Skortur á forsjárhyggju?!

Það er dálítið sérstakt að heyra Sigurð Kára tala um það núna að það hafi verið óráð að leyfa 90-100% lánin. Studdi hann ekki sem þingmaður ríkisstjórnina sem það gerði? Ég hef hvergi séð andmæli hans við því og það væri ágætt að hann birti þau á heimasíðu sinni ef þau hafa einhvern tímann litið dagsins ljós.

Það eru flestir tilbúnir að viðurkenna það núna að hagstjórnin síðustu ár hefur verið vond, að 90% lánin voru vond ákvörðun, að það var rangt að afnema bindiskyldu bankanna og að skattalækkanir á sama tíma og allt þetta og meira til var að gerast var líka vond ákvörðun.

Þegar hins vegar viturt fólk benti á að þetta væri óráðsía, að það þyrfti að hamla við þenslunni með einhverjum ráðum og hemja viðskiptahallann þá kölluðu frjálshyggjupostularnir "Forræðishyggja!!!".

Nú eru margir í sárum sem þá fóru með himinskautum. Sakna forsjárhyggjunnar.

"Sem betur fer fór maður ekki til bankanna"

Athugasemdir

[Sigurður Haukur Gíslason, 25.9.2008 kl. 23:58]

Svo maður tali nú ekki um lækkun hátekjuskattsins í mesta góðærinu.

[Alma Jenny Guðmundsdóttir, 26.9.2008 kl. 00:42]

Ég er sammáala þér með Sigurð Kára.

En.... ég held ekki að bankarnir hafi þurft sérstakt leyfi frá stjórnvöldum til þess að lána 90 eða 100%.  Bankarnir buðu þannig lán á hinum frjálsa markaði.

Hins vegar leyfði ríkisstjórnin hækkun á lánveitingum frá Íbúðalánasjóði í 90%  af markaðsvirði - en þó aldrei hærra en brunabótamat fasteignar.

[Úrsúla Jünemann, 26.9.2008 kl. 11:18]

Að viðurkenna mistökin er fyrsta skref til hins betra. Svo kannski fer heimurinn batnandi hér.

[Gestur Guðjónsson, 26.9.2008 kl. 12:38]

Alma heldur hlutunum rétt til haga. Því miður gera 24 stundir og Siggi Kári það ekki.

[Hallur Magnússon, 26.9.2008 kl. 16:25]

Þetta vori skiljanleg misstög ritstjórans í 24 stundum - enda búið að halda lyginni á lofti svo lengi!

Sjá:

Alvarlegar rangfærslur í leiðara 24 stunda!

[Eiríkur Harðarson, 28.9.2008 kl. 16:36]

Ja nú þykir mér gráa merin frá Kleif vera orðin aum í síðum, vegna skorts á forsjárhyggju sem greinilegt er að eigi skilur það orð. Greinileg sundrung í Samfólinu  og óráðsýja, hæstvirts Viðskiptaráðherra í bankamálum. Manni er skapi næst að ímynda sér að Ríkisstjórnarskipperinn sé í þann mund að fleygja ykkur út í hafsauga.

MBK: GARPURINN

[Anna Karlsdóttir, 28.9.2008 kl. 23:34]

Hugsa nær daglega hversu blessunarlega íhaldsöm þjóðin þó var þrátt fyrir allt í óráðsíunni að leggja ekki niður íbúðalánasjóð. Þakka mínum sæla fyrir að hafa ekki hlaupið til eins og margir í kringum mig og breytt húsnæðislánunum og flutt yfir í banka. Það væri vert að taka lista saman yfir þá sem hömpuðu hugmyndinni og réru öllum árum að því að bankavæða húsnæðislán - og bera síðan saman við yfirlýsingar í dag. Það gæti orðið áhugaverð stúdía.