Starfsmenn sorphirðunnar missa vinnuna

Það verður reyndar að leiðrétta blaðamann með það að þessari tillögu var frestað og hún hefur því ekki enn verið lögð fram. Það bíður væntanlega næsta fundar.

Það gefur auga leið að ef það á að bjóða út 20% af sorphirðu Reykjavíkur munu margir starfsmenn sorphirðunnar missa vinnuna. Það leitt því borgarbúar hafa einmitt verið afar ánægðir með þjónustuna og ekki hefur verið sýnt fram á það með afgerandi hætti að sorphirðan í Reykjavík sé dýrari en í nágrannasveitarfélögunum.

Svo til hvers er þetta gert? Til að gefa borgarstarfsmönnum skýr skilaboð um stefnu Sjálfstæðismanna í atvinnumálum?

Vilja að sorphirða sé boðin út í Reykjavík

Athugasemdir

[höddi (IP-tala skráð) 20.8.2008 kl. 09:59]

if somthings work well wy fixed?

[Björn S. Lárusson (IP-tala skráð) 20.8.2008 kl. 13:06]

Sæll Dofri

Ég skrifaði masters ritgerð um einkavæðingu í opinberri þjónustu og tók soprhirðu sem dæmi. Fullyrðingin  í fyrirsögninni er röng. Einkavæðing þýðir ekki endilega að starfsfólk missi vinnuna. Blaðamaður sem hefði skrifað svona væri ekki hátt skrifaður eða í besta falli á DV.

Þetta er hinsvegar spurning hvort einkavæðing sé heimil eða hægt að hrinda henni í framkvæmd. Mín niðurstaða var sú að hún er ekki gerleg vegna þess að ábyrgðin er alltaf á sveitarfélaginu. Það getur aldrei skotið sér undan ábyrgðinni vegna þess að þetta er grunnþjónusta. það er hægt að fela einhverju að sjá up sorphirðuna - en til hvers ef hann ber enga ábyrð gagnvart notandanum sem eru borgarbúar.

Með kveðju

Björn S. Lárusson 

[Sigurlaug B. Gröndal, 20.8.2008 kl. 14:36]

Ég er sammála hödda, af hverju þarf að breyta einhverju sem hefur virkað flott! Ég er hins vegar ósammála Birni. Við þurfum ekki vitnanna við. Sjáið hvað gerðist með póstinn! Það er búið að leggja niður hvert útibúið á fætur öðru, fólk hefur misst vinnuna. Nú, sem dæmi um það er að í mínum heimabæ, Þorlákshöfn sjá starfsmenn Landsbankans um afgreiðsluna. Starfsmenn sem fyrir voru (þegar pósthúsið var og hét) misstu vinnuna. Opnunartími er skv. opnunartíma bankans svo ég (sem vinn í bænum) á í mestum erfiðleikum með að sækja pakka, þar sem löngu er búið að loka bankanum þegar ég er komin heim. NB. pakkar eru ekki keyrðir heim! Sama er með þjónustu út í hverfum borgarinnar. Aldraðir þurfa til dæmis að fara langar leiðir með bréf í póst.  Borgin hefur líka ákveðnar skyldur gagnvart sínum þegnum, þar með talið þeim sem hafa skerta starfsgetu eða eru að einhverju leyti með þroskafrávik. Þessir hópar hafa verið í þessum grunnstörfum. Með útboðum hafa margir einstaklingar misst vinnuna sem var meðal annars í lagfæringum á gangstéttum og við hellulagnir og fleira í þeim  dúr.  Þessir einstaklingar hlaupa ekki í hvaða vinnu sem er. Ég sé enga nauðsyn í því að setja sorphirðu í útboð.

[Borgari (IP-tala skráð) 20.8.2008 kl. 17:22]

Var ekki Vélamiðstöðin seld (gefin) í stjórnartíð Ingibjargar Gísladóttur og nýir eigendur leigja svo borginni bíla svo sem sorphirðubílana. Gerður var fastur samningur til einhverra ára og er þá bixið orðið skuldlaust..  

Það sem tók okkur áratugi að byggja upp er selt og því öllu glutrað til einkaaðila á nokkrum árum. 

Ef þetta er rétt þá er Það bara vinnan við sorphirðuna sem á að bjóða út.   

[Dofri Hermannsson, 20.8.2008 kl. 20:26]

Þrymur og Björn. Ég hef kynnt mér málið. Um nokkra hríð hafa nýir starsmenn bara verið lausráðnir tímabundið svo það sé hægt að draga starfsemina saman um 20% án þess að það heiti tæknilega að segja upp fólki. Niðurstaðan er sú sama, fólk missir vinnuna. Hugsanlega getur það sótt um vinnu hjá þeim sem vinnur útboðið, það er þó ekki á vísan að róa.

Ég er sammála því sem fólk segir hér að ofan og Kaninn orðar svo hnyttilega "If it ain´t broken - don´t fix it!"
Það er ekki sanngjarnt að bera saman sorphirðu á hverja tunnu í Reykjavík og í nágrannasveitarfélögunum þar sem eru fleiri tunnur við hvert hús en sorpið er sótt á 10 daga fresti í stað 7 daga. Þetta er álíka og að við Þrymur færum saman í Bónus, keyptum nákvæmlega það sama, ég bæri það heim í þremur pokum en Þrymur í tveimur. Það segir sig sjálft að það væru fleiri kg í hverjum poka hjá honum.

Ef Sjálfstæðiflokkurinn hefur svona miklar áhyggjur af því að sorphirðan sé að setja fjárhag borgarinnar á hliðina ætti hann frekar að gera tilraun með að hirða sorpið bara á 10 daga fresti í hluta borgarinnar svo það sé í alvöru hægt að bera þetta saman. Það þarf ekki að segja neinum upp til að gera slíka tilraun.

Reyndar getur verið að einhverjir aðrir fái vinnu hjá borginni í staðinn því það mun víst þurfa að ráða svo sem eins og fimm starfsmenn til að hafa eftirlit með því að einkaaðilarnir sem verða ráðnir til verksins uppfylli samninga. Eitthvað kostar það svo ég spái því að það verði í rauninni tap á tilrauninni.

Held að þetta sé eitt af þessum fáránlegu frjálshyggjumálum sem er eins og trúaratriði fyrir sumt af þessu sundurleita borgarfulltrúaliði Sjálfstæðisflokksins.

[Sævar Helgason, 20.8.2008 kl. 22:21]

Við hér í Hafnarfirði erum með alla okkar sorphirðu í höndum verktaka og er hreinsað á 10 daga fresti.   Þetta gengur bara vel.   Hér sér Samfylkingin alfarið um bæjarmálin og hefur gert lengi vel, en alltaf í góðri sátt við aðra flokka í bæjarstjórninni- aldrei vesinið í þeim bænum....