Just follow the money!

Það væri skrýtið ef hinn magnaði áróður orkufyrirtækjanna, verkfræðistofanna, álbræðslanna og samtaka iðnaðarins hefði engin áhrif. Þessir aðilar hafa fengið að mata fréttamenn gagnrýnislaust á hagtölum sem eru í besta falli mjög villandi.

Dæmi. Oft heyrist að útflutningur á áli sé að verða mikilvægari útflutningsgrein en fiskiðnaðurinn. Hvernig er þetta mælt? Jú yfirleitt í tonnum en stundum líka í peningum. Hvað er villandi við það? Jú, það gleymist að telja með hvað flytja þarf inn til að hægt sé að flytja út.

Eina skynsamlega leiðin til að bera saman útflutningsgreinarnar er að bera saman það sem kallað er vinnsluvirði greinanna. Hér má t.d. sjá útreikning á vinnsluvirði ferðaþjónustunnar. Þegar þessar tölur hafa verið teknar saman fyrir allar greinar í landinu er hægt að sjá hvað hver grein á mörg prósent af heildarvinnsluvirði í landsframleiðslunni. Þá kemur nokkuð áhugavert í ljós.

Tökum árið 2006 sem dæmi af því þaðan eru nýjustu tölur.

• Ferðaþjónusta                                          4,6%
• Landbúnaður, dýraveiðar og skógrækt     1,6%
• Fiskveiðar                                                 5,0%
• Vinnsla sjávarafurða                                 2,0%
• Framleiðsla málma                                    2,0%
• Fræðslustarfsemi                                      5,0%
• Heilbrigðis- og félagsþjónusta                  9,3%

Þegar er búið að telja allt til, innflutning og útflutning þá kemur með öðrum orðum í ljós að framleiðsla málma skilar 0,4% meira til þjóðarbúsins en landbúnaður, dýraveiðar og skógrækt og er á pari við fiskvinnsluna.

Til að framleiðsla málma hefði skilað jafn miklu og ferðaþjónustan náði að skila þjóðarbúinu í miklum mótbyr vegna of hás gengis árið 2006 hefðu álverin þurft að vera 8 talsins.

Ef við höfum eitthvað lært á hruni bankanna er það að það er hættulegt að láta hagsmunaaðilana segja sér hvað er manni fyrir bestu. Þá gildir einu hvort það eru bankar eða álver sem leggja tölurnar á borðið. Nú eða samtök iðnaðarins sem hafa náð að safna sér um 2000 milljónum í sjóð af iðnaðarmálagjaldi sem mestmegnis kemur inn í gegnum álverin.

Maður á að reikna sjálfur. Just follow the money!

 

Meirihluti telur álver hafa jákvæð áhrif á efnahagslífið

Athugasemdir

[Kalli Sveinss (IP-tala skráð) 23.11.2008 kl. 16:21]

Á yfirstandandi ári mun eftirfarandi tölur varðandi þjóðartekur af atvinnuvegum, verða nær sanni.:

 Sjávarútvegur  c.a. 60%

 Álframleiðsla    c.a. 27%

 Ferðaiðnaður    c.a.  8%

 Aldrei stinga höfðinu í sandinn - Gallup skrökvar ekki !! Fólkið VILL álverin.!

[Dofri Hermannsson, 23.11.2008 kl. 16:30]

Hvernig dettur þér í hug að bera svona vitleysu á borð fyrir fólk?

[Tjörvi Dýrfjörð, 23.11.2008 kl. 16:58]

"Þegar er búið að telja allt til, innflutning og útflutning þá kemur með öðrum orðum í ljós að framleiðsla málma skilar 0,4% meira til þjóðarbúsins en landbúnaður, dýraveiðar og skógrækt og er á pari við fiskvinnsluna.

Til að framleiðsla málma hefði skilað jafn miklu og ferðaþjónustan náði að skila þjóðarbúinu í miklum mótbyr vegna of hás gengis árið 2006 hefðu álverin þurft að vera 8 talsins."

