"Við erum ekki glötuð! - Vonandi"

Ósköp er þetta klén innsetningarræða hjá harðsnúnu Hönnu.

Erfiðir tímar "vonandi" að baki. Samstarfið við F listann (is there such a thing?) er "afar gott" og Ólafur F er "heiðarlegur og vandaður maður" (hann hefur reyndar gefið út tilskipun um að ekki beri að draga heilindi hans í efa svo þessi orð Hönnu Birnu jaðra nú við drottinsvik!).

Af því henni fannst ekki nóg að segja "við erum ekki glötuð" í nokkrum mismunandi útfærslum þótti henni nauðsynlegt að skíta út verk Tjarnarkvartettsins sem náði á þremur mánuðum glæsilegu flugi undir stjórn Dags B Eggertssonar og naut trausts yfirgnæfandi meirihluta þegar Vilhjálmur Þ og Ólafur F tóku völdin í lok janúar í þeim tilgangi að reyna pólitíska endurlífgun á þeim fyrrnefnda og þjóna hégómleika þess síðarnefnda.

Við skulum sjá hvað setur.

Vörn verður snúið í sókn

Athugasemdir

[Árni Gunnarsson, 14.6.2008 kl. 19:50]

Legg til að myndhöggvaranum verði fenginn aðstoðarmaður. Það stefnir í "metvertíð" og engin vissa fyrir að Ólafi F. líki fæðið hjá Hönnu Birnu þó borðstofuborðið sé eftir Alvar Aalto.

[Óðinn Þórisson, 14.6.2008 kl. 21:17]

Ef Dagur ætlar að reyna að koma sf aftur í meirihluta á þessu kjörtímabili held ég að hann verði að krjúpa fyrir Hönnu Birna og vona að bónorðinu verði tekið.

[Theódór Norðkvist, 15.6.2008 kl. 13:53]

Mbl.is og Ríkissjónvarpið hafa verið í björgunaraðgerðum að bjarga Sjálfstæðisflokknum í Reykjavík með einhliða fréttaflutningi af oddvitaskiptunum.

[Guðjón Sigþór Jensson, 15.6.2008 kl. 21:36]

Svo einkennilegt sem það kann aðhljóma þá virðist enginn einstaklingur ná árangri í Sjálfstæðisflokknum nema með frekjuna að vopni. Davíð er þar fyrirmyndin. Nú er kominn fram einstaklingur sem í huga þeirra sem fylgst hafa með borgarmálum að undanförnu hafi sýnt þessa skýru eiginleika.

Með fulltrúa Samfylkingarinnar og annarra stjórnmálaflokka er hins vegarsú staða, aðá öllum þeim bæjum vilja menn byggja uppmeirihluta á traustum og góðum vilja til að ná þeim árangri sem aðer stefnt í málefnasamningi. Oft verður slíkur málefnasamningur nokkuð flókinn og tímafrekur. Það hefur hins vegar Sjálfstæðisgflokkurinn oft haft í flimtingum en einkum þegar foringinn á þeim bæ er sterkur og nógu frekur til að tala fyrir allan hópinn og öllum líkar.

Þetta gat Davíð enda sagði enginn neitt enda var hann ekki aðeins foringinn, hann var líka trúðurinn og reitti af sér brandarana á kostnað andstæðinganna.

Vonandi er það ekki sem þið ágætu borgarfulltrúar andstæðinga Sjálfstæðisflokksins þurfið ekki að sitja uppi með!

Mosi 

[Sævar Helgason, 15.6.2008 kl. 22:03]

Það verða sömu vandræðin hjá borgarstjórnarliðinu í Sjálfstæðisflokknum hér eftir sem hingað til.  Það er enginn einhugur né samstaða milli þessa hóps innbyrðis- það er enginn óskoraður foringi.

Sjálfstæðisflokkur hefur allatíð hangið saman hafi þeir   sterkan foringja sem sameinar liðið - nefna má í því samhengi menn eins og Jón Þorláksson, Ólaf Thors, Bjarna Benediktsson og Davíð Oddsson.

Þeir örfáu aðrir sem leitt hafa flokkinn og ekki haft þessi sterku foringjaeinkenni- þeim hefur vegnað illa- þó góðir og gegnir menn hafi þeir verið.

Vilhjálmur Vilhjálmsson reyndi að vera sterkur foringi , en var það ekki í raun og því fór sem fór.  

Ekki verður séð að sú ágæta kona Hanna Birna hafi þessa eðliskosti sem einkenna sterkan leiðtoga. 

Nú er bara að bíða næstu borgarstjórakosninga þannig að öflugur og starfssamur meirihluti hefjist handa við þau brýnu úrlausnarefni sem málefni borgarinnar krefjast og umfram allt að marka öfluga framtíðarstefnu í aðkallandi málum eins og almenningssamgöngum- flugvallarmálinu - endurreisn miðbæjarins - Sundabraut svo dæmi séu tekin...allt bíður þetta