Er Davíð drekinn?

Kannski hann hafi lent í sama misskilningi og Fóstbræður hér um árið?

Uppskeran eins og sáð var

Auðvitað sjá strákarnir um stóru málin :)

Það er auðvitað karlmannsverk að skoða þessi Evrópumál. Ekki eins og að kaupa skó, eða í matinn!

Sjá hér vísindamynd sem styður valið í Evrópunefndina.

Þrír leiða Evrópustarfið

Öskuhaugur flokksgæðinga?

Háværar raddir hafa verið um að flokksgæðingar Framsóknarflokksins hafi notað Gift til að kaupa af sér fallandi eignir. Það er nauðsynlegt að rannsaka það til hlítar.

Gift að gefast upp?

Flýtiupptaka evru

Því miður er ekki hægt að segja að engar fréttir séu góðar fréttir þegar kemur að IMF. Það er því skiljanlegt að margir velti fyrir sér öðrum lausnum. Það er talað um upptöku evru en menn nálgast það á afar ólíkan hátt. Sigurður Kári Kristjánsson, alþingismaður, virðist mér vera að gera hugmyndina um einhliða upptöku evru að einhvers konar hvalveiðimáli. Svona við-getum-gert-það-sem-okkur-sýnist-máli.

Mér finnst hugmyndir Ársæls Valfells og Hreiðars Más um upptöku evru allrar athygli verðar. Það er staðreynd að tæknilega getum við tekið upp hvaða gjaldmiðil sem er, þess vegna sígarettur. Marlboro er t.d. algengur gjaldmiðill í fangelsum víða um heim - önnur hugmynd fyrir þingmanninn sem einmitt hefur beitt sér mjög fyrir réttindum reykingarmanna. Í raunveruleikanum gengur einhliða upptaka, í andstöðu við ESB, hins vegar ekki upp. Kíkjum aðeins á nokkrar ástæður.

Í dag erum við ekki lengur það sæta litla eftirlætisland heimsins sem við höfum verið. Ekki lengur best í heimi. Við erum þvert á móti þekkt fyrir oflátungshátt útrásarvíkinga sem keyptu allt milli himins og jarðar á lánum, seldu svo hverjum öðrum það á tvöföldu verði og veðsettu fyrirtækin fyrir mismuninum til að geta keypt meira og endurtekið leikinn.

Við erum þekkt fyrir að hafa keypt helgustu vé viðskipta í Kaupmannahöfn og montað okkur af því að vera orðin ríkari en gamla, níska, sparsama herraþjóðin Danir. Við erum þekkt fyrir það að hafa keypt ensk fótboltalið eins og rússneskir olígarkar og fyrir að aka um í limósínum þegar virðulegir hógværir menn taka rútuna.

Og nú erum við þekkt fyrir að allt þetta sprakk. Íslendingarnir sem keyptu sama flugfélagið þrisvar og tvöfölduðu virði þess í hvert skipti reyndust vera nýríkir oflátungar. Nú erum við nýfátækir Mórar. Í Bretlandi, þar sem við veislan var fjörugust, erum við núna þekkt fyrir að íslenskur banki (með sterka vísun í nafn landsins) hefur gleypt hundruð milljarða frá einstaklingum, góðgerðarfélögum og sveitafélögum. Sama á við um Holland. Þjóðverjar eru líka reiðir.

Við erum þekkt fyrir það að þegar bankarnir hættu að fá lánað lausafé til rekstursins mætti seðlabankastjóri Íslands í ríkisfjölmiðilinn og sagði heiminum að við ætluðum ekki að borga útlendingum það sem við skuldum þeim. Viðtalið hefur verið þýtt og birt víða um heim, m.a. í Wallstreet Journal.

Fyrir tveimur árum komumst við í heimsfréttirnar af því við komum í veg fyrir það að alþjóðasamfélagið samþykkti bann við botnvörpuveiðum á alþjóðlegum hafsvæðum. Síðsumars í ár móðguðumst við út í alþjóðleg umhverfissamtök af því okkur þóttu skilyrðin fyrir sjálfbærum fiskveiðum ekki henta okkur nógu vel. LÍÚ ákvað því bara að búa til sitt eigið umhverfisvottunarmerki! ICELAND - RESPONSIBLE FISHERIES. Hlýtur að slá í gegn í Bretlandi núna!

Síðasta alþjóðlega afrek okkar á sviði fiskveiða er að reyta Skota til reiði vegna óheftra makrílveiða úr stofni sem er nýfarinn að gægjast inn í lögsögu okkar. Myndi ekki slík hegðun heita rányrkja ef það væri þorskurinn okkar?

Í þessari stöðu finnst Sigurði Kára einhliða upptaka evru - í ítrekaðri andstöðu við ESB - algjörlega vera málið! Í frétt á visir.is segir hann orðrétt:

„Við getum ekki verið að horfa á einhvern pirring einhverra embættismanna í Brussel. Við verðum fyrst og fremst að horfa á okkar eigin hagsmuni."

Stundum get ég ekki varist því að brjóta heilann um það af hverju þingmaðurinn og margir flokksbræður hans virðast hræddari við að styggja DO með því að hugleiða ESB aðild en að kalla yfir landið reiði alþjóðasamfélagsins.
Eins vond og mér finnst hugmynd og framsetning þingmannsins vera þá finnst mér hins vegar fyllilega athugandi að kanna aðra útfærslu á hugmynd Heiðars Más og Ársæls - flýtiupptöku evru.

