Davíð Mugabe

Nú hefur það verið staðfest að Kaupþing féll vegna ummæla Davíðs í Kastljósi í fyrrakvöld - viðtali sem hann bað sjálfur um. Á sama tíma og sterkasti bankinn hafði fengið lán frá íslenska og sænska seðlabankanum og átti góða möguleika á að fóta sig í umhverfi vantrausts á alþjóðlegum bankamarkaði mætir seðlabankastjóri Íslands í sjónvarp til að lýsa þeim sem óreiðumönnum.

Þessi orð rata beint til bresku ríkisstjórnarinnar sem er vöruð við. Plan Íslendinga sé að borga ekki skuldir sínar erlendis. Það er ekki furða að Darling og Brown hafi verið hneykslaðir og lýst Íslendingum sem ótýndum þjófum. Orð Davíðs Mugabe voru mjög skýr - látum útlendingunum blæða.

Davíð verður að víkja, strax í dag.

FME yfirtekur Kaupþing

Athugasemdir

[Sigurgeir Orri Sigurgeirsson, 9.10.2008 kl. 09:36]

Já, við skulum skjóta boðbera tíðindanna í þeirri von að okkur líði betur á eftir. Lögin sem sett voru sögðu nákvæmlega þetta. Hvort Davíð sagði það eða einhver annar var algerlega Bretanna að skilja - eða misskilja eins og komið hefur á daginn.

[Sævar Helgason, 9.10.2008 kl. 09:46]

Sú tilfinning er vaxandi að nú orðið sé Davíð Oddson seðlabankastjóri í boði Samfylkingarinnar - er ekki að vera tímabært að vísa honum á dyr ?

[Óskar Þorkelsson, 9.10.2008 kl. 10:03]

Davíð víkur ekki, hann er aðal og Flokkurinn ræður..  Heil Davíð.

[Ásdís (IP-tala skráð) 9.10.2008 kl. 10:06]

Ég held að bretar hafi ekki misskilið neitt. Davíð gaf bara Gordon Brown kærkomið tækifæri til að bæta stöðu sína gagnvart almenningi í Bretlandi, sem hann greip fegins hendi þar sem hann hefur að undanförnu verið firna óvinsæll.

[Daníel (IP-tala skráð) 9.10.2008 kl. 10:18]

Ég held að þú ættir að finna alvöru mynd af Múgabe. Það fer þér ekki að falla í sömu rasistaggryfjuna og Jón Magnússon.

[Dofri Hermannsson, 9.10.2008 kl. 10:30]

#5 Rétt hjá þér.

[Gísli Baldvinsson (IP-tala skráð) 9.10.2008 kl. 11:13]

Það að starfandi formaður Samfylkingarinnar vilji nýja Seðlabankastjórn er sett fram í fullri alvöru. Ef ekki er tekið mark á því þá jarðar það við stjórnarslitum.

[sigríður bryndís baldvinsdóttir (IP-tala skráð) 9.10.2008 kl. 19:27]

Kapítalisminn er hruninn !!!!

Jessss.....brosið hringinn með roð í kinnum!!!!

Dís

[Guðmundur Ásgeirsson, 10.10.2008 kl. 11:26]

Valdahafar þessa lands hafa gert sig seka um landráð með heimsku sinni og vandræðagangi varðandi þau samskipti og skilaboð sem þeir senda frá sér og aðrar þjóðir sjá auðvitað líka. Flest ríki í Evrópu hafa t.d. leyniþjónustu sem fylgist með fjölmiðlum og hefur á sínum snærum túlka o.fl., og nú þegar augu allra að beinast að Íslandi er mikilvægt að halda andlitinu og fara ekki á taugum eins og þeir hafa gert. Hámarksrefsing í slíkum tilvikum er 16 ára fangelsi, en 3 ár ef hægt er að bera við gáleysi. (Sjá X. kafla almennra hegningarlaga)