Nýtum næstu ár vel

Mér finnst alveg frábært að Samfylkingin vilji fresta fyrirhuguðum stóriðjuframkvæmdum í Straumsvík og Helguvík. Það er komið nóg af ýmsum ástæðum. Það þarf að kæla hagkerfið og það þarf að kortleggja umhverfið. Samfylkingin flutti þingmál um þetta síðarnefnda á Alþingi í dag - Rammaáætlun um náttúruvernd.

Maður verndar ekki eftir á - það sjá allir. Rammaáætlun um náttúruvernd gengur út á að kortleggja verðmæt náttúrusvæði, tryggja verndun þeirra og að láta svo þá niðurstöðu ráða því hvernig aðalskipulagi sveitarfélaganna er háttað. Þetta er skynsamleg áætlun, laus við allar öfgar og hefur einn afgerandi kost - það geta flestir verið sammála henni.

Það er hægt að fara í þessa vinnu strax að loknum kosningum og ljúka Rammaáætlun um náttúruvernd á 3-4 árum. Það er til þess vinnandi fyrir Íslendinga að halda að sér höndum í þennan stutta tíma til að hægt sé að ná sátt um náttúruverndarmálin á Íslandi,  hvort heldur er í virkjunum, vegagerð eða byggingu hálendishótela á hálendinu.

Við höfum tækifæri til að ná breiðri sátt um náttúruverndarmálin í vor.

Það er gott.

Samfylkingin vill fresta stóriðjuframkvæmdum

Athugasemdir

[Hafnfirðingur (IP-tala skráð) 6.2.2007 kl. 20:40]

Tek undir þetta heilshugar.

 Það er alveg bullandi ósátt um þessi mál sem endurspeglast í þeirri miklu gerjun sem er í stjórnmálum núna... fólk veit ekki sitt rjúkandi ráð hvernig stöðva megi allt þetta óráð

Að etja t.d Hafnfirðingum saman í stríðandi fylkingar og kljúfa bæjarfélagið vegna Alcan í Canada.

Hvernig verður ástandið Hafnarfirði næstu árin, á hvornvegin sem málið fer .

Viturlegasta ráðið er að þeir sem á Alþingi sitja stigi á bremsurnar NÚNA og gefi þjóðinni svona 4-5 ár til að móta sátt til framtíðar.

Þetta ástand liggur sem mara á þjóðinni og er innan allra flokka 

[Hafnfirðingur (IP-tala skráð) 6.2.2007 kl. 20:42]

Tek undir þetta heilshugar.

 Það er alveg bullandi ósátt um þessi mál sem endurspeglast í þeirri miklu gerjun sem er í stjórnmálum núna... fólk veit ekki sitt rjúkandi ráð hvernig stöðva megi allt þetta óráð

Að etja t.d Hafnfirðingum saman í stríðandi fylkingar og kljúfa bæjarfélagið vegna Alcan í Canada.

Hvernig verður ástandið Hafnarfirði næstu árin, á hvornvegin sem málið fer?

Viturlegasta ráðið er að þeir sem á Alþingi sitja stigi á bremsurnar NÚNA og gefi þjóðinni svona 4-5 ár til að móta sátt til framtíðar.

Þetta ástand liggur sem mara á þjóðinni og er innan allra flokka 

[Tryggvi L. Skjaldarson (IP-tala skráð) 6.2.2007 kl. 20:48]

Það er ekki allt Samfylkingarfólk jafn hamingjusamt þessa stundina.  Þetta tal um allt eða ekkert  er hundfúlt. 

Er fólk að fara á límingunum? 

Hellisheiði og Þjórsá eru hvergi nefnd á nafn í Fagra Íslandi.  Stækkun í Straumsvík er  skynsamleg framkvæmd.  

Nú reynir á skynsemi Hafnfirðinga.

Kveðja Tryggvi L. Skjaldarson

Starfsmaður Alcan og félagi í Samfylkingunni 

[Hafnfirðingur (IP-tala skráð) 6.2.2007 kl. 21:08]

Er Alcan í Canada að þrýsta svona á starfsmenn sína hér í Straumsvík ?

Það er slæmt ef þeir eru að egna starfsfólki sínu út í eitthvað áróðusstríð

hér uppi á Íslandi , í þágu aukinna auðæva sinna. 

Hvað liggur okkur Íslendingum svona á.  Erum við að fara eitthvað?