Staðreyndin er sú að við erum skuldugasta þjóð í heimi og með gjaldmiðil sem ekki nokkur þjóð tekur mark á. Ef við eigum að geta unnið okkur út úr þessu sæmilega hratt og borgað heiminum skuldir okkar þurfum við afnot af alvöru gjaldmiðli. Þess vegna ættum við að láta á það reyna hvort það er hægt að semja um flýtiupptöku af evru sem lið í umsókn að ESB.

Nú þegar svo virðist sem IMF planið gangi ekki upp og flotsetning dauðrar krónu í miðri alþjóðlegri fjármálakreppu lítur út fyrir að vera mikið hættuspil er nauðsynlegt að hugsa út fyrir kassann. En ekki með frekju, hroka og í andstöðu við okkar mikilvægustu viðskiptalönd - heldur í samstarfi við þau.

Afgreiðslu umsóknar frestað

Rétt ákvörðun

Hnífasett virðist vera jólagjöf framsóknarmannsins í ár eins og undanfarin ár.

Það var athyglisvert í morgunfréttum útvarps þegar fréttamaður rifjaði upp að trúnaðarbréfi frá Bjarna hafði líka verið lekið í fjölmiðla af andstæðingum hans innan Framsóknarflokksins. Valgerður kannaðist að sjálfsögðu ekkert við að hafa tekið þátt í slíku. Það er auðvitað engin ástæða til að rengja það en hitt blasir við að Valgerður er til muna vandvirkari en Bjarni svo hún hefði aldrei gert sig seka um sama klaufaskap og hann.

Þetta er hárrétt ákvörðun hjá Bjarna og honum til sóma að játa mistök sín. Til heiðurs honum,  Framsóknarflokknum þeirri íslensku hefð að nýta góð yrkisefni er þessi litla vísa:

Við launvíg, eins og aðra ljóta hrekki,
fer allt úr böndunum
þegar sá sem leitar lags er ekki
laginn í höndunum.

Bjarni segir af sér

Framsóknarkveisa

Áframsendi gagnrýni á Valgerði

Í kafi!

"Hvað geturðu verið lengi í kafi?" spyrja krakkar hver annan í sundi. Það er skemmtilegur leikur að reyna að keppa um það hver getur verið lengst án þess að nota súrefni.

Þetta er ekki skemmtilegur leikur þegar út í alvöruna er komið. Staðreyndin er sú að gjaldmiðilskreppan er að drekkja heimilunum, fyrirtækjunum og sveitarfélögum. Sú staðreynd að enginn veit í raun hvort evran kostar 150, 250, 350 eða 450 krónur slær allar áætlanir út af borðinu.

Þess vegna er það langbrýnasta verkefni ríkisstjórnarinnar að ná stöðugleika í gjaldeyrismálum. Það má ekki taka lengri tíma en fyrirtækin, heimilin og sveitarfélögin geta "verið í kafi".

Um síðustu mánaðarmót áttu sum stór sveitarfélög varla fyrir útborgun launa. Mörg skuldlaus fyrirtæki í góðum rekstri sjá fram á hrun af því viðskipti með gjaldmiðilinn eru í molum. Um heimilin þarf ekki að fjölyrða.

Því miður virðist IMF planið ekki vera að smella. Flestir virðast sammála um að þótt nauðsynleg lán fengjust muni krónan falla mikið a.m.k. til að byrja með. Það er skuggalegt. Nú þarf að hugsa út fyrir kassann. Hratt.

Mörg fyrirtæki eru tæknilega gjaldþrota

Vilhjálmur um seðlabankastjóra:

Í frétt á visir.is segir Vilhjálmur Egilsson, framkvæmdastjóri Samtaka atvinnulífsins, eftirfarandi um núverandi seðlabankastjóra:

Andstaða Davíðs við að bankarnir gerðu upp í evrum lá fyrir allan tímann. Davíð hefur aldrei legið á skoðunum sínum á mönnum og málefnum. Ég hef heyrt hann tala vel um menn og svo ekki jafn vel um aðra menn.

Hann er skemmtilega varkár í orðum hann Vilhjálmur.

Kjörumhverfi fyrir spillingu

Heimsmet?

Það væri eftir okkur að eiga heimsmet í þessu líka.

Ekkert land hrunið hraðar

Ekkert að því að skipta um skoðun - ef sú gamla reyndist vond

Það er ástæða til að óska sjálfstæðismönnum í borginni til hamingju með að hafa skipt um skoðun á hinum gamla draumi sínum (og einu helsta kosningaloforði sínu) um þriggja hæða mislæg gatnamót á mótum Kringlumýrarbrautar og Miklubrautar.

Eftir þverpólitískt samráð þar sem samráðshópurinn (sem settur var á fót að tillögu Samfylkingarinnar) fór yfir umferðartölur og önnur gögn náðist samstaða um að í stað mislægra gatnamóta á þremur hæðum yrði Miklabraut lögð í stokk en núverandi gatnamót héldu sér að öðru leyti.

Það er ástæða til að taka undir með Gísla Marteini Baldurssyni sem sagði það sérstakt fagnaðarefni að þetta áratuga deilumál skuli nú vera leyst. Það er ekkert að því að skipta um skoðun - sérstaklega ekki ef sú gamla var vond.

Samfylkingin hafði einnig frumkvæði að stofnun samráðshóps um lausn á deilunni um tengingu Hallsvegar við Vesturlandsveg. Nú er bara að bíða og sjá hvort sjálfstæðismenn eru tilbúnir að skipta um skoðun þar líka!

Miklabraut í stokk að hluta