Fer ekki fyrir brjóstin á mér!

Af heilum hug styð ég baráttu kvenna og karla fyrir jöfnum rétti beggja til að ganga um berbrjósta í sundi. Sé enga ástæðu til að banna ber konubrjóst frekar en mín eigin. Margir karlar eru með stærri brjóst en konur, þótt stærðin skipti auðvitað ekki máli í þeim efnum frekar en mörgum öðrum.

Ég sé ekkert dónalegt við það að konur njóti sundferða berar að ofan. Mér hefur reyndar alltaf fundist það dálítið skondinn tvískinnungur að berbrjósta kona í sundi uppi á Íslandi valdi því að fólk roðni niður í tær en um leið og hún er komin úr á sólarströnd er sama fólki innilega sama.
Svo erum við að agnúast út í múhameðstrúarmenn og höfuðklúta!

Einu sinni las ég um danska rannsókn sem sýndi að það yki lífsgleði eldri manna og lengdi líf þeirra að horfa á ber konubrjóst í nokkrar mínútur á dag. Þetta er því ekki bara spurning um mannréttindi heldur líka heilsuvernd. Eitthvað sem Guðlaugur Þór ætti að athuga!

Þó kunna einhverjir að vitna í skáldið góða sem sagði:

Fegurðin er hálfu meiri ef hulin er
því andann grunar ennþá meira en augað sér.

Bannað að bera brjóstin í Hveró

Athugasemdir

[Brjánn Guðjónsson, 18.3.2008 kl. 20:09]

en stærðin skiptir samt máli

en ætla ekki að tjá mig um það meir, að svo stöddu

[Rauða Ljónið, 18.3.2008 kl. 20:16]

Sæll, Dofri loksins erum við sammála auðvita eiga konur að hafa frjálst val í sundlaugum og baðströndum, það er ekkert dónalegt við það perraháttur.

Kv, Sigurjón Vigfússon 

[Rauða Ljónið, 18.3.2008 kl. 20:20]

Sæll, Dofri loksins erum við sammála auðvita eiga konur að hafa frjálst val í sundlaugum og baðströndum, það er ekkert dónalegt við það, önnur hugsun bak við brjóst kvenna er perraháttur.

Villa löguð. 

Kv, Sigurjón Vigfússon