Skýr stefnubreyting nýs iðnaðarráðherra

Hann er skýr munurinn á nýrri ríkisstjórn og þeirri gömlu þegar kemur að náttúruvernd og áherslum í atvinnumálum. Þetta hefur komið skýrt í ljós í orðum umhverfis- og iðnaðarráðherra síðustu daga.

Áherslumunurinn kristallast e.t.v. í því að þegar Jónína Bjartmarz tók við embætti umhverfsiráðherra sagði hún sitt helsta verk vera að ná sáttum á milli náttúruverndar og nýtingar. Núverandi umhverfisráðherra telur það megin hlutverk sitt að vernda náttúru lands, lofts og sjávar en nú er það iðnaðarráðherra sem telur hlutverk sitt að ná sátt á millum náttúruverndar og nýtingar. Þarna hefur mikil umpólun átt sér stað.

Það er ánægjulegt fyrir þá fjölmörgu sem hafa talað í anda slagorðsins "virkjum hausinn, verndum náttúruna" að lesa viðtalið við Össur Skarphéðinsson, nýjan iðnaðarráðherra í Markaðnum í dag.

Þar segir hann nýsköpun vera dráttarklár framtíðarinnar og hann vill "leggja mjög mikla áherslu á uppbyggingu á hátækni- og þekkingarframleiðslu og skapa hér mjög farsælt umhverfi fyrir sprotafyrritæki".

Það var kominn tími til að Ísland eignaðist iðnaðarráðherra sem sér tækifærin í þekkingu og nýsköpun. Ráðherra sem ekki liggur andvaka af áhyggjum yfir því að einhvers staðar renni óvirkjað vatn til sjávar en hugsar fremur um það að skapa góð skilyrði fyrir unga menntaða þjóð sem vill byggja framtíð sína á því að virkja afl hugans en vernda móðurarfinn sinn - náttúru landsins.

Athugasemdir

[Gestur Guðjónsson, 30.5.2007 kl. 15:03]

Þessi ummæli ráðherra Samfylkingarinnar annars vegar og Sjálfstæðisflokksins hins vegar virðast leiða í ljós að flokkarnir virðast engan vegin vera samstíga í nokkrum sköpuðum hlut. Ég vona að það sé vegna þess að Samfylkingin sé að hlaupa eins og kvíga á vordegi, en eigi eftir að róast þegar ráðherrar hennar og þingmenn kynna sér málin af meiri yfirvegun, því ef þessi yfirlýsingagleði hennar heldur áfram og orðbólgan, hlýtur Sjálfstæðisflokkurinn að naga sig í handabökin að þurfa að reka stjórnarsamstarfið í fjölmiðlum.

[Gunnar Th. Gunnarsson, 30.5.2007 kl. 15:35]

 "Þar segir hann nýsköpun vera dráttarklár framtíðarinnar og hann vill "leggja mjög mikla áherslu á uppbyggingu á hátækni- og þekkingarframleiðslu og skapa hér mjög farsælt umhverfi fyrir sprotafyrritæki".

Hvað ætlar Samfylkingin að gera öðruvísi en Sjálfstæðisflokkurinn til þess að þetta verði að veruleika Dofri?

Annars tek ég undir orð Gests hér á undan.

[Ævar Rafn Kjartansson, 30.5.2007 kl. 20:10]

Mér sýnist sem Samfylkingin hafi heldur betur gert upp á bak á sér með Fagra Ísland. Það á enn að stefna að virkjunum í neðri Þjórsá sem er skelfilegt hryðjuverk sem ég sýni fram á afleiðingarnar af hér:

 Lækjarsprænan Þjórsá og vald Landsvirkjunar

Lækurinn Þjórsá - Um kunnáttu þrastarins í japanskri Kamakazi hernaðarflugtækni

Á fundi sem Björgvin G. Sugurðsson sat fyrir Samfylkinguna í Þingborg í Árborg um virkjanir í neðri Þjórsá  sagði hann að af sinni hálfu kæmi ekki til greina að þessar virkjanir yrðu að veruleika. Hvað hefur breyst hjá Samfylkingunni? (Sjá tengil).