Ég skil þetta svo að þú haldir því fram að innkoma vegna ferðaþjónustu hafi verið meiri en af álverunum!

mér þætti mjög fróðlegt ef þú gætir rökstutt þetta aðeins betur til dæmis með skýrslum frá t.d. iðnaðarráðuneytinu eða öðrum sem geta sýnt þetta svart á hvítu.

ég hef verið fylgismaður virkjana og stóriðju hér á landi í mörg ár en ef þú getur sannað þetta það sem þú heldur fram í þínu bloggi þá er ljóst að ég mun klárlega endurskoða afstöðu mína en ef þú getur það ekki þá hefur þú bara eins og svo margir reynt einhverja hundalógík til að vinna málstað þínum fylgi en vinnur honum í reynd tjón ef upp um ykkur kemst.

[Kalli Sveinss (IP-tala skráð) 23.11.2008 kl. 17:06]

Tölurnar frá undirrituðum óhrekjanlegar.

 " Sannleikanum verður hver sárreiðastur" !

 Jafnframt fá nefna, að á yfirstandandi ári mun þjóðarbúið fá í HREINAR TEKJUR af álframleiðslu, tæpa 59 milljarða . Munar um minna fyrir skuldugustu þjóð heimsins !!

[Kjartan (IP-tala skráð) 23.11.2008 kl. 17:57]

Þú þarft aðeins að ryfja upp stærðfræðina aftur, skv þínum tölum er frl málma að skila 0,4 prósentustigum meira inn í þjóðarbúið heldur en landbúnaður, dýraveiðar og skógrækt ekki 0,4% meira.   Þú verður alla vega að skilja hugtakið prósent áður en að þú ferð að slá ryki í augu fólks.

Annars er það í besta falli heimskulegt að ætla að mæla gegn vel launaðri framleiðsluiðngrein, þær eru ekki á hverju strái

[Sigurjón Benediktsson, 23.11.2008 kl. 20:17]

"Ferðaþjónustureikningar 2000-2006

Hagstofa Íslands birtir nú í fyrsta sinn ferðaþjónustureikninga fyrir Ísland samkvæmt alþjóðlegum stöðlum. Niðurstöður þessara reikninga sýna meðal annars að árin 2000-2006 var hlutur ferðaþjónustu í landsframleiðslu að meðaltali 4,6%. Árið 2006 námu heildarkaup á ferðaþjónustu innanlands tæplega 135 milljörðum króna, eða sem svarar til 11,5% af landsframleiðslu"

Svona er þetta frá Hagstofunni.

Þú ættir að tala við gamla stærðfræðikennara þína svo þeir fái ekki hjartaáfall við lestur á þessu bulli þínu. Þessar tölur sem þú telur upp jafngilda samkvæmt þinni stærðfræði 29.6% af einhverju sem þú skilgreinir ekki frekar. Samkvæmt Hagstofunni er nettó (spurðu stæðfræðikennarana þína hvað það þýðir) framlag ferðaþjónustunnar 37 milljarðar. Auk þess er ekki tekið tillit til þess að íslenskir ferðalangar eyddu 86 milljörðum í ferðalög og ferðaþjónustu erlendis árið 2006! Það getur þó staðið til bóta!

Af hverju ferð þú ekki í ferðaþjónustu? Ég veit af hverju. Þú og þínir líkar viljið enga ferðamenn þegar til kemur.Eruð á móti samgöngubótum og hatið ferðamenn. Þið gerið út af við þessa litlu ferðaþjónustu sem er að reyna að lifa af - um leið og þið getið. Þú heldur auðvitað að ferðaþjónustan sé það eitt að brynna fylliröftum í Reykjavík.

Stóriðja, orkunýting og ferðaþjónusta fara vel saman. Það sýna dæmin. Ferðaþjónusta vex með bættum samgöngum sem fylgja stóriðju og orkunýtingu.

[Ásta , 23.11.2008 kl. 23:31]

Þó að álsala skili tekjum má ekki gleyma  skuldsetningu orkufyrirtækjanna vegna Norðuráls og Reyðaráls. Það skiptir máli - þegar fjármagnskostnaður hækkar samfara lækkandi álverði og eiginfjárstaða td. OR gæti orðið neikvæð fyrr en varir vegna fjárfestinga í virkjunum sem byggðar voru eingöngu fyrir þennan iðnað.

