Hver er við stýrið?

Þessi mynd hefur gengið á netinu.
Það er með ólíkindum að þessi maður skuli ekki hafa verið látinn taka pokann sinn. Hér eru örfá atriði sem engum seðlabankastjóra hefði liðist nema Davíð og dr. Gono í Zimbabwe.

Skortur á aðhaldi og aðgerðum fyrir hrun, rangt mat á stöðu bankanna í skýrslum, Kastljósviðtalið þar sem hann tilkynnti heiminum að Ísland ætlaði að stela peningum frá útlendingum, skaðlegt gaspur um Rússalán, fáránleg varnarræða hjá Viðskiptaráði og nú síðast hótun um endurkomu í pólitík ef hann verði látinn víkja!

Verði hann ekki látinn víkja hið snarasta er myndin að verða býsna sannferðug.

Davíð: „Þá mun ég snúa aftur"

Munið þið eftir þessu?

Frétt Stöðvar2 12.09. 2007 um kaup Íslendinga á D´Anglaterre og fleiri þjóðargersemum Dana.

Ísland í dag 13.09. 2007, viðtal við Hannes Hólmstein um íslenska efnahagsundrið.

Frekja og hroki aðgangsorð íslenska helvítisins

Áhugavert

Ánægja með störf ráðherra er fallvalt fyrirbæri. Stundum eru ráðherrar afar óvinsælir fyrir að gera eitthvað sem þó getur verið mjög nauðsynlegt að gera. Og stundum mjög vinsælir fyrir að gera eitthvað sem svo engu skilar. Þá getur allt fengið öfug formerki.

Jóhanna trónir á toppnum sem fyrr. Vinsældir hennar hljóta að vera Íslandsmet. Þorgerður Katrín er næst vinsælust þótt miklu muni. Hún er hrein og bein í svörum og var kannski eini stjórnmálamaðurinn á borgarafundinum í Háskólabíói sem sýndi dálitla auðmýkt. Það er talsverð eftirspurn eftir slíkum eiginleikum í stjórnmálamönnum þessa dagana. Og kannski alltaf.

Og ánægja með Björgvin vex á sama tíma og forseti ASÍ heimtar afsögn hans. When the going gets tough...

Aukin ánægja með störf ráðherra

Kemur ekki á óvart

Það kemur ekki á óvart að Sjálfstæðisflokkurinn hrapi í fylgi. Flokkurinn hefur farið með stjórn efnahagsmála undanfarin 17 ár og niðurstaðan er sú sem fólkið finnur á eigin skinni þessar vikurnar.

Samfylkingin er nýkomin í ríkisstjórn og fólk veit að hagstjórnarmistök undanfarinna ára eru ekki hennar sök. Hins vegar smitar óánægja með Sjálfstæðisflokkinn óhjákvæmilega yfir á Samfylkinguna.

Vg nýtur þess að hafa aldrei borið ábyrgð á stjórn landsins. Fjórði stærsti flokkurinn virðist svo vera "Auðir og ógildir". Ef þetta yrði niðurstaða kosninga og hugmyndir Friðriks Erlingssonar rithöfundar fengju fram að ganga yrðu 9 þingsæti auð.

Það er sannarlega kominn tími á uppstokkun í samfélaginu. Það verður samt að gefa lýðræðinu tíma til að setja niður áætlun um hvað á að gera, hvaða stefnu á að taka og af hverju. Tíma fyrir ný framboð að koma fram ef stemning er fyrir því og tíma fyrir núverandi flokka að stilla upp nýjum listum. M.a.s. Vg hefði gott af því.

Það þarf líka að gefa tíma til að ræða breytta stjórnskipan. Þetta fyrirkomulag, sem í raun réttri ætti að heita stjórnbundið þing en ekki öfugt, er jafn glatað fyrirbæri og verðtryggingin og virkar álíka vel við að tryggja þrískiptingu ríkisvaldsins og stýrivextir við að tryggja lága verðbólgu.

Til að bjarga fólki og fyrirtækjum í skjól þarf að taka upp evru, einhliða, nú þegar, hefja um leið aðildarviðræður við ESB, kjósa til alþingis með vorinu og um aðildarsamning þegar hann er tilbúinn.

VG stærsti flokkurinn

Hollt er heimafengið!

 

Spara pening með auknu kynlífi

Jákvæður baráttumaður

Hörður er einarður baráttumaður fyrir réttlæti og vill ekki beita órétti sjálfur í baráttunni. Hann er jákvæður í sinni baráttu þótt hann sé vitaskuld að benda á neikvæða hluti. Þessi blanda gerir það að verkum að hann sameinar fólk undir jákvæðum formerkjum. Ég get ekki verið sammála blaðamanni Guardian um að það komi á óvart. 

Hörður óvenjuleg byltingarhetja

Einhliða upptaka evru og yfirlýsing um aðildarviðræður við ESB

Seint hélt ég að ég að ég myndi eignast skoðanabræður í LÍÚ, Birni Bjarnasyni og Friðrik Sophussyni en annað hefur nú komið á daginn. Annars vegar í því að að taka ætti upp evru og hins vegar að við ættum þegar í stað að hefja aðildarviðræður við ESB.