Meðvitundarlaus fjármálaráðherra?

[Ævar Rafn Kjartansson, 30.5.2007 kl. 21:48]

 Þetta eru þín orð Dofri:

"Þessi staða opinberar skammsýni stjórnvalda á mörgum sviðum. Eina stefna þeirra virðist vera að firra sig ábyrgð. Stóriðjustefnan er gott dæmi um það, ríkisstjórnin segir með annarri tungunni ekki koma nálægt málinu en með hinni að nauðsynlegt sé að halda áfram að nýta náttúruauðlindirnar til hagsbóta fyrir land og lýð."

http://dofri.blog.is/blog/dofri/entry/120691/ 

Samfylkingin er búin að svíkja þá kjósendur sem kusu þá út frá náttúruverndarsjónarmiðum með því að leyfa Landsvirkjun að eyðileggja Gnúpverjahrepp.

Er Samfylkingin ekki bara orðin Framsóknarmaddaman seinni? 

[Sævar Helgason (IP-tala skráð) 30.5.2007 kl. 22:14]

Menn er alveg fastir í þessum álversfasa. Kannski eðlilegt eftir allan álversofsann undanfarin ár. En er ekki hægt að fara að lyfta huganum aðeins hærra...það eru núna framundan margir og merkilegir kostir í farvatninu.

Álver sem atvinnugrein hér hjá okkur er á undanhaldi svo merkilegt sem það nú er þó svo álframleiðsla verð hér um okkur um  ókomin ár.  Netfyrirtækin eru farin að banka upp á.  Hátækni og sprotafyrirtæki verða mjög í sviðsljósinu... Gamli tíminn er að hverfa og 21 öldin að hefja innreið sína hjá okkur...lesið viðtalið við nýjan Iðnaðarráðherra í " Markaðurinn "  útg. 30.05.2007.  Það eru mjög spennandi tímar að fara í hönd hér á landi...Það er mjög bjart framundan.

Endilega minnkið gamalt nöldur og lítið jákvætt á framtíðina. 

[Sævar Helgason (IP-tala skráð) 30.5.2007 kl. 22:26]

 Afsakið leiðréeur texti.

Menn er alveg fastir í þessum álversfasa. Kannski eðlilegt eftir allan álversofsann undanfarin ár. En er ekki hægt að fara að lyfta huganum aðeins hærra...það eru núna framundan margir og merkilegir kostir í farvatninu.

Álver sem atvinnugrein hér hjá okkur er á undanhaldi svo merkilegt sem það nú er þó svo álframleiðsla verði hér um nokkur ókomin ár.  Netfyrirtækin eru farin að banka upp á.  Hátækni og sprotafyrirtæki verða mjög í sviðsljósinu... Gamli tíminn er að hverfa og 21 öldin að hefja innreið sína hjá okkur...lesið viðtalið við nýjan Iðnaðarráðherra í " Markaðurinn "  útg. 30.05.2007.  Það eru mjög spennandi tímar að fara í hönd hér á landi...Það er mjög bjart framundan.

Endilega minnkið gamalt nöldur og lítið jákvætt á framtíðina.

[Dofri Hermannsson, 30.5.2007 kl. 23:50]

Þetta eru furðulegar umræður.

Samfylkingin hefur náð því í gegn að þangað til búið er að klára rannsóknir á verndargildi allra háhitasvæða (rammaáætlun 1 og 2) og gefa þeim niðurstöðum lögformlega stöðu verður ekki farið inn á nein ný óröskuð svæði. Engar bindandi ákvarðanir veittar hvað varðar stóriðju fyrr en niðurstaða í þessu liggur fyrir og þá og því aðeins verður gefið leyfi fyrir slíku ef það er verjandi útfrá verndarsjónarmiðum.