Og auðvitað ráðum við þessu öllusaman sjálf enn sem komið er hvað sem síðar kann að verða með auknum ítökum álfyrirtækja í fjármálalífinu hér.

[Bjarni (IP-tala skráð) 6.2.2007 kl. 22:47]

Hafnfirðingur:  Er álverið í Straumsvík aðeins fyrir Alcan í Canada?   Hvað með allt starfsfólkið þar?  Berðu enga virðingu fyrir lífsviðurværi þeirra?  Skiptir máli hvort Alcan í Canada á álverið eða einhverjir aðrir fjárfestar?  Hvað með alla milljarðana sem koma inn í íslenskt efnahagslíf?   Hvernig ætlar Hafnarfjörður að brúa bilið þegar Straumsvík verður lokað?   Á að skera niður þjónustu og hækka skatta verulega?  Sættið þið ykkur við að verða svefnbær Reykjavíkur og Kópavogs?   

Annars held ég að stjórnmálamenn séu síst til þess fallnir að taka ákvörðun um hvort fyrirtæki rísi hér eður ei, í dag eða á morgun.   Maður hefur það á tilfinningunn að sumir stjórnmálamenn telji sig geta nælt í extra atkvæði út á öfgafulla nátturuverndarsinna sem heyrist ansi hátt í þessa stundina.   Og vilja jafnvel frysta efnahag þjóðarinnar um stund - við erum svo rík, höfum alveg efni á því - eða hvað?

Ég vil minna á það að Íslendingar hafa verið að reyna markaðssetja náttúruvænar orkulindir sínar í a.m.k. hálfa öld án mikils árangurs, þar til Alcoa loks beit á agnið.   Gluggi tækifærana virðist opinn núna - en verður hann það eftir 3, 4 eða 5 ár?    Kannski;  kannski ekki.

[Tryggvi L. Skjaldarson (IP-tala skráð) 6.2.2007 kl. 23:16]

Ágæti óskráði Hafnfirðingur.

þennan slag tek ég  af fúsum og frjálsum vilja.  Mér þykir svo augljóst að það er skynsamlegt  að stækka í Straumsvík.  Ég trúi því að það sé einhvers virði að geta státað af einu vistvænasta álveri í heimi.  Þar sem konur vinna við hlið karla með sömu laun fyrir sömu vinnu.    Jafnrétti í raun.

Kveðja Tryggvi L. Skjaldarson

Starfsmaður Alcan og félagi í Samfylkingunni.

[Svala Jónsdóttir, 6.2.2007 kl. 23:32]

Ég er mjög ánægð með það að Samfylkingin skuli hafa tekið ákveðna afstöðu varðandi stækkun álversins í Straumsvík. Meira svona!

[María J. (IP-tala skráð) 6.2.2007 kl. 23:58]

Já, flott hjá Ingibjörgu.   Bönnum álver á Íslandi og hættum að virkja!   Hverfum til gamallra og góðra tíma, ræktum garðinn okkar, prjónum úr lopanum okkar og stuðlum þannig að sjálfbæru þjóðfélagi. X-V

[Þröstur Sverrisson (IP-tala skráð) 7.2.2007 kl. 11:16]

Þetta eru gleðilegar fréttir Dofri að Samfylkingin komi nú með þessar yfirlýsingar. Hræðsluáróðurinn sem lagður er fyrir það ágæta starfsfólk sem vinnur í álbræðslunni í Straumsvík er sorglegur. Bjarni, það eru 216 Hafnfirðingar sem vinna í Straumsvík en í Hafnarfirði eru í heildina um 9000 störf.
Álbræðslan í Straumsvík er í dag mengandi stóriðja og kemur til með að menga enn meira ef af stækkun yrði. Þetta er óhrekjanleg staðreynd sem m.a hefur verið staðfest af upplýsingafulltrúa Alcan á Íslandi.
Brasilía er dæmi um land sem á risastórar vatnsaflsvirkjanir (stærsta virkjunin er allt að 12.600 MW til samanburðar eru Kárahnjúkar 690 MW). Þar eru báxítnámur, súrálvinnsla og lítil flutningskostnaður. Þar er þörf á störfum. Að taka vinnu af þróunarlöndum er afskaplega undarleg stefna hjá ríkri og framsækinni þjóð eins og okkur.
Stjórnmálamenn og aðrir þeir sem farið hafa hvað harðast fram í sínum virkjana- og stóriðjuöfgum ættu að kynna sér og upplýsa þjóðina hvað báxítnám- og vinnsla gerir umhverfinu í þeim löndum þar sem það er unnið. "Fallega hvítt" súrálið er ekki ræktað á hveitiökrum...

