Vandanum frestað

Þetta er ákvörðun um að taka ekki ákvörðun en vona að ákvörðunin taki sig sjálf einhvern tímann á næstu 12 mánuðum. Nokkuð dæmigert fyrir borgarstjórnarflokk Sjálfstæðisflokksins.

Næstu mánuðir munu því verða langdregið leiðtogaprófkjör á milli Villa, Hönnu Birnu og Gísla Marteins. Mikill tími mun fara í innri baráttu þeirra og hrossakaup. Þetta er ekki gott fyrir borgina.

Ákvörðun síðar um borgarstjóra

Athugasemdir

[Lára Hanna Einarsdóttir, 24.2.2008 kl. 13:38]

Þetta er ekki gott fyrir neinn og ég finn til með starfsfólki borgarinnar. Það hlýtur að vera erfitt að vinna fyrir svona húsbændur og vita aldrei hvað gerist á morgun, hvað þá í næstu viku eða næsta mánuði.

[Sigurður Viktor Úlfarsson, 24.2.2008 kl. 16:26]

Nákvæmlega!

[Anna Karlsdóttir, 24.2.2008 kl. 16:29]

Trúverðugleiki Vilhjálms hefur rýrnað hratt. Ég held að þetta verði ekki til framdráttar fyrir flokkinn. Ég vorkenni borgarstarfsmönnum, það er örugglega skrýtið að vera embættismanneskja í ráðhúsinu um þessar mundir.

[Sævar Helgason, 24.2.2008 kl. 16:55]

Í fréttum eru sagnir um stórfellt lóðabrask vina og kunningja Vilhjálms tengt lóðum í Örfirisey... Og umboðsmaður Alþingis hefur sent Vilhjálmi bréf með erfiðum spurningum varandi REI málið .

Þannig að það eru næg verkefni fyrir oddvitann og fréttahaukana framundan.

[Helga skjol, 24.2.2008 kl. 19:14]

kvitt kvitt,búin að lesa.

[Ingólfur, 24.2.2008 kl. 20:57]

Hvað um trúverðugleika þeirra sem styðja Vilhjálm í þessari vitleysu?