Þá birtist einn beiskur vinstri grænn með innantómar samsæriskenningar t.d. þess efnis að Jökulsár Skagafjarðar hafi verið settar á "dauðalista" af því þær voru ekki tilteknar sérstaklega líkt og Langisjór, Þjórsárver og nokkrir aðrir staðir.

Í fyrsta lagi samþykkti Samfylkingin að setja virkjanir í Skagafirði ekki inn á aðalskipulag og í öðru lagi gildir það sama um þær eins og alla aðra staði að verndargildi þeirra og önnur verðmæti sem samræmast verndun verða rannsökuð í þaula áður en ákvörðun verður tekin um hvort þau skuli nýtt með verndun eða öðrum hætti. Samsæriskenningin er því algerlega úr lausu lofti gripin og álver á Bakka, ef af því verður, mun ekki sækja orku þangað.

Líkt og vísindamaður sem leggur upp með kenningu og beinir allri orku sinni í að sanna hana lendir höfundur samsæriskenninganna í vandræðum í öðru hverju spori. T.d. telur hann metnaðarfullar áherslur Össurar í hátækni- og þekkingarmálum illa samræmast stóriðjustefnunni. Auðvitað! Það er ekki okkar stefna!

Okkar stefna er að fresta frekari leyfum til stóriðjunnar þangað til búið er að vinna rammaáætlun og kanna verndargildi allra viðkomandi náttúrusvæða. Við höfum hins vegar sagt, líkt og Vg og fleiri að ekki verði farið í að afturkalla þau leyfi sem fyrir eru.

Vilji menn kalla það stóriðjustefnu hljóta þeir sömu að telja stefnu Vinstri grænna fyrir kosningar vera stóriðjustefnu sömuleiðis. Ég skil vel sárindi margra Vinstri grænna yfir því að vera ekki sjálfir að vinna að þessum málum í ríkisstjórn en svona æxluðust málin og Vg átti hvað stærstan þátt í að svo fór.

Reynum að ræða það sem er sagt og gert en ekki það sem fólk telur/óttast að verði gert og sagt.

Kv.

[Kristján Pétursson, 30.5.2007 kl. 23:54]

Samfylkingin á að gefa íhaldinu nokkra mánuði til að fallst á umhverfis -og náttúruverndarmál okkar Fagra Ísland.Iðnðarmálráðhr.Össur Skarphéðinsson lofar góðu,hvet menn að lesa viðtalið við hann.

[Jóhann Páll Símonarson, 31.5.2007 kl. 00:10]

Heill og sæll Dofri.

Það er ekki oft sem ég verð undrandi á þínum skrifum. Eins og kemur hérna fram hjá þér og öðrum og hvernig þú bregst við þessum skrifum.

Eitt vil ég minna þig á og öðrum til varnaðar hvernig þig fóruð með álverskosningu Alcan í Straumsvík. Nú er þetta fyrirtæki á förum eins og ég benti ykkur á fyrir kosningar.

Á þínu bloggi ef þú ert ekki búinn að þurrka þau út? þar standa mín orð. Enn þetta var staðreynd ég var búinn að kynna mér hvernig þetta var áður enn ég skrifaði þetta.

Nú mun koma í ljós að álverið er á förum þá munu afleiðingar fyrir Hafnarfjarða koma í ljós og nýir valhafar taka við á næsta kjörtíma bili.

Jóhann Páll Símonarson.

[Örlygur N. Jóhannsson (IP-tala skráð) 31.5.2007 kl. 00:27]

Samfylkingin seldi sig ódýrt einungis til að komast í stjórn til að bjarga pólítísku lífi Ingibjargar Sólrúnar og til að forða því að Samfylkingin klofnaði.  Sem sagt; sviku sín kjarnagildi og þar með kjósendur sína til að kaupa sér framhaldslíf sem ekkert er nema á tíma til láns.  ISG og samfylkingin munu uppskera eftir því seinna meir.