[Hafnfirðingu (IP-tala skráð) 7.2.2007 kl. 17:16]

Bendi á ágæta grein eftir Ólaf Hannibalsson í Fréttablaðinu í dag 07.02.2007.                Þar kemur fram að Alcoa er að leggja niður álver sín í BNA og m.a flytja vinnsluna til Íslands . Þó eiga þeir sjálfir 3 öflug vatnsraforkuver tengd þessum álverum sem þeir eru að loka.   Og afhverju eru þeir að loka þarna heima hjá sér og inni á miðjum markaðinum ?

 Jú , þeir fá margfallt verð fyrir orkuna við sölu inná almennan markað miðað við álbræðslu. Og við seljum þeim Kárahjúka með öllum þeim hrikalegu náttúruspjöllum ,á spottprís eða jafnvel niðurgreiðum orkuna til þeirra. Fyrir utan öll þau ruðningsáhrif sem þessar framkvæmdir hafa orðið völd að svo og stóraukna skuldahækkun heimilina í landinu, til næstu áratuga.

Og áfram skal haldið af núverandi stjórnvöldum  og sumum sveitastjórnum.

Við höfum tækifæri til að stöðva þessa skaðlegu óráðsíu nú í vor---gerum það. 

[Dofri Hermannsson (IP-tala skráð) 7.2.2007 kl. 18:09]

Takk fyrir að minna á þetta Hafnfirðingur.

Það er sögulegt tækifæri til að ná utan um þessi mál í vor - en til þess þarf að kjósa flokka sem hafa sett fram skýra stefnu og áætlanir í náttúruverndarmálunum.

Svo þarf heldur betur að taka á loftslagsmálunum - þar er Sjálfstæðiflokkurinn enn með höfuðið í sandinum þótt Bush sé farinn að gægjast uppúr með sinn. Geir sagði á Alþingi í vikunni að "líklega væri einhver hluti loftslagsbreytinga af manna völdum" Aldeilis tíðindi!

[Jón Steinar Ragnarsson, 7.2.2007 kl. 19:36]

Ef framkvæmdum verður frestað, þá er hætt við að Alcan geri raun úr hótun sinni að hætta og fara. Það gerðu þeir án þess að það yrði misskilið og viðra þá hugmynd enn undir rós. Farið hefur víst fé betra, en ég er ekki viss um að Samfylkingin vilji taka ábyrgð á hinum snöggu hliðarverkunum í kjölfar slíks og margfeldisáhrifum þeirra. Tekjumissir sveitafélagsins auk atvinnuleysis og atgerfisflótta, er ekkert, sem leyst verður með þægð á stuttum tíma.  Kostirnir eru, held ég, að leyfa þetta og hafa nú vaðið fyrir neðan sig til framtíðarinnar og banna frekari útþenslu á þessum stað. Hefði slík klásúla verið inni í upphafi álverssamninga, þá stæðum við ekki frammi fyrir þessu dilemma í dag. Slíkir varnaglar ættu svo að vera á öllum slíkum framkvæmda og rekstrarleyfum, svo ekki sé hægt að beita okkur kúgunarvaldi þessara auðjöfra í framtíðinni.

[Hafnfirðingur (IP-tala skráð) 7.2.2007 kl. 20:20]

Dettur mönnum í hug að það verði látið staðar numið við 460 þú. tonna framleiðslu í Straumsvík.

Reka fyrirtækið með tvö aðskilin framleiðslukerfi  , það nýja og það gamla ?

Mjög fljótlega eftir að nýju skálarnir verða komnir í rekstur (ef af verður) þá kemur krafa um að endurnýja alla 3 gömlu kerskálana og ástæðan sögð mikil óhagkæmni af þessu tveimur kerfum

Krafan verður því 5 stk kerskálar 140 þús. tonn hver = 700 þús. tonn/ár

Við verðum í lítilli aðstöðu til að samþykkja það ekki vegna fjárhagshagsmuna eftir stækkun sem nú er fyrirhuguð .

Ekki er hægt úr þessu að koma neinu ákvæpi við úr þessu sem hindrar þetta.

Erum við ekki glaðir