Kúgaður formaður í meðvirkum flokki

Sjálfstæðisflokkurinn hefur verið óstjórntækur frá því í bankahruninu. Hægfara var foringinn fyrir en lamaður á eftir. Ekkert var hægt að ákveða nema að GHH bæri það fyrst undir Seðlabankastjóra og fengi samþykki hans.

Aldrei hefur mátt hrófla við Davíð, ekki einu sinni eftir dæmalaust viðtal sem hann sjálfur útvegaði sér í Kastljósi, viðtalinu sem kostaði okkur Íslendinga orðsporið því þar sagði Davíð að planið væri að svíkja útlendinga en borga Íslendingum.

Seðlabankastjóri hefur sjálfur upplýst að hann eigi upptökur af símtölum sínum við ráðherra, m.a. GHH. Þessum upptökum á að eyða eftir 3 mánuði en það hefur hann ekki gert, væntanlega af því hann telur að þær geti komið í góðar þarfir síðar.

Geir Haarde hefur verið undir hælnum á sínum undirmanni alveg frá byrjun og ekki nema von að fólk  hafi velt því fyrir sér í fúlustu alvöru hvort Davíð Oddsson eigi kannski myndir af formanni flokksins léttklæddum - svo það sé sagt á penan hátt. Eitthvað hefur hann allavega á hann.

Sjálfstæðisflokkurinn er að tærast upp af innanmeinum og ljóst að flokkurinn mun ekki jafna sig nema að slíta upp með rótum það illgresi sem allt er að kæfa, hvort heldur er ungt fólk, breytt viðhorf eða viðleitni í þá átt að horfast í augu við afleiðingarnar af 18 ára valdasetu flokksins, játa mistök og reyna að læra af þeim.

Ef formaðurinn ætlar að kæfa þessar raddir sjálfsgagnrýni með réttlætingarræðum og yfirklóri á flokkurinn sér ekki viðreisnar von. Sem er út af fyrir sig allt í lagi mín vegna.

Geir: Stjórnuðust af hatri

Athugasemdir

[Óskar Þorkelsson, 30.1.2009 kl. 17:49]

Ég er ekkert viss um að Geir sé undir hælnum á Davíð.. ég er þeirrar skoðunnar að Geir sé meðvirkur og viljugur samstarfsmaður Davíðs enda er Geir höfundurinn af bankagjöfunum á sínum tíma...

Semsagt.. Geir = Davíð

[Hafþór Baldvinsson (IP-tala skráð) 30.1.2009 kl. 17:57]

Ósköp finnst mér þetta ómálefnalegt hjá þér Dofri. "Hér mega allir tjá sig málefnalega og undir nafni. IP tölur og netföng þeirra sem fara yfir strikið verða birt."

Er þetta kannski það sem Geir á við þegar hann nefnir hatur?

Leðjulagur af þessu tagi svo maður nefni það pent er fulltrúa íbúa í höfuðborginni ekki sæmandi.

[Finnur Bárðarson, 30.1.2009 kl. 18:30]

Sjálfsgagnrýni og réttlætingarræða er bara ekki til í orðabók þessa flokks og ef hann væri til staðar væri flokkurinn hreinlega ekki til.

[Hólmfríður Bjarnadóttir, 30.1.2009 kl. 19:12]

Sannleikanum verður hver sárreiðastur, það sannast vel núna. Sjálfstæðisflokkur er farinn að minna á gamalt fúið timburhús sem er virkilega þurfi endurnýjunar við. Hvort húsafriðunarnefnd verður kölluð til, er ekki vitað, en mér þætti það ekki ráðlegt.

[Kristján Logason, 30.1.2009 kl. 22:24]

Húsum fullum af veggjatítlum er yfirleitt fargað enda ekki endurbyggjanleg

[Heimir Lárusson Fjeldsted, 30.1.2009 kl. 22:25]

Það er oft sem þú bullar Dofri, en aldrei sem núna

[Guðmundur Jónsson, 31.1.2009 kl. 01:32]

 Þetta eru nokkur af bloggum þínum Dofri um þennan kall sem Geir segir að þú hatir.

http://dofri.blog.is/blog/dofri/entry/728142/

http://dofri.blog.is/blog/dofri/entry/719305/

http://dofri.blog.is/blog/dofri/entry/715658/

http://dofri.blog.is/blog/dofri/entry/704700/

http://dofri.blog.is/blog/dofri/entry/704700/

http://dofri.blog.is/blog/dofri/entry/666075/

http://dofri.blog.is/blog/dofri/entry/665150/

http://dofri.blog.is/blog/dofri/entry/660972/

http://dofri.blog.is/blog/dofri/entry/658657/

http://dofri.blog.is/blog/dofri/entry/657856/

http://dofri.blog.is/blog/dofri/entry/657587/

http://dofri.blog.is/blog/dofri/entry/656669/

[Lúðvík Júlíusson, 31.1.2009 kl. 07:24]

Ég held að dómur sé þegar fallinn í máli Geirs og Davíðs þegar krónan tekur sig til og styrkist þrátt fyrir svokallaða stjórnarkreppu, að Davíð sé á leið úr Seðlabankanum og að formaður VG verði líklega fjármálaráðherra.

Styrking krónunnar sýnir okkur að við hefðum átt að fara þessa leið strax í október.

[Bragi Sigurðsson, 31.1.2009 kl. 12:46]

Geir gat ekki rekið seðlabankastjórnina fyrr en eftir landsþyngið.  Ef hann hefði látið seðlabankastjórana fara hefði landsþyngið farið í uppnám og flokkurinn hefði klofnað í herðar niður, Davíð myndi beita sé áð fullum þunga gegn Geir og sett allt í uppnám.

[Gunnar Th. Gunnarsson, 31.1.2009 kl. 14:29]

Svona soraskrif eru engum sæmandi. allra síst manni sem vill gera sig gildandi á Stjórnmálasviðinu.