Eins og ég hef bent á hér áður geld ég mikinn varhug við fleytingu krónunnar. Ég held að sú leið út úr vandræðunum muni setja allt að helming heimila og fyrirtækja á hausinn á innan við ári. Krónan er ekkert annað en ávísun á íslenska verðmætasköpun og hún verður lítil ef stór hluti atvinnulífsins er lamaður og stór hluti íbúanna fluttur í burtu eða atvinnulaus. Það er því mikil hætta á að gengi krónunnar muni ekki hækka nægilega mikið.

Ef gengið fellur mikið meira er stór hluti fyrirtækja og heimila gjaldþrota. Háir stýrivextir, sem eiga að styðja við krónuna, gera það svo að verkum að fyrirtæki geta ekki fjármagnað rekstur sinn. Þannig stöðvast stór hluti verðmætasköpunarinnar í þjóðfélaginu, fólk missir vinnuna, hættir að geta greitt af lánum o.s.frv.

Gengisfallið eykur á verðbólguna og vegna verðtryggingarinnar hækka allar verðtryggðar skuldir í samræmi við það. Um helmingur allra fasteigna í landinu er veðsettur yfir 60% miðað við fasteignaverð eins og það var hæst. Ef verð lækkar um tugi prósenta og verðbólgan hækkar höfuðstólinn um 20% næsta árið er ljóst í hvað stefnir.

Einhliða upptaka evru er lausn á bæði gengisvandanum og verðtryggingarvandanum. Með því að taka upp evru eru Íslendingar komnir með laun í evrum og gengisáhættan af því að skulda í erlendri mynt hverfandi (auðvitað engin ef skuldin er í evrum). Um leið og allar íslenskar skuldir yrðu færðar yfir í evrur væri sjálfsagt að leggja niður verðtrygginguna enda forsenda hennar, íslenska krónan, horfin.

Höfuðvandamálin við upptöku evrunnar eru tvö. Annars vegar pólitískur vandi því upptaka evru er opinberlega í andstöðu við ESB. Í ljósi mjög erfiðra aðstæðna er hins vegar afar erfitt að mótmæla því að Íslendingar bjargi sér í efnahagslegt skjól með þessum hætti. Yfirlýsing um að stefnt sé að ESB aðild og formleg ósk um aðildarviðræður á sama tíma myndi hjálpa til pólitískt.

Hinn vandinn er sá að bankana vantar lánveitanda til þrautavara (ekki það að SÍ hafi reynst vel) í evrum. Bent hefur verið á að með því að breyta hluta af erlendum skuldum gömlu bankanna í hlutafé í þeim nýju mætti fá þennan bakstuðning með óbeinum hætti.

Eitt gæti reynst nauðsynlegt að kanna - og það ættu LÍÚ að hafa hugfast - að ef við tökum evru upp einhliða gæti reynst nauðsynlegt að koma á fót sveiflujöfnunarsjóði fyrir sjávarútveginn. Það liggur beinast við að hann hafi tekjur af auðlindagjaldi eins og Samfylkingin hefur lengi talað fyrir.

Af fréttum að dæma virðist forsætisráðherra vera farinn að opna á þessa leið. Björn Bjarnason hefur talað fyrir henni í nokkurn tíma. Segir réttilega að þetta sé lang sársaukaminnsta leiðin út úr efnahagsþrengingunum. LÍÚ, Björn, Friðrik og forsætisráðherra hljóta þó að gera sér grein fyrir því að verði þetta skref stigið er næsta skref, umsókn um aðild að ESB, óhjákvæmilegt.

Verðtryggingin

Til að létta lundina á föstudagseftirmiðdegi getur verið gott að skoða YouTube. Rakst þar á þennan skets Fóstbræðra og datt í hug verðtryggingin. Líklega er hún álíka absúrd í hugum flestra og það sem þarna gerist.

Gott hjá Björgvini

Held að enginn hafi efast um heilindi Björgvins þótt ýmsir hafi viljað kalla hann til ábyrgðar af því vondir hlutir gerðust á hans vakt. Þeir sem þannig hafa talað í Samfylkingunni virðast fara fram á heiðursmannaafsögn eins ráðherra til að sefa ónotakennd yfir samstarfi flokksins við ráðherra sem þeir beinlínis vantreysta. Það er bæði skammgóður vermir og ósanngjarnt.

Það er mikið verkefni framundan að gera sem mest úr þeim verðmætum sem lent hafa í ríkiseign gegnum bankana. Í þeirri vinnu verður allt að vera á hreinu og gott hjá Björgvini að árétta það með afgerandi hætti.

Viðskiptaráðherra hefur lagt línurnar

Slóð bankaræningjanna í Skagafirði

Hún verður efni í dágóðan reifara slóðin bankaræningjanna í Skagafirði þegar búið verður draga allt fram í dagsljósið. Það er magnað að hafa spilað svo glannalega með eigur annarra (og notað til að skara eld að eigin köku) að fara úr 30 ma eign í rúmlega 20 ma skuld á einu ári!

Hart tekist á í stjórn Giftar á meðan verðmæti brunnu upp