Það tók örstuttan tíma að semja um stjórnarsáttmálann sem bendir til að Samfylkingin hefur samþykkt allt sem Sjálfstæðisflokkurinn fór fram á einungis til að komast í stjórn, enda var það eina stefna Samfylkingarinnar fyrir kosningar.

Þegar Samfylkingin er komin í stjórn fór málefnavíman fljótt af þeim og eru þau eins og endra nær ýmist með eða á móti álverum og virkjunum, með eða á móti Evru, með eða á móti því að ganga í Evrópusambandið, með eða á móti hvalveiðum og þar fram eftir götunum.

Ég gef ekkert fyrir "Fagra Ísland" því í mínum augum er það ómerkilegt plagg.  Í stórum dráttum gengur það út á að öll uppbygging og framfarir eigi að eiga sér stað á Suð-Vesturhorninu á meðan allra framkvæmdir og framfarir verði stöðvaðar þar fyrir utan þ.e. á landsbyggðinni.  Sem sagt Landsbyggðina á að vernda fyrir framförum og uppbyggingu því ekki má hreyfa við "ómetanlegum" náttúruperlum þar t.d. er með öllu ólíðandi að staðir eins og Þórshöfn, Raufarhöfn og t.d. Flateyri verði raskaðir með einhverri uppbyggingu.  Þessir staðir hafa ómetanlegt verndunargildi svona eins og þeir eru í dag.  Þangað er hægt að fara með erlenda ferðamenn og sýna þeim hvernig lítil þorp líta út þar sem að tíminn hefur verið stöðvaður.  Hægt væri að segja að á svona stöðum eigum við Íslendingar ósnortna arfleifð með okkar eigin "hillbillies" eða red-knecks" eins og víða í Ameríku.  Slíkir sýningagripir hafa ómetanlegt gildi upp á ferðamennsku og vernd sem ósnortið svæði.

Svona skil ég alla veganna inntakið í plagginu "Fagra Ísland". 

[Ævar Rafn Kjartansson, 31.5.2007 kl. 23:18]

Bara svo að ég sé ekki að fara með vitlaust mál. Getur þú sem sagt fullyrt að virkjanir í neðri Þjórsá fari ekki í framkvæmdir á næstu tveimur árum né undirbúningur fyrir álver í Þorlákshöfn , Helguvík  og á Bakka. Að Þjórsárver, Langisjór og Norðlingaalda séu ákvörðun næstu kynslóða? Eða ef ekki verða afturkölluð leyfi, þýðir það þá að hugsanlega verða orð Björgvins G. Sigurðssonar um að þessar virkjanir eigi að afturkalla ómerk?

Ég lít á mig sem jafnaðarmann en vantreysti Samfylkingunni varðandi umhverfismálin. Hef ég rangt fyrir mér með það? Mín tilfinning er sú að þið séuð að gera það sama og Jón Sigurðsson þegar hann lýsti stóriðjustefnuna dauða. Þe. eftir þetta og þetta og þetta og.... 

[Ævar Rafn Kjartansson, 31.5.2007 kl. 23:20]

Orð Björgvins á fundi í Þingborg í Árborg um virkjanir í neðri - Þjórsá

[Dofri Hermannsson, 1.6.2007 kl. 09:07]

Ævar. Eins og ég sagði hér að ofan þá mun Samfylkingin ekki fara inn á nein ný óröskuð svæði meðan unnið er að rammaáætlun. Hvað Þjórsána varðar hafa virkjanir þegar farið í gegnum umhverfismat og fengið jákvæða umsögn. Ef landeigendur vilja semja við virkjunaraðila um land sitt er fátt sem ríkisstjórnin getur gert í því. Ef hins vegar landeigendur vilja ekki selja land sitt undir þessar virkjanir verðu eignarnámsákvæði ekki beitt - um það voru tekin af öll tvímæli í umræðu sem Björgvin G Sigurðsson stóð fyrir á Alþingi í fyrra.