[Ómar Ragnarsson, 24.11.2008 kl. 01:33]

Ég vil aðeins bæta við að nokkrir fræðimenn, svo sem Ragnar Árnason, hafa komist að svipaðri niðurstöðu og Dofri. Þegar Kárahnjúkavirkjun var mærð í upphafi sögðu meðmælendur hennar að hún myndi gefa um 1,5% af þjóðarframleiðslunni. Það var nú allt og sumt.

Og eftirfarandi staðreynd hefur enginn borið brigður á enn: Þótt uppbyggð væru sex risaálver í landinu sem tækju alla orku þess og stútaði öllum helstu náttúrgersemum landsins myndi aðeins 2% vinnuafls landsmanna fá vinnu í þessum álverum. Hvernig dettur mönnum í hug að þessi ósköp leysi atvinnuvanda landsins?

Og um yfirgnæfandi meirihluta starfanna gildir það sem búið er að margítreka í auglýsingum Fjarðaráls: Engrar sérstakrar menntunar krafist.

Álframleiðsla er mesta orkubruðl sem þekkist. Orka Kárahnjúkavirkjunar myndi duga fyrir venjuleg not þjóðar, sem væri tvöfalt mannfleiri en Íslendingar.

Ef stóriðja, orkunýting og ferðaþjónusta fara svona vel saman, af hverju er þá ekki bullandi stóriðja í Yellowstone í Bandaríkjunum þar sem er að finna mestu samanlagða jarðvarma- og vatnsorku í Ameríku?

[Lúðvík Júlíusson, 24.11.2008 kl. 01:47]

Þetta er frábær ábending hjá þér Dofri. 

Nettógjaldeyristekjur eru auðvitað það sem skiptir mestu máli.

[Jón Steinar Ragnarsson, 24.11.2008 kl. 01:47]

Fróðleg umræða. Mér finnst merkilegastur þessi fáránlegi spuni Alcoa út frá niðurstöðum þessarar skoðanakönnunar. 75% skotnir í álverum. Menn ættu nú frekar að agnúast út í þá stærðfræði en það sem sett er fram. Hvað þá orðhengilshætti yfir prósentum vs prósentustigum. Tölurnar tala fyrir sig og Ómar slúttar þessu ágætlega. Annars tek ég þennan spuna sérstaklega fyrir á mínu bloggi. 

[Finnur Hrafn Jónsson, 24.11.2008 kl. 02:43]

Hættum bara nýtingu á auðlindum landsins. Lifum bara á ósnortinni náttúru!

En bíðið við, hvernig getur það gengið upp? Ef náttúran á að vera ósnortin þýðir ekkert að hleypa ferðamönnum í hana. Ef allt er fullt af ferðamönnum er engin leið að halda því fram að hún sé ósnortin.

Arður af ósnortinni náttúru er mótsögn í sjálfu sér nema við ætlumst til þess að einhverjir séu tilbúnir til að borga okkur fyrir að halda fólki frá henni.

Þessi öfga náttúruverndarstefna er ekkert betri en þessi glórulausa útrásarstefna sem er búin að reynast okkur svo dýrkeypt.

[Gunnar Sigurðsson (IP-tala skráð) 24.11.2008 kl. 08:26]

Góð samantekt Dofri.

Það má ekki gleyma að Landsvirkjun fjárfestir gríðarlega fyrir hvert álver sem byggt er. Almennt reyna menn að draga úr áhættu í fjárfestingum með því að dreifa eignasafninu þannig að breyting í einum geira atvinnulífsins valdi ekki of miklum breytingum í safninu. Eitthvað segir mér fjárfestingar Landsvirkjunar teljist ekki vel dreift eignasafn.

Hvað myndi gerast ef öðrum atvinnugreinum myndi bjóðast rafmagn á sama verði og álfyrirtækjunum?

[Úrsúla Jünemann, 24.11.2008 kl. 12:44]

Ég ætla að bæta við athugasemd: Á hvaða leið er álverðið núna? Er það ekki á bullandi niðurleið? Það væri nú líkt okkur Íslendingunum að fjárfesta um of í álversframkvæmdum sem skila minna og minna af sér og drepa jafn óðum margar aðra atvinnugreinar. Erum við ekki alltaf svona 10 ár á eftir með allt?

