Nýja peningamálastefnan?

Auðvitað fagna ég þessari lækkun vaxta hjá Íbúðalánasjóði. Þetta er bara dálítið kúnstugt.

Á Svörtuloftum situr sá sem ber meginábirgð á efnahagsástandinu eftir 16 ára setu í ríkisstjórn. Hann var forsætisráðherra þegar núverandi peningamálastefnu var komið á og reynir nú árangurslaust að berja þjóðina til hlýðni með stýrivöxtum sem ítalska mafían telur yfir skynsamlegum mörkum.

Á sama tíma lækkar Íbúðalánasjóður vexti á lánum sínum. Væntanlega með vitund og vilja ríkisstjórnarinnar. Er ekki kominn tími til að aflétta friðun á Davíð og peningamálastefnunni?

Íbúðalánasjóður lækkar vexti

Athugasemdir

[Jón Halldór Guðmundsson, 23.6.2008 kl. 15:13]

Það er alveg rétt að ábyrgðin liggur hjá ríkisstjórninni. Þessi ákvörðun er merkilegt skref hjá henni.  Ég tek undir með Dofra að hækkun stýrivaxta er úrræði sem virkaði áður fyrr, en virðist ekki duga nú.  Það þarf að finna önnur ráð.

Það er athyglisvert að fylgjast með málefnalegri stjórnarandstöðu þessa dagana.  Þaðan heyrist ekkert nema það að hún, eins og þjóðin öll,  reiðir sig á að Samfylkingin leysi málin. 

[Dofri Hermannsson, 24.6.2008 kl. 08:37]

Ósköp ertu orðljótur Viðar! Finnst þér ekkert ljótt að tala svona til "landa" þinna?