Skjaldborg um sparisjóðina

Það er ástæða er til að fagna nýrri bankastýru og óska henni velfarnaðar í störfum. Það er líka ástæða til að fagna orðum Össurar Skarphéðinssonar, iðnaðarráðherra, um sparisjóðina.
Á visir.is má sjá frétt og viðtal við Össur þar sem hann undirstrikar mikilvægi þess að slá skjaldborg um þá sparisjóði sem hafa verið vel reknir, þeir hafi mikilvægu hlutverki að gegna.

Ég fagna því nú að hinn vel rekni Sparisjóður Skagafjarðar skuli ekki formlega hafa verið horfinn í hít Kaupþings. Þangað hafa sparifjáreigendur streymt til að leggja inn peninga. Það sýnir sig núna þegar þeir smæstu lifa af að það er ekki heppilegt að veðja öllu á fá stór fyrirtæki.

Þetta er umhugsunarvert nú þegar álverð hríðfellur á mörkuðum.

Nýi Landsbanki tekur við

Athugasemdir

[Lára Hanna Einarsdóttir, 9.10.2008 kl. 12:07]

Getur fólk skipt um banka?

Stóru bankarnir þrír, sem nú hafa verið þjóðnýttir, settu skilyrði fyrir óbreyttum vöxtum húsnæðislána - þ.e. þeim sem fengu húrnæðislán þegar vextirnir voru 4,15%. Þetta voru nokkurs konar átthagafjötrar sem bundu fólk í báða skó.

Verður þessum skilyrðum aflétt nú svo hægt sé að skipta um banka ef fólk vill? Getur einhver svarað þessu?

[Heiðar Lind (IP-tala skráð) 9.10.2008 kl. 12:08]

Þessi yfirlýsing Össurar er mjög góð og fagna ég henni.

Hins vegar verður ekki tekið af þeim Kaupþingsmönnum, er varðar málefni SPM (Sparisjóðs Mýrasýslu), að þeir björguðu þeim sjóði frá þroti í sumar. Þannig að þó "hít" þeirra sé í öllu falli kominn á öskuhauga sögunnar, veittu þeir SPM endurnýjun lífdaga. Það er þakkar vert!

[Sævar Helgason, 9.10.2008 kl. 12:47]

Yfirlýsingu Össurar Skarphéðinssonar , iðnaðaráðherra ,er fagnað  varðandi sparisjóðina.

Ekki veitir af að koma að nýju upp traustu fjármálakerfi sem þjónar viðskiptalífinu hér innanlands.  Sömuleiðis lýst mér vel á nýja forystu í Landsbanka Íslands og er þeim óskað velfarnaðar.  Mikilvægast af öllu er að hjól atvinnulífsins snúist af krafti við verðmætasköpun og að tryggja atvinnu fólksins ....

[Gunnar G (IP-tala skráð) 9.10.2008 kl. 13:10]

Heill og sæll Dofri.

Góður punktur hjá þér, þótt ég eigi í vandræðum með að sjá tengingu álverðs í málið. Sérstaklega þar sem álverð er enn töluvert hærra en það var í arðsemisreikningum Fjarðaáls og LV. Mannkyn er ennþá mjög háð áli, og því er álverðið tæpast á leið langt niður, og ef svo ólíklega vildi til, myndi það ekki vara í langan tíma. Mundu að leyfi álversins á Reyðarfirði er til 40 ára og verksmiðjan er hönnuð með 100 ára endingartíma í huga.....

Mér finnst þú stundum tapa áhugaverðum punktum niður með að finna ólíklega tengingu við álbransann.

[Sævar Helgason, 9.10.2008 kl. 13:25]

Varðandi álverð.  Á þeim tæpu 40 árum sem áliðnaður hefur verið rekinn hér á landi hafa komið nokkuð margar slæmar verðkrísur í þeim iðnaði. Lægst man ég eftir verðinu um 1000 USD/áltonn - lengst af kringum 15-1800 USD. Fari álverð niðurfyrir 1700 USD þá fara arðsemismálin fyrir okkur að verða erfið.  Mér skilst að nú sé álverð um 2100 USD/tonn en var fyrir ekki löngu síðan vel yfir 3000 USD/tonn . Á meðan litla álverið í Sraumsvík var hér eitt í rekstri skiptu svona sveiflur í verði ekki miklu þó slæmt væri.. en núna erum við með 3 stk álver og þaraf það stærsta með nýja ógreidda stórvirkjun. Þá fer að muna um hvern UDS sem verð fellur.  Vonum það besta en það er alltaf vont að vera með öll örkueggin í einni körfu...dreifum þeim í framtíðinni.

[Úrsúla Jünemann, 9.10.2008 kl. 15:12]

Sammála, Sævar. Við erum þegar mjög háð þessum áliðnaði og það má alls ekki bæta fleiri verksmiðjum við. Það væri nú toppurinn á öllum þessum biksvörtum atburðum að álverðið færi einnig í kjallarann. það gæti meira svo sem gerst.