Úbbs! Hvern hefði grunað þetta?

Það skyldi þó aldrei vera að þjóðin sem kaupir öll fótanuddtæki sömu jólin og finnst fjölbreytt atvinnulíf bara vera fyrir vitleysinga af því það á alltaf að redda málinu með einni stórri allsherjarlausn lendi bráðum í svipuðum vandræðum með áleggjakörfuna - rétt eins og fjáreggjakörfuna!

Alcoa segir upp 13.500 manns

Athugasemdir

[Sævar Helgason, 6.1.2009 kl. 23:44]

Hvað þýðir 13 % samdráttur hjá álverinu á Reyðarfirði - bæði í mannafla og framleiðsluminnkun ?  Yfirleitt láta svona samstæður samdráttinn ganga nokkuð jafnt yfir allt sitt fyrirtæki.    En svona viljum við haga okkar uppbyggingu- öll egg í sömu körfu í hverri einstakri grein.  Öll fjármálaeggin voru í sömu körfunni- svo til- allt brotið og ónýtt þar.  Enginn veit hversu samdrátturinn í áliðnaði varir lengi né hversu afföllin verða mikil.. það er alvarlegasta kreppa í heiminum frá því árið 1929.  Er ekki ennþá verið að grafa fyrir Helguvík og setja ríkispening í dæmið ?

Alcoa eitt og sér fær ekki þennan samdráttarskell- allur áliðnaðurinn fær hann.

[Bergþóra Jónsdóttir, 7.1.2009 kl. 00:00]

Er það orðin hefð í Samfylkingunni Dofri, að tala niður til þjóðarinnar með hroka?  Líttu í eigin barm.  Þú tilheyrir flokknum sem berst harðast fyrir atvinnueinstefnu og álvæðingu um þessar mundir, og nöturlegt að hlusta á iðnaðarráðherrann þinn í kvöld tala eins og dólgur í brennandi hóruhúsi.  Svo leyfir hann sér að tala eins og við eigum að þakka honum að Þjórsá fari ekki í Helguvík.

Bestu kveðjur,

Bergþóra Jónsdóttir,

stoltur eigandi hins þjóðlega Clairol fótanuddtækis og talsmaður fjölbreytts atvinnulífs

[Óskar Þorkelsson, 7.1.2009 kl. 00:34]

og talsmaður fjölbreytts atvinnulífs .. er ekki einhver mótsögn í þessu hjá þér Bergþóra , þá miða ég við ásakanir þínar á Dofra ;)  Álver er ekki akkurat fjölbreitt atvinnulíf... 

[Bergþóra Jónsdóttir, 7.1.2009 kl. 01:00]

Misskildirðu mig Óskar?

Ég er einmitt að benda á það að stóriðja og álveravæðing með þeim virkjunum sem þær krefjast er EKKI fjölbreytt atvinnustefna. Þó virðist það vera að það sé það eina sem Samfylkingin hefur til ráða handa þessari þjóð.

Kveðja,

B

[Tjörvi Dýrfjörð, 7.1.2009 kl. 01:03]

Áleggin að brotna, fjármálaeggin brotin, veð á sjávarútvegseggjunum að færast í hendur elrendra aðila. og á meðan þá sitja bændurnir og sukka í kryddsíldinni og skilja ekkert í því að hænurnar eru hættar að verpa.

Hvar endar þetta eiginlega?

[Gunnar, 7.1.2009 kl. 01:23]

Dofri: Það er bara eitt hægt að segja við Samfylkingarmenn þegar þeir tjá sig um umhverfismál: Fagra Ísland hvað?

Þú ættir að skammast þín!

[Benedikt Bjarnason, 7.1.2009 kl. 01:34]

Ertu ekki að blanda tvennu saman Dofri? Álverið er komið til að vera um ókomna framtíð, hvort sem mönnum líkar betur eða ver.

Það er ekki gott þegar atvinna dregst saman og útflutningstekjur þjóðarinnar minnka. Ég geri engan greinarmun á því hvort ég hafi verið fylgjandi eða mótfallinn framkvæmdinni á sínum tíma. Skaðinn er alltaf hinn sami.  Held ég að okkur væri nær að standa að baki þeim fyrirtækjum sem enn eru að afla gjaldeyris og veita fólki vinnu. Það er svo allt annað mál hvernig við byggjum upp í framtíðinni.

Ekki veit ég hvort þú manst eftir því Dofri, en það var laust upp úr 1980 sem fyrst var farið að tala um Álver fyrir austan. Á öllum þessum árum kom ekki fram nein raunhæf tillaga um neina aðra uppbyggingu. Einhver lét sér detta það í hug að fara upp á heiðar og týna fjallagrös sem síðan mætti pakka og selja til útflutnings. Gáfulegt ekki satt.

Tillögur þurfa ekki að koma frá stjórnvöldum. Þær geta alveg eins komið frá Háskólasamfélaginu, úr fyrirtækjarekstri, frá einstaklingum, sveitarstjórnarmönnum o.s.frv. En ekkert gerðist. Álver var niðurstaðan.

Óskar: Ég er líka talsmaður fjölbreytts atvinnulífs. Við álver eru þónokkur fjölbreytt störf. Þarna vinnur bæði iðnmenntað og háskólamenntað fólk í sínum greinum og fólk með aðra sérþekkingu. En það eru fáir sem gera sér grein fyrir því. Orðið álver bendir kannski ekki til þess.

[Sævar Helgason, 7.1.2009 kl. 09:32]

Svona til að halda til haga .   Vegna byggingar álversins á Reyðarfirði ásamt virkjun við Kárahnjúka-hefur störfum í öðrum greinum fækkað um > 5000  vegna ruðningsáhrifa framkvæmdanna.  Þetta er verið að upplýsa okkur um þessa dagana. Þannig að þessar framkvæmdir hafa í raun fækkað störfum. En það eru fyrst og fremst útflutningsgreinar sem farið hafa halloka vegna óraunhæfs gengis sem þessar álverersuppbyggingar hafa leitt til um langt árabil....Og nú eru það útflutningsgreinarnar sem koma til með að halda í okkur lífinu með öflun dýrmæts gjaldeyris...  Fjölbreyttur útflutningur.

[Dofri Hermannsson, 7.1.2009 kl. 15:17]

Ég veit reyndar um fólk, einmitt fyrir austan, sem árum saman hefur haft af því umtalsverðar tekjur að týna fjallagrös. Mest af því hefur verið selt út sem hágæðavara í lyfjaiðnaði og þannig aflað gjaldeyris (og eflt ímynd hreinnar náttúru landsins). Sumt hefur verið selt hér innanlands og m.a. verið notað í smyrsl og hálspillur svo eitthvað sé nefnt.

Við skulum ekki gera lítið úr því - heilsuiðnaðurinn stækkar ört núna á sama tíma og ál-, stál- og annar búum-til-meira- dót-iðnaður dregst hratt saman.