðra manna hér ofar, t.d. Árna Gunnarssonar, um öll þessi Evrópubandalagsmál, og mjög er athyglisverð tillagan hans Árna um lífeyrissjóðina.

[Gestur Guðjónsson, 5.5.2009 kl. 23:20]

Sigurður þeir sem þa segja eru ekki svo mjög kunnugir. Bara háværir. Ef þú ert að semja um verð á bíl sem þig langar ekkert í og telur þig enga þörf hafa fyrir. Kemstu þá að niðurstöðu? Sama ef þú vilt kaupa bílinn, án þess að setja það niðurfyrir þig hvað þú vilt gefa, nærðu þá ásættanlegri niðurstöðu?

[Jón Valur Jensson, 6.5.2009 kl. 00:42]

Gestur vill sem sé útiloka vissa flokka frá því að eiga þátt í að ræða þessi mál við Evrópubandalagið og taka þátt í störfum viðræðunefndarinnar til að gæta þar hagsmuna Íslands. Einungis jábræðurnir fengju að taka þátt! En gætu t.d. Vinstri grænir – sitjandi í ríkisstjórn með Samfylkingu – fellt sig við það, að þeir yrðu útilokaðir frá samningsnefndinni og að eingöngu Samfylkingin fengi að sitja þar og semja og fengi jafnvel ein að vita allt, sem fram færi við samningsborðið? VITASKULD EKKI!

[Þorgeir Ragnarsson (IP-tala skráð) 6.5.2009 kl. 08:42]

Já, það er alveg makalaust þetta orðagjálfur Samfylkingarmanna um lýðræði. Man ekki einhver eftir orðgerpinu "umræðustjórnmál".

Dofri, ég er þeirrar skoðunar að þegar Samfylkingin hefst handa við að lemja eina stefnumál sitt í gegn, því stefnumáli sem flokkurinn veðjar öllu sínu á, þá verði þingmenn flokksins einfaldlega rukkaðir um eitthvað dálítið gamaldags - flokkshollustu.

Vandinn við persónulegar skoðanir er að þær falla stundum svo helvíti illa að flokkslínum.

Þá er bara eftir að átta sig á hvað Samfylkingin þarf að láta til VG til þess að koma málinu í gegn. Það verður eitthvað verulegt held ég.

[Árni Gunnarsson, 6.5.2009 kl. 09:05]

Ef Samfylkingunni tekst að beygja V.g. í þessu máli þá hafa orðið mikil tíðindi í íslenskri pólitík Þorgeir.

[Sigurður Þórðarson, 6.5.2009 kl. 13:19]

Ef að við förum í samningaviðræður við ESB með aðild í huga er eins gott að gera það með opin augun. Og af því að þú tekur þetta bílakaupadæmi má alveg og raunar ekki síður notast við það á hinn veginn. Ef hjón eru í hugleiðingum að kaupa bíl en annað hjónanna hefur aðeins skoðað einn bíl væri ekki úr vegi að hitt kæmi með enda þótt því þyki aðrir kostir vænlegri, enda bæði eiga að nota bílinn.  Enginn flokkur, ekki einu sinni Samfylkingin, sem vann tvo þingmenn, kemur þjóðinni nauðugri inn í ESB. 

[Jón Valur Jensson, 6.5.2009 kl. 13:24]

Gott svar hjá þér, Sigurður!

[Valsól (IP-tala skráð) 6.5.2009 kl. 20:34]

Ég ætla nú fyrst að mælast til að þú bannir Jóni Val að kommenta á blogginu þínu, það er sú leið sem hann fer við aðra sem ekki eru honum sammála. Ég skora einnig á alla aðra að banna Jóni að kommenta hjá sér, það eru ömurlegir svona plebbar sem þola ekki að gagnrýni á þeirra hjartans mál sjáist á blogginu þeirra, þeir eru svo hræddir um að það skaði málstaðinn. Það eru helst trúaðir og Sjálfstæðismenn sem banna öðrum að kommenta á bloggum sínum. Við eigum að beita þetta fólk sömu meðölum. Ef þú Jón kemur með gömlu lummuna að þú þolir ekki nafnlaus blogg, þá skalltu banna öll svoleiðis komment, en ekki bara þau sem þú ert ekki sammála.

Mér finnst Samfylkingin vera að bakka mikið í þessum málum, og ef þeir eru ekki búnir að vinna heimavinnuna sína og kanna styrk málsins á Alþingi áður en þeir lúffa svona fyrir VG þá eru þeri algjörlega búnir að gera upp á bak og tapa málinu til næstu ára ef ekki áratuga. Ég er búinn að fá mig full saddann af því að þurfa vera borga húsnæðislánið mitt til baka á kjörum sem segja mig þurfa borga lánið 17 falt til baka. 18 miljón króna lán verður að 300 miljónum þegar ég hef lokið við að greiða lánið. Ég vill kjör eins og tíðkast í nágrannalöndunum.

[Jón Valur Jensson, 7.5.2009 kl. 01:14]

... sagði Valsól, sem hefur það ekki aðeins sér til ágætis að vera nafnlaus og að kunna betur að masa um nafnleysi en að taka á rökum, heldur er einnig ófús að hlíta þeim skilmálum öðrum, sem sett eru fyrir innleggjum á vef mínum.

[Óskar Þorkelsson, 10.5.2009 kl. 16:05]

.. samt rétt hjá Valsól..