[Dofri Hermannsson, 24.11.2008 kl. 14:16]

Lesendum til upplýsingar þá eru þessar tölur fengnar frá Hagstofu Íslands og má nálgast á heimasíðu Hagstofunnar að flestu leyti nema að upplýsingar um ferðaþjónustu eru fengnar úr nýútkominni skýrslu Hagstofunnar - Ferðaþjónustureikningar 2000 - 2006 - eins og Sigurjón Benediktsson bendir á.

Ég þakka Tjörva fyrir hans innlegg. Það er málefnalegt og ég ef ég gæti fundið hann í símaskránni væri ég búinn að mæla mér mót við hann til að sýna honum þessar tölur og ræða þær nánar. Hann má gjarna hafa samband við mig, ég er í skránni.

Kalli Sveins lætur sér nægja það sem allt of margir skoðanabræður hans láta sér nægja - að hafa skoðun. Hann skellir fram tölum sem hvergi eru færð nein rök fyrir og telur nóg að segja þær óhrekjanlegar.

Sigurjón Benediktsson, lætur sér ekki nóg að hafa vonda og órökstudda skoðun. Hann bætir um betur með dónaskap, sem reyndar er ekki nýtt af hans hálfu. Ekkert af því sem hann segir er umræðunni til gagns þó vissulega sé í því nokkuð skemmtanagildi að fylgjast með rökfræði hans þegar hann fer að lemja á ferðaþjónustunni sem atvinnugrein fyrir það að Íslendingar skuli voga sér að ferðast til útlanda. Þá er þessi setning líka skemmtileg: "Þú heldur auðvitað að ferðaþjónustan sé það eitt að brynna fylliröftum í Reykjavík." Frábært innlegg í málefnalega umræðu.

[Sigurjón Benediktsson, 24.11.2008 kl. 14:33]

Það er ykkur líkt að þykjast vera þess umkomin að flokka skoðanir annarra í "vondar" og fleira í þeim dúr. Það eru ykkar ær og kýr. Það hefur engan tilgang að rökræða um einhverjar tölur við þann sem kann ekki reikning hvað þá stærðfræði. Við þann sem ákveður sjálfur hvað flokknum hans finnst við hæfi í umræðunni. Við þann sem veit ekkert um ferðaþjónustu. Við þann sem er á launum hjá flokknum sínum við að lemja á þeim sem voga sér að andmæla þvaðrinu og leiðrétta villurnar.

Þú heldur að ferðaþjónustan snúist ekki um annað en að brynna fylliröftum í Reykjavík. Því miður umræðunnar vegna.

Þú fagnar þegar það sem framleitt er hér fellur í verði. Þú fagnar þegar atvinnuuppbygging er brotin á bak aftur. Þú fagnar þegar lítil sveitarfélög og stór, tapa fólki og fjármunum. Á hverju lifir þú, pólitíski snattari.

[Lúðvík Júlíusson, 24.11.2008 kl. 14:45]

Kæri Sigurjón,

mikil uppbygging stóriðju á Austurlandi styrkti gengi krónunnar ásamt miklu streymi erlends fjármagns á suðvesturhorn landsins.

Þetta gerði það að verkum að tekjur ferðaþjónustu á Húsavík voru minni en þær hefðu annars getað orðið í íslenskum krónum.  Tekjur voru lægri, hagnaður minni, fjárfesting minni og atvinnusköpun minni, vegna þess að ríkið var í risavöxnum sértækum aðgerðum.

Við sem erum fylgjandi meiri skynsemi í uppbyggingu landsins erum ekki á móti stóriðju.

Til fróðleiks má geta að ef Ísland hefði verið með Evru síðustu ár þá hefði Húsavík ekki tapað á þenslunni á sv-horninu eða álvers- og virkjanaframkvæmdum.  Evran hefði því sutt við atvinnulíf á Húsavík og annarra staða á landinu sem nutu ekki beinna afskipta ríkisins.

[Dofri Hermannsson, 24.11.2008 kl. 18:10]

Sigurjón. Ég hef fylgst með baráttuaðferðum þínum og skoðanabræðra þinna um nokkurt skeið og svona þér að segja held ég að þú hafir unnið málstað þínum stórkostlegt ógagn með frekju, dónaskap og yfirgangi í málflutningi.

Það er miður fyrir málstaðinn sem þú hefur verið svo ötull baráttumaður fyrir því það má færa ýmis góð rök fyrir honum rétt eins og á móti honum. Með stóryrðum í garð fólks sem vogar sér að vera á annarri skoðun en þið hafið þið félagar á Gónhóli náð að brenna inn í vitund þjóðarinnar að ímynd álbræðslusinnans sé stóryrtur, frekur og dónalegur karl um sextugt sem fullur yfirlætis telur sig vita allt best en getur aldrei fært málefnaleg rök fyrir skoðunum sínum.

Þessa mynd af sjálfum þér og skoðanabræðrum þínum staðfestirðu svo með hverri einustu færslu á þessari síðu. Trúlega er þér ekki annar vegur fær.

[Sigurjón Benediktsson, 24.11.2008 kl. 21:33]

Þú getur trútt um talað....... atvinnupenni. Bara orðinn hæverskur! Eru stóru orðin hætt að hrífa? Þið megið ekki vera að þessu á aðventunni blessaðir. Taktu þér bara frí. Mínar "vondu" skoðanir mega alveg koma fram eins og þínar skoðanir. Þú stjórnar því ekki. Bloggfærslur þínar eru yfirgengilegar og eru birtar í skjóli þess að að það hafi enginn tíma eða nennu til að svara þér. Nóg er nóg..

Og aftur það sem reitti þig til reiði:

"Ferðaþjónustureikningar 2000-2006

Hagstofa Íslands birtir nú í fyrsta sinn ferðaþjónustureikninga fyrir Ísland samkvæmt alþjóðlegum stöðlum. Niðurstöður þessara reikninga sýna meðal annars að árin 2000-2006 var hlutur ferðaþjónustu í landsframleiðslu að meðaltali 4,6%. Árið 2006 námu heildarkaup á ferðaþjónustu innanlands tæplega 135 milljörðum króna, eða sem svarar til 11,5% af landsframleiðslu"

Svona er þetta frá Hagstofunni.

Þú ættir að tala við gamla stærðfræðikennara þína svo þeir fái ekki hjartaáfall við lestur á þessu bulli þínu. Þessar tölur sem þú telur upp jafngilda samkvæmt þinni stærðfræði 29.6% af einhverju sem þú skilgreinir ekki frekar. Samkvæmt Hagstofunni er nettó (spurðu stæðfræðikennarana þína hvað það þýðir) framlag ferðaþjónustunnar 37 milljarðar. Auk þess er ekki tekið tillit til þess að íslenskir ferðalangar eyddu 86 milljörðum í ferðalög og ferðaþjónustu erlendis árið 2006! Það getur þó staðið til bóta!

Af hverju ferð þú ekki í ferðaþjónustu? Ég veit af hverju. Þú og þínir líkar viljið enga ferðamenn þegar til kemur.Eruð á móti samgöngubótum og hatið ferðamenn. Þið gerið út af við þessa litlu ferðaþjónustu sem er að reyna að lifa af - um leið og þið getið. Þú heldur auðvitað að ferðaþjónustan sé það eitt að brynna fylliröftum í Reykjavík.

Stóriðja, orkunýting og ferðaþjónusta fara vel saman. Það sýna dæmin. Ferðaþjónusta vex með bættum samgöngum sem fylgja stóriðju og orkunýtingu.

[Dofri Hermannsson, 24.11.2008 kl. 23:34]

Sigurjón misskilur þetta alveg. Það hvarlar ekki að mér að vera honum reiður. Þvert á móti hef ég mikla samúð með honum.

Það getur ekki verið þægilegt að vera í hans stöðu og finna sig knúinn að tala á þann hátt sem hann gerir í stað þess að ræða málin af yfirvegun og skynsemi.