Hanna Birna bjargar engu

Það er ljóst að Hanna Birna sem leiðtogi breytir engu um álit almennings á borgarstjórnarflokki Sjálfstæðisflokksins. Þess var kannski ekki að vænta, sundurlyndið hefur verið algert í þessum hópi það sem af er kjörtímabilinu og erfitt að sjá að það muni breytast.

Örvæntingarfull tilraun til að blása aftur lífi í pólitískan feril Vilhjálms Þ Vilhjálmssonar með því að bjóða Ólafi F Magnússyni borgarstjórastólinn og veto í ýmsum baráttumálum borgastjórnarflokks sjálfstæðismanna virðist hafa gengið endanlega fram af kjósendum.

Þessi könnun er hins vegar mikið fagnaðarefni fyrir Samfylkinguna sem ekki hefur fengið undir 40% fylgi í könnun síðan í nóvember á síðasta ári. Ein og ein góð könnun segir oft ekki mikið en þegar fylgi helst hátt í könnunum í langan tíma er það merki um að verið sé að gera rétt.

Það er ástæða til að leiðrétta það sem fram kemur í þessari frétt mbl.is um fylgi Vg. Í fréttinni er það sagt vera 13,5% en samkvæmt könnuninni er það 17%. Ekki veit ég hvað það myndi gefa í fulltrúum enda skiptir það ekki öllu máli núna - það eru ekki kosningar fyrr en 2010.

Samfylkingin fengi meirihluta í borgarstjórn

Athugasemdir

[Eydís Hentze Pétursdóttir, 27.6.2008 kl. 10:41]

Mér finnst Hanna Birna skemmtilegur pólitíkus, en ekkert getur bjargað þessari borgarstjórn.

[Sigurður Hrellir, 27.6.2008 kl. 13:12]

Það er gleðiefni fyrir Samfylkinguna hvað hún mælist með mikið fylgi hér í Reykjavík. Því miður er hún gjörsamlega búin að bregðast trausti þeirra sem trúðu að hún ætlaði að stöðva stóriðjustefnuna. Össur ætti að gerast pólitískur flóttamaður og leita hælis hjá Framsóknarflokknum. Það hlýtur bara að vera tímaspursmál hvenær Þórunn umhverfisráðherra segir af sér.

[Elísabet Jökulsdóttir (IP-tala skráð) 27.6.2008 kl. 13:58]

Samkvæmt mínum skilningi virðist þú vera eini Samfylkingarmaðurinn sem ert eitthvað á móti stóriðjustefnu flokksins (ásamt Ungum Jafn.m. en ég heyrði tilkynningu frá þeim í Hádegisútvarpinu)

Þþað þarf styrk tilað standa á móti straumnum, svo gangi þér vel.  

[Magnús V. Skúlason, 27.6.2008 kl. 14:31]

Það er rétt hjá þér, það eru ekki kosningar fyrr 2010, spyrjum að leikslokum þá!

[H.T. Bjarnason (IP-tala skráð) 27.6.2008 kl. 15:15]

Það væri nú meira mark á takandi ef þessi könnun væri gerð t.d. á 2-3 dögum í stað þess að safna inn svörum á þriggja vikna tímabili.  Sviptivindar stjórnmálanna geta hæglega breyst oftar en einu sinni og jafnvel oftar en tvisvar á þessu tímabili.  Og áður en einhver fer að gera lítið úr mér eða mínu sjónarmiði, skal á það bent að ég hef all oft kosið Samfylkinguna. 

[Sævar Helgason, 27.6.2008 kl. 16:15]

H.T. Bjarnason !

Er ekki miklu meira að marka þetta svona yfir lengri tíma  - svona meðaltal ?

[H.T. Bjarnason (IP-tala skráð) 27.6.2008 kl. 17:32]

Ég myndi álíta að skoðanakönnun væri marktækari eftir því sem tímabilið væri minna.  Það er margt sem gerist í stjórnmálum á þremur vikum og almenningsálitið getur sveiflast til og frá.  Auk þess verður að hafa í huga að meginþorri úrtaksins er komið í hús á fyrstu vikunni, eftir það er verið að ná í þá sem ekki hafa verið heima o.s.frv.

[Óðinn Þórisson, 27.6.2008 kl. 19:35]

Það sem er kanski hægt að taka út úr þessari könnun er að líkur á að það verði bara 3 flokkar í borgarstjórn eftir næstu kosningar eru ansi miklar.

[Guðbjörn Guðbjörnsson, 27.6.2008 kl. 23:23]

Ég er alls ekki sammála Sigurði Hrelli. Ef það væri ekki fyrir óraunsæja stefnu Samfylkingarinnar, þá myndu fleiri hægri kratar eins og ég, sem vilja skoða ESB aðild, skoða Samfylkinguna sem alvöru valkost við Alþingiskosningar!

[Guðmundur Brynjólfsson (IP-tala skráð) 28.6.2008 kl. 03:09]

Og þú breytir, því miður engu, í þeim flótta sem Samfylkingin er á í umhverfismálum.

[Víðir Benediktsson, 28.6.2008 kl. 07:41]

Þetta heitir á íþróttamáli að toppa á vitlausum tíma.

[E.R Gunnlaugs, 28.6.2008 kl. 11:33]

maður er bara fegin að búa ekki í reykjavík.. þetta er alger sirkús