Var ekkert að marka Ómar?

Fyrir skemmstu sagði Ómar að hann myndi þá og því aðeins fara í framboð ef það gæti fjölgað grænum þingmönnum. Hann lofaði Fagra Ísland og sagðist bara ætla að sækja til hægri. Ég sé ekki betur en að hann sé nú þegar búinn að ganga á bak þeirra orða sinna.

"Þau skilgreina flokkinn sem miðjuflokk með áherslu á umhverfismál". Helstu áherslur eru umhverfi, nýsköpun, velferð og áhersla á lýðræði.

Kannski vitleysa hjá mér en þetta hljómar kunnuglega. Fagra Ísland (besta umhverfisstefnan að mati Ómars), Nýja Atvinnulífið (verðlaunatillögur Samfylkingarinnar), velferðarmál (barátta fyrir jöfnuði og réttindum aldraðra, öryrkja og barna) og áhersla á virkt lýðræði (íbúakosningar og stjórnarskrárvarinn réttur til þjóðaratkvæðagreiðslu).

Var ekkert að marka Ómar?

Ómar formaður og Margrét varaformaður Íslandshreyfingarinnar

Athugasemdir

[Ágúst Dalkvist, 22.3.2007 kl. 17:00]

Er hann ekki bara að sækja þar á þar sem hann veit að auðveldast er að ná í fylgi? Afhverju ætti hann ekki að fá eitthvað af því fylgi sem hrinur af samfó?

Nei bara að stríða þér frændi. Ég hélt lengi vel að þarna væri að koma framboð sem flestir flokkar þyrftu að óttast, sérstaklega þó VG, en ég er farinn að halda núna að það verði ekkert úr þessu hjá þeim. Íslandshreyfingin á ekki eftir að verða til neins.

[Ingólfur, 22.3.2007 kl. 18:38]

Það er alveg ótrúlegt að þeir sem eru Ingibjörgu sárastir fyrir "svik hennar gagnvart kjósendum" haf aldrei kosið annað blátt.

Ætli skýringin sé ekki sú að þeir eru fúlir yfir því að fá erfiðan andstæðing í landsmálin.

[Baldvin Jónsson, 22.3.2007 kl. 21:45]

Er þetta ekki enn rétt hugleiðing hjá Ómari? Það eru bara því miður ansi margir hægri grænir sem hafa verið á línunni hjá Samfó líka sem færa sig þá kannski yfir.

Mér finnst þetta samt enn aðeins ótrúverðugt með svona stuttum fyrirvara.

[Ásthildur Cesil Þórðardóttir, 22.3.2007 kl. 22:18]

Ég hugsaði sama og þú Dofri, Ómar talaði alltaf um hægri grænt, svo kemur núna yfirlýsing um að þau ætli að "leita frá miðjunni". Margrét viðurkenndi svo að hún hafi yfirgefið flokkinn, en ekki eins og hún sagði alltaf að flokkurinn hefði yfirgefið hana.  En ég ætla að bíða og sjá hvað verður úr þessu.  Það hefur ekkert áþreifanlegt komið fram ennþá.  Skil ekki alveg þennan fund með ekkert veganesti.  En sum sé.  Verður fróðlegt að fylgjast með hvað gerist.  Fæðist fótur ?

[Gunnar Th. Gunnarsson, 23.3.2007 kl. 10:06]

ISG er mesta happ andstæðinga Samfó. En einhvernveginn er samt svo auðvelt að elska að þola hana ekki. Þegar eitthvert bullið kemur frá stjórnarandstöðunni þá dregst ég eins og segull að samnefnaranum fyrir vitleysuna, sem er ISG. Það er helst að ég óttist að að vera brygslað um að ráðast á garðinn þar sem hann er lægstur. ...jæja, skítt með það

[Óðinn (IP-tala skráð) 23.3.2007 kl. 10:13]

Það eiga sér margir kratar þann draum að sf verði einhvertíma aftur krataflokkur en ekki vinstriflokkur sem sækir stefnumál sín til vg.
Dofri hefur eitthvað komið til tals hjá ykkur að nú þegar vg er að verða 30 flokkur að leggja niður sf og sameinst vg, einn stór vinstri flokkur.

