Sameign íslensku þjóðarinnar!

Mannréttindanefndin viðurkennir að takmarka þurfi sókn í auðlindina. Það virðist hins vegar vega þungt í úrskurðinum að skv. lögum er auðlindin sameign þjóðarinnar en að með framsali aflaheimilda hafi það í rauninni breyst og auðlindin hafi með því verið færð úr almenningseigu í einkaeigu.

Það verður spennandi að sjá hvaða áhrif þetta hefur.

Íslensk stjórnvöld breyti fiskveiðistjórnunarkerfinu

Athugasemdir

[Fannar frá Rifi, 10.1.2008 kl. 18:44]

"færð úr almenningseigu í einkaeigu"

Hvernig stenst þetta við fyrri partinn?

[Árni Gunnarsson, 10.1.2008 kl. 19:32]

Hvað heldur þú nú að Samfylkingin eigi eftir að snúast marga hringi áður en hún áttar sig á hvernig nú eigi að bregðast við? 

[Dofri Hermannsson, 10.1.2008 kl. 19:41]

Það hefur alltaf verið skilningur Samfylkingarinnar að auðlindin eigi að vera þjóðareign. 

[ee (IP-tala skráð) 10.1.2008 kl. 20:19]

Hvaða flokkar hafa þá skoðun að auðlindin skuli ekki vera þjóðareign. Það væri áhugavert að vita.

[Árni Gunnarsson, 10.1.2008 kl. 22:04]

Til að skýra þetta betur með þjóðareignina Dofri.

Ég á kvóta sem ég sel fyrir 1 milljarð. Ég sting andvirðinu í vasann.

Ég á húseign sem ég sel fyrir 1 milljarð. Ég sting andvirðinu í vasann.

Var kvótinn þjóðareign? Ef svo er, var þá húsið kannski líka þjóðareign?

Ef ekki, hver er þá munurinn á þjóðareigninni og minni eign?

Og ef ég hef misskilið þig og þú ert sammála mér, hvar og hvenær hefur þá Samfylkingin gengið fram fyrir skjöldu til að leiðrétta þetta?

[Ingólfur, 11.1.2008 kl. 02:38]

Árni, þú getur líka selt norðurljósin, en þar með er ekki rétt að þú hafir átt þau, né að sá sem keypti eigi tilkall til þeirra.