Silence is golden

Snarpar umræður urðu á Alþingi í morgun um samgönguáætlun. Á visi.is segir m.a. þetta:

Björgvin G Sigurðsson, þingmaður Samfylkingarinnar í Suðurkjördæmi vildi að samgönguráðherra svaraði því hvort til stæði að bæta Suðurlandsveg með s.k. 2+1 leið eða 2+2 leið.

Björgvin sagði misvísandi fréttir berast innan úr stjórnarflokkunum um það hvor leiðin verði farin varðandi Suðurlandsveg. Beitt væri brellum til að láta líta út fyrir að tvöfalda ætti veginn en það ætti að gerast á tíu árum.

Valdimar Leó Friðrikssyni þingmanni Frjálslynda flokksins var heitt í hamsi í umræðunni. Sigurður Kári Kristjánsson þingmaður Sjálfstæðisflokksins greip fram í fyrir Valdimar í ræðustóli og spurði þingmanninn hvenær hann hefði fengið áhuga á Suðurlandsvegi. Þá spurði Valdimar Sigurð hvort hann gerði sér ekki grein fyrir því að Suðurlandsvegur væri dauðagildra og spurði svo hvort hann væri ekki kominn með bílprófið aftur.

Mig grunar hvaða lag Sigurður Kári er með á heilanum þessa stundina. Silence is golden.

Athugasemdir

[Hlynur Hallsson, 1.2.2007 kl. 14:24]

Valdimar Leó er greinilega allur að koma til, synd að hann skuli vera farinn yfir til Frjálslyndra og að þeir séu ekki frjálslyndir lengur. Sigurður Kári tekur sér sennilega pásu i frammíköllum í smá tíma...vona ég. Bestu kveðjur,