[Sigurður Þórðarson, 23.3.2007 kl. 12:54]

Þegar Margrét gekk úr Frjálslynda flokknum endurtók hún orð föður síns og sagði:    "Ég yfrigaf ekki flokkinn, það var flokkurinn sem yfirgaf mig".                         Núna á Margrét að vera samkvæm sjálfri sér og gefa út sambærilega yfirlýsing sem gæti hljómað svona:    "Ég nálgaðist ekki Íslandshreyfinguna,  það var Íslandshreyfingin sem gekk í mig"
Þetta er sum sé misskilningur hjá Áshildi Cesil. Margrét  hafði ekkert með þetta að gera sjálf. Rétt eins og Frjálslyndi flokkurinn yfirgaf konuna að henni forspurðri þá gekk Íslandshreyfingin í hana.  

[Jón Steinar Ragnarsson, 23.3.2007 kl. 13:49]

Það er kostulegt til þess að vita að sjálfstæðisflokkurinn fær nú að standa glottandi á hliðarlínunni á meðan vinstri vængurinn háir blóðuga kosningabaráttu innbyrðis um sömu málefnin. Þetta segir mér að stjórnarandstaðan ræðst meira af persónumetnaði og framapoti en hinn ráðsetti blái armur.  Þurfið þið ekki að fara að leiða fylkingarnar saman á krísufund og reyna að fá smá fókus í þessa baráttu? Mundu orð mín: Ef þið takið ekki hausinn úr rassinum núna, þá munuð þið tapa þessum kosningum.

Það vil ég alls ekki sjá, by the way. 

[Dofri Hermannsson, 23.3.2007 kl. 19:59]

Jón Kristófer. Hef ekki hitt neinn þingmann sem er ekki búinn að skrá sig en veit að margir voru búnir að reyna að skrá sig á fyrstu dögunum en það gekk ekki hjá þeim. Hef líka heyrt þær raddir, ekki frá þingmönnum reyndar, að áskorunin sé nokkuð mótsagnakennd. Kannski er það þess vegna sem söfnun undirskrifta gengur ekki hraðar.

Ég setti það reyndar ekki fyrir mig - finnst aðal málið að lýsa vilja mínum til að rannsaka nú náttúru landsins og tryggja verndun verðmætra svæða áður en lengra er haldið.

[Dofri Hermannsson, 24.3.2007 kl. 17:01]

Ég mæli með svona hatti eins og Salome át um árið - bragðaðist víst mjög vel!

[Ásthildur Cesil Þórðardóttir, 27.3.2007 kl. 11:25]

Ég tek undir með Jóni Steinari, vildi að við gætum verið meira samstíga í stjórnarandstöðunni, við verðum að skilja að eina leiðin til að koma ríkisstjórninni frá er að standa saman.  Við þurfum ekki sífellt að standa á annars tám, við eigum að einbeita okkur að sameiginlegum andstæðingum.  Ef við getum það, þá er enginn spurning um hverjir sigra í vor.  En það er fólkið sem við ætlum að bjarga.

[Ásthildur Cesil Þórðardóttir, 27.3.2007 kl. 11:27]

Ég vildi óska að við gætum gengið í takt Stjórnarandstaðan.  Við þurfum að átta okkur á því að það er eina leiðin til að losna við núverandi stjórnvöld.  Við þurfum ekki sífellt að standa á hvors annars tám, heldur sameinast gegn sameiginlegum andstæðingum okkar.

[Ásthildur Cesil Þórðardóttir, 27.3.2007 kl. 11:31]

Sorrý annað hvort er seinagangur á netinu eða tölvan mín er að spila út, fyrri innslag hvarf og ég hélt endanlega, en svo var ekki.  Ætlaði ekki að pota